“Парис-2024” зуны XXXIII олимпын наадмын албан ёсны оноо олгож эхлэх “Улаанбаатар их дуулга-2022” өндөр зэрэглэлийн тэмцээнийг Улаанбаатар хотноо анх удаа зохион байгуулах гэж буй. Монгол Улсын Ерөнхийлөгчийн ивээл дор болох жүдо бөхийн олон улсын тус тэмцээн зургадугаар сарын 24-26-ны хооронд “Steppe arena” буюу “Мөсөн өргөө”-д үргэлжилнэ.
“ᠫᠠᠷᠢᠰ ᠒᠐᠒᠔” ᠵᠤᠨ ᠤ᠋ XXXIII ᠣᠯᠢᠮᠫ ᠤ᠋ᠨ ᠨᠠᠭᠠᠳᠤᠮ ᠤ᠋ᠨ ᠠᠯᠪᠠᠨ ᠶᠣᠰᠤᠨ ᠤ᠋ ᠣᠨᠤᠭᠠ ᠣᠯᠭᠠᠵᠤ ᠡᢈᠢᠯᠡᢈᠦ “ᠤᠯᠠᠭᠠᠨᠪᠠᠭᠠᠲᠤᠷ ᠶᠡᢈᠡ ᠳᠤᠭᠤᠯᠠᠭᠠ ᠒᠐᠒᠒” ᠥᠨᠳᠦᠷ ᠵᠡᠷᢉᠡᠯᠡᠯ ᠦ᠋ᠨ ᠲᠡᠮᠡᠴᠡᢉᠡᠨ ᠢ᠋ ᠤᠯᠠᠭᠠᠨᠪᠠᠭᠠᠲᠤᠷ ᠬᠣᠲᠠᠨᠠ ᠠᠩᠬᠠ ᠤᠳᠠᠭᠠ ᠵᠣᢈᠢᠶᠠᠨ ᠪᠠᠶᠢᠭᠤᠯᠬᠤ ᢉᠡᠵᠦ ᠪᠤᠢ᠃ ᠮᠣᠩᠭᠣᠯ ᠤᠯᠤᠰ ᠤ᠋ᠨ ᠶᠡᠷᠦᠩᢈᠡᠶᠢᠯᠡᢉᠴᠢ ᠶ᠋ᠢᠨ ᠢᠪᠡᢉᠡᠯ ᠳᠣᠣᠷᠠ ᠪᠣᠯᠬᠤ ᠵᠢᠦᠳᠤ ᠪᠥᢈᠡ ᠶ᠋ᠢᠨ ᠣᠯᠠᠨ ᠤᠯᠤᠰ ᠤ᠋ᠨ ᠲᠤᠰᠠ ᠲᠡᠮᠡᠴᠡᢉᠡᠨ ᠵᠢᠷᠭᠤᠳᠤᠭᠠᠷ ᠰᠠᠷᠠ ᠶ᠋ᠢᠨ ᠒᠔ ᠒᠖ ᠶ᠋ᠢᠨ ᠬᠣᠭᠤᠷᠤᠨᠳᠤ “Steppe arena” ᠪᠤᠶᠤ “ᠮᠥᠰᠦᠨ ᠥᠷᢉᠦᢉᠡ”ᠳ᠋ᠡ ᠦᠷᢉᠦᠯᠵᠢᠯᠡᠨᠡ᠃
Монголын Жүдо бөхийн холбоо, Олон улсын Жүдо бөхийн холбоо, Ерөнхийлөгчийн Тамгын газар, Нийслэлийн Засаг даргын Тамгын газар хамтран зохион байгуулж байгаа “Улаанбаатар Их дуулга-2022”-д одоогийн байдлаар 30 орны 270 тамирчин оролцохоо мэдэгдээд байна. Тодруулбал, Олимпын хошой аварга Оно Шохей, Олимп, дэлхийн аварга Таканори Нагасе, Дэлхийн аварга Ёшида Цүкаса тэргүүтэй Японы хүчирхэг шигшээ баг ирэх нь тодорхой болсноос гадна жүдо өндөр хөгжсөн БНСУ, Франц, Герман, Итали, Израйл, Их Британи, Нидерланд, Казахстан, Узбекстан тэргүүтэй орнуудын шилдэг шигшээ багууд оролцох юм. Мөн Олимпын хошой аварга Чехийн Лукаш Крпалек, Дэлхийн хошой аварга Португалын Хорхе Фонсека зэрэг аваргууд шигшээ багуудаа ахалж, 2024 оны олимпын эрхийн анхны онооны төлөө ирнэ.
