Нийслэлийн ерөнхий боловсролын сургуулийн сурагчдын дунд зохион байгуулдаг “Улаанбаатар лиг” волейболын XI удаагийн тэмцээний сүүлийн шат өнөөдөр эхэллээ. Нийслэлийн Засаг даргын нэрэмжит энэхүү тэмцээнийг 2022 оны арванхоёрдугаар сарын 1-нээс 2023 оны дөрөвдүгээр сарын 7-ны өдрүүдэд насны хоёр ангиллаар, гурван үе шаттайгаар зохион байгуулж буй юм. ᠨᠡᠶᠢᠰᠯᠡᠯ ᠦ᠋ᠨ ᠶᠡᠷᠦᠩᢈᠡᠢ ᠪᠣᠯᠪᠠᠰᠤᠷᠠᠯ ᠤ᠋ᠨ ᠰᠤᠷᠭᠠᠭᠤᠯᠢ ᠶ᠋ᠢᠨ ᠰᠤᠷᠤᠭᠴᠢᠳ ᠤ᠋ᠨ ᠳᠤᠮᠳᠠ ᠵᠣᢈᠢᠶᠠᠨ ᠪᠠᠶᠢᠭᠤᠯᠳᠠᠭ “ᠤᠯᠠᠭᠠᠨᠪᠠᠭᠠᠲᠤᠷ ᠯᠢᢉ” ᠸᠣᠯᠧᠶᠶᠢᠪᠤᠯ ᠤ᠋ᠨ XI ᠤᠳᠠᠭᠠ ᠶ᠋ᠢᠨ ᠲᠡᠮᠡᠴᠡᢉᠡᠨ ᠦ᠋ ᠰᠡᢉᠦᠯ ᠦ᠋ᠨ ᠱᠠᠲᠤ ᠥᠨᠦᠳᠦᠷ ᠡᢈᠢᠯᠡᠯᠡ᠃ ᠨᠡᠶᠢᠰᠯᠡᠯ ᠦ᠋ᠨ ᠵᠠᠰᠠᠭ ᠳᠠᠷᠤᠭᠠ ᠶ᠋ᠢᠨ ᠨᠡᠷᠡᠮᠵᠢᠲᠦ ᠡᠨᠡ ᢈᠦ ᠲᠡᠮᠡᠴᠡᢉᠡᠨ ᠢ᠋ ᠒᠐᠒᠒ ᠣᠨ ᠤ᠋ ᠠᠷᠪᠠᠨᠬᠣᠶᠠᠳᠤᠭᠠᠷ ᠰᠠᠷᠠ ᠶ᠋ᠢᠨ ᠑᠆ ᠡᠴᠡ ᠒᠐᠒᠓ ᠣᠨ ᠤ᠋ ᠳᠥᠷᠪᠡᠳᠦᢉᠡᠷ ᠰᠠᠷᠠ ᠶ᠋ᠢᠨ ᠗᠆ ᠶ᠋ᠢᠨ ᠡᠳᠦᠷ ᠦ᠋ᠳ ᠲᠦ ᠨᠠᠰᠤᠨ ᠤ᠋ ᠬᠣᠶᠠᠷ ᠠᠩᢉᠢᠯᠠᠯ ᠢ᠋ᠶᠠᠷ᠂ ᠭᠤᠷᠪᠠᠨ ᠦᠶᠡ ᠱᠠᠲᠤ ᠲᠠᠢ ᠪᠠᠷ ᠵᠣᢈᠢᠶᠠᠨ ᠪᠠᠶᠢᠭᠤᠯᠵᠤ ᠪᠤᠢ ᠶᠠᠭᠤᠮᠠ᠃