ᠮᠣᠩᠭᠤᠯ ᠤ᠋ᠨ ᠵᠦᠳᠣ᠋ ᠪᠥᢈᠡ ᠶ᠋ᠢᠨ ᠬᠣᠯᠪᠤᠭᠠ᠂ ᠣᠯᠠᠨ ᠤᠯᠤᠰ ᠤ᠋ᠨ ᠵᠢᠦᠳᠤ ᠪᠥᢈᠡ ᠶ᠋ᠢᠨ ᠬᠣᠯᠪᠤᠭᠠ᠂ ᠶᠡᠷᠦᠩᢈᠡᠶᠢᠯᠡᢉᠴᠢ ᠶ᠋ᠢᠨ ᠲᠠᠮᠠᠭᠠ ᠶ᠋ᠢᠨ ᠭᠠᠵᠠᠷ᠂ ᠨᠡᠶᠢᠰᠯᠡᠯ ᠦ᠋ᠨ ᠵᠠᠰᠠᠭ ᠳᠠᠷᠤᠭᠠ ᠶ᠋ᠢᠨ ᠲᠠᠮᠠᠭᠠ ᠶ᠋ᠢᠨ ᠭᠠᠵᠠᠷ ᠬᠠᠮᠲᠤᠷᠠᠨ ᠵᠣᢈᠢᠶᠠᠨ ᠪᠠᠶᠢᠭᠤᠯᠵᠤ ᠪᠠᠶᠢᠭᠠ “ᠤᠯᠠᠭᠠᠨᠪᠠᠭᠠᠲᠤᠷ ᠶᠡᢈᠡ ᠳᠤᠭᠤᠯᠠᠭᠠ ᠒᠐᠒᠒”᠆ ᠳᠤ ᠣᠳᠤ ᠶ᠋ᠢᠨ ᠪᠠᠶᠢᠳᠠᠯ ᠢ᠋ᠶᠠᠷ ᠓᠐ ᠣᠷᠤᠨ ᠤ᠋ ᠒᠗᠐ ᠲᠠᠮᠢᠷᠴᠢᠨ ᠣᠷᠤᠯᠴᠠᠬᠤ ᠪᠠᠨ ᠮᠡᠳᠡᢉᠳᠡᢉᠡᠳ ᠪᠠᠶᠢᠨᠠ᠃ ᠲᠣᠳᠤᠷᠠᠭᠤᠯᠪᠠᠯ᠂ ᠣᠯᠢᠮᠫ ᠤ᠋ᠨ ᠬᠣᠱᠤᠢ ᠠᠪᠤᠷᠭᠤ ᠣᠨᠠ ᠱᠣᢈᠧᠢ᠂ ᠣᠯᠢᠮᠫ᠂ ᠳᠡᠯᠡᢈᠡᠢ ᠶ᠋ᠢᠨ ᠠᠪᠤᠷᠭᠤ ᠲᠠᠻᠠᠨᠣᠷᠢ ᠨᠠᠭᠠᠰᠧ᠂ ᠳᠡᠯᠡᢈᠡᠢ ᠶ᠋ᠢᠨ ᠠᠪᠤᠷᠭᠤ ᠶᠣᠰᠢᠳᠠ ᠼᠦᠻᠠᠰ ᠢ᠋ᠶᠠᠨ ᠲᠡᠷᠢᢉᠦᠲᠡᠢ ᠶᠠᠫᠣᠨ ᠤ᠋ ᢈᠦᠴᠦᠷᢈᠡᢉ ᠰᠢᢉᠰᠢᢉᠡ ᠪᠠᠭ ᠢᠷᠡᢈᠦ ᠨᠢ ᠲᠣᠳᠤᠷᠬᠠᠢ ᠪᠣᠯᠤᠭᠰᠠᠨ ᠠ᠋ᠴᠠ ᠭᠠᠳᠠᠨᠠ ᠵᠢᠦᠳᠤ ᠥᠨᠳᠦᠷ ᢈᠥᢉᠵᠢᢉᠰᠡᠨ ᠪᠢᠰᠦ᠂ ᠹᠷᠠᠨ᠋ᠼ᠂ ᢉᠧᠷᠮᠠᠨ᠋᠂ ᠢᠲ᠋ᠠᠯᠢ᠂ ᠢᠰᠷᠠᠧᠯ᠂ ᠶᠡᢈᠡ ᠪᠷᠢᠲ᠋ᠠᠨᠢ᠂ ᠨᠢᠳ᠋ᠧᠷᠯᠠᠨ᠋ᠳ᠋᠂ ᠻᠠᠽᠠᠬᠰᠲ᠋ᠠᠨ᠂ ᠦᠽᠪᠧᠻᠰᠲ᠋ᠠᠨ ᠲᠡᠷᠢᢉᠦ ᠲᠡᠢ ᠣᠷᠤᠨ ᠨᠤᠭᠤᠳ ᠤ᠋ᠨ ᠰᠢᠯᠢᠳᠡᢉ ᠰᠢᢉᠰᠢᢉᠡ ᠪᠠᠭ ᠤ᠋ᠳ ᠣᠷᠤᠯᠴᠠᠬᠤ ᠶᠠᠭᠤᠮᠠ᠃ ᠮᠥᠨ ᠣᠯᠢᠮᠫ ᠤ᠋ᠨ ᠬᠣᠱᠤᠢ ᠠᠪᠤᠷᠭᠤ ᠴᠧᠾ ᠤ᠋ᠨ ᠯᠤᠻᠠᠱ ᠻᠷᠫᠠᠯᠧᠻ᠂ ᠳᠡᠯᠡᢈᠡᠢ ᠶ᠋ᠢᠨ ᠬᠣᠱᠤᠢ ᠠᠪᠤᠷᠭᠤ ᠫᠣᠷᠲ᠋ᠦ᠋ᠭᠠᠯ ᠤ᠋ᠨ ᠬᠣᠷᢈᠧ ᠹᠣᠨᠰᠧᠻᠠ ᠵᠡᠷᢉᠡ ᠠᠪᠤᠷᠭᠤ ᠨᠤᠭᠤᠳ ᠰᠢᢉᠰᠢᢉᠡ ᠪᠠᠭ ᠤ᠋ᠳ ᠢ᠋ᠶᠠᠨ ᠠᠬᠠᠯᠠᠵᠤ᠂ ᠒᠐᠒᠔ ᠣᠨ ᠤ᠋ ᠣᠯᠢᠮᠫ ᠤ᠋ᠨ ᠡᠷᢈᠡ ᠶ᠋ᠢᠨ ᠠᠩᠬᠠᠨ ᠤ᠋ ᠣᠨᠤᠭᠠᠨ ᠤ᠋ ᠲᠥᠯᠦᢉᠡ ᠢᠷᠡᠨᠡ᠃
Монгол Улсын шигшээ багийн хувьд зохион байгуулагч орны давуу эрхээр дүрмийн дагуу жин тус бүрд дөрвөн тамирчин сойж, манай шинэ залуу тамирчид “Улаанбаатар их дуулга”-ын татамид гарч, дэлхийн шилдгүүдтэй тулж, туршлага, ур чадвараа ахиулах юм. Тухайлбал, Олимпын хүрэл медальт Ц.Цогтбаатар, ДАШТ-ий хүрэл медальт Г.Одбаяр, Ё.Басхүү, Олон улсын хэмжээний мастер Б.Баасанхүү, Г.Наранцэцэг, Б.Хорлоодой, Л.Энхрийлэн нарын шилдгүүд эх орныхоо дэвжээнд ур чадвараа сорино.
ᠮᠣᠩᠭᠣᠯ ᠤᠯᠤᠰ ᠤ᠋ᠨ ᠰᠢᢉᠰᠢᢉᠡ ᠪᠠᠭ ᠤ᠋ᠨ ᠬᠤᠪᠢ ᠳ᠋ᠤ ᠵᠣᢈᠢᠶᠠᠨ ᠪᠠᠶᠢᠭᠤᠯᠤᠭᠴᠢ ᠣᠷᠤᠨ ᠤ᠋ ᠳᠠᠪᠠᠭᠤ ᠡᠷᢈᠡ ᠪᠡᠷ ᠳᠦᠷᠢᠮ ᠦ᠋ᠨ ᠳᠠᠭᠠᠭᠤ ᠵᠢᠩ ᠲᠤᠰ ᠪᠦᠷᠢ ᠳ᠋ᠦ ᠳᠥᠷᠪᠡᠨ ᠲᠠᠮᠢᠷᠴᠢᠨ ᠰᠣᠶᠢᠵᠤ᠂ ᠮᠠᠨ ᠤ᠋ ᠰᠢᠨᠡ ᠵᠠᠯᠠᠭᠤ ᠲᠠᠮᠢᠷᠴᠢᠳ “ᠤᠯᠠᠭᠠᠨᠪᠠᠭᠠᠲᠤᠷ ᠶᠡᢈᠡ ᠳᠤᠭᠤᠯᠠᠭ ᠠ᠋”ᠶᠠᠭ ᠠ᠋ᠨ ᠲᠠᠲᠠᠮᠢᠳ ᠭᠠᠷᠴᠤ᠂ ᠳᠡᠯᠡᢈᠡᠢ ᠶ᠋ᠢᠨ ᠰᠢᠯᠢᠳᠡᢉ ᠦᠳ ᠲᠡᠢ ᠲᠤᠯᠵᠤ᠂ ᠲᠤᠷᠰᠢᠯᠭᠠ᠂ ᠤᠷᠠ ᠴᠢᠳᠠᠪᠤᠷᠢ ᠪᠠᠨ ᠠᢈᠢᠭᠤᠯᠬᠤ ᠶᠠᠭᠤᠮᠠ᠃ ᠲᠤᠬᠠᠶᠢᠯᠠᠪᠠᠯ᠂ ᠣᠯᠢᠮᠫ ᠤ᠋ᠨ ᢈᠦᠷᠡᠯ ᠮᠧᠳ᠋ᠠᠯ ᠲᠤ ᠴᠤ᠃ᠴᠣᠭᠲᠤᠪᠠᠭᠠᠲᠤᠷ᠂ ᠳᠠᠰᠢᠲᠤ ᠡᠢ ᢈᠦᠷᠡᠯ ᠮᠧᠳ᠋ᠠᠯᠲ ᠭ᠃ᠣᠳᠤᠪᠠᠶᠠᠷ᠂ ᠶᠣ᠃ᠪᠠᠰᠠᢈᠦ᠋ᠦ᠂ ᠣᠯᠠᠨ ᠤᠯᠤᠰ ᠤ᠋ᠨ ᢈᠡᠮᠵᠢᠶ ᠡᠨ ᠦ᠋ ᠮᠠᠰᠲ᠋ᠧᠷ ᠪ᠃ᠪᠠᠰᠠᠩᢈᠦ᠋ᠦ᠂ ᠭ᠃ᠨᠠᠷᠠᠨᠴᠡᠴᠡᢉ᠂ ᠪ᠃ᠬᠣᠷᠯᠤ ᠠᠳᠠᠢ᠂ ᠯᠠ᠃ᠡᠩᢈᠦᠷᠡᠶᠢᠯᠡᠨ ᠨᠠᠷ ᠤ᠋ᠨ ᠰᠢᠯᠢᠳᠡᢉ ᠦᠳ ᠡᢈᠡ ᠣᠷᠤᠨ ᠤ᠋ ᢈᠢ ᠪᠠᠨ ᠳᠡᠪᠵᠢᠶᠡᠨ ᠳ᠋ᠦ ᠤᠷᠠ ᠴᠢᠳᠠᠪᠤᠷᠢ ᠪᠠᠨ ᠰᠣᠷᠢᠨᠠ᠃
Монгол Улс өмнө нь 2009-2012 онд “Чингис хаан” дэлхийн цомын тэмцээн, 2013-2016 онд “Улаанбаатарын гран при” тэмцээнийг эх орондоо зохион байгуулсан түүхтэй бол таван жилийн дараа Олон улсын жүдо бөхийн холбооны Дэлхийн цуврал тэмцээнийг Улаанбаатар хотноо зохион байгуулахад бэлэн боллоо.
ᠮᠣᠩᠭᠤᠯ ᠤᠯᠤᠰ ᠡᠮᠦᠨᠡ ᠨᠢ ᠒᠐᠐᠙᠖᠒᠐᠑᠒ ᠣᠨ ᠳ᠋ᠤ “ᠴᠢᠩᢉᠢᠰ ᠬᠠᠭᠠᠨ” ᠳᠡᠯᠡᢈᠡᠢ ᠶ᠋ᠢᠨ ᠴᠣᠮᠤ ᠶ᠋ᠢᠨ ᠲᠡᠮᠡᠴᠡᢉᠡᠨ᠂ ᠒᠐᠑᠓᠔᠒᠐᠑᠖ ᠣᠨ ᠳ᠋ᠤ “ᠤᠯᠠᠭᠠᠨᠪᠠᠭᠠᠲᠤᠷ ᠤ᠋ᠨ ᢉᠷᠠᠨ ᠫᠷᠢ” ᠲᠡᠮᠡᠴᠡᢉᠡᠨ ᠢ᠋ ᠡᢈᠡ ᠣᠷᠤᠨ ᠳ᠋ᠤ ᠪᠠᠨ ᠵᠣᢈᠢᠶᠠᠨ ᠪᠠᠶᠢᠭᠤᠯᠤᠭᠰᠠᠨ ᠲᠡᠦᢈᠡ ᠲᠡᠢ ᠪᠣᠯ ᠲᠠᠪᠤᠨ ᠵᠢᠯ ᠦ᠋ᠨ ᠳᠠᠷᠠᠭᠠ ᠣᠯᠠᠨ ᠤᠯᠤᠰ ᠤ᠋ᠨ ᠵᠢᠦᠳᠤ ᠪᠥᢈᠡ ᠶ᠋ᠢᠨ ᠬᠣᠯᠪᠤᠭᠠᠨ ᠤ᠋ ᠳᠡᠯᠡᢈᠡᠢ ᠶ᠋ᠢᠨ ᠴᠤᠪᠤᠷᠠᠯ ᠲᠡᠮᠡᠴᠡᢉᠡᠨ ᠢ᠋ ᠤᠯᠠᠭᠠᠨᠪᠠᠭᠠᠲᠤᠷ ᠬᠣᠲᠠᠨᠠ ᠵᠣᢈᠢᠶᠠᠨ ᠪᠠᠶᠢᠭᠤᠯᠬᠤ ᠳ᠋ᠤ ᠪᠡᠯᠡᠨ ᠪᠣᠯᠤᠯᠤᠭᠠ᠃
НИЙСЛЭЛИЙН БИЕИЙН ТАМИР, СПОРТЫН ГАЗАР – ᠨᠡᠶᠢᠰᠯᠡᠯ ᠦ᠋ᠨ ᠪᠡᠶᠡ ᠶ᠋ᠢᠨ ᠲᠠᠮᠢᠷ᠂ ᠰᠫᠤᠷᠲ᠋ ᠤᠨ ᠭᠠᠵᠠᠷ