Тэмцээнийг Нийслэлийн Засаг даргын Нийгмийн салбар, ногоон хөгжил болон агаар, орчны бохирдлын асуудал хариуцсан орлогч З.Төмөртөмөө нээж үг хэллээ. Тэрбээр: ᠲᠡᠮᠡᠴᠡᢉᠡᠨ ᠢ᠋ ᠨᠡᠶᠢᠰᠯᠡᠯ ᠦ᠋ᠨ ᠵᠠᠰᠠᠭ ᠳᠠᠷᠤᠭᠠ ᠶ᠋ᠢᠨ ᠨᠡᠶᠢᢉᠡᠮ ᠦ᠋ᠨ ᠰᠠᠯᠪᠤᠷᠢ᠂ ᠨᠣᠭᠤᠭᠠᠨ ᢈᠥᢉᠵᠢᠯ ᠪᠣᠯᠤᠨ ᠠᠭᠠᠷ᠂ ᠣᠷᠴᠢᠨ ᠤ᠋ ᠪᠣᢈᠢᠷᠳᠠᠯ ᠤ᠋ᠨ ᠠᠰᠠᠭᠤᠳᠠᠯ ᠬᠠᠷᠢᠭᠤᠴᠠᠭᠰᠠᠨ ᠣᠷᠤᠯᠠᠭᠴᠢ ᠵᠠ᠃ᠲᠡᠮᠦᠷᠲᠦᠮ ᠢ᠋ᠶᠡᠨ ᠨᠡᢉᠡᢉᠡᠵᠦ ᠦᢉᠡ ᢈᠡᠯᠡᠯᠡ᠃ ᠲᠡᠷᠡ ᠪᠡᠷ:
-Ирээдүй хойч болсон хүүхэд залуусынхаа бие бялдрыг хөгжүүлэх, тэдний спортоор хичээллэх хүсэл сонирхлыг дэмжих, томоохон уралдаан, тэмцээнд амжилт гаргах, авьяас чадвараа хөгжүүлэх боломж бүрдүүлэх зорилгоор энэхүү тэмцээнийг зохион байгуулдаг. Спортоор хичээллэдэг хүүхдүүд бие бялдар, сэтгэл зүйн хувьд хөгжихөөс гадна чөлөөт цагаа зөв боловсон өнгөрүүлж, муу зуршлаас ангид байдаг. “Улаанбаатар лиг” тэмцээнд оролцож буй тамирчдадаа амжилт бүхнийг хүсье гэлээ.
᠆ᠢᠷᠡᢉᠡᠳᠦᠢ ᠬᠣᠶᠢᠴᠢ ᠪᠣᠯᠤᠭᠰᠠᠨ ᢈᠡᠦᢈᠡᠳ ᠵᠠᠯᠠᠭᠤᠰ ᠤ᠋ᠨ ᠢ᠋ᠶᠠᠨ ᠪᠡᠶᠡ ᠪᠢᠯᠳᠠᠷ ᠢ᠋ ᢈᠥᢉᠵᠢᢉᠦᠯᢈᠦ᠂ ᠲᠡᠳᠡᠨ ᠦ᠋ ᠰᠫᠤᠷᠲ ᠢ᠋ᠶᠠᠷ ᢈᠢᠴᠢᠶᠡᠯᠯᠡᢈᠦ ᢈᠦᠰᠡᠯ ᠰᠣᠨᠢᠷᠬᠠᠯ ᠢ᠋ ᠳᠡᠮᠵᠢᢈᠦ᠂ ᠲᠣᠮᠤᠬᠠᠨ ᠤᠷᠤᠯᠳᠤᠭᠠᠨ᠂ ᠲᠡᠮᠡᠴᠡᢉᠡᠨ ᠳ᠋ᠦ ᠠᠮᠵᠢᠯᠲᠠ ᠭᠠᠷᠭᠠᠬᠤ᠂ ᠠᠪᠢᠶᠠᠰ ᠴᠢᠳᠠᠪᠤᠷᠢ ᠪᠠᠨ ᢈᠥᢉᠵᠢᢉᠦᠯᢈᠦ ᠪᠣᠯᠤᠮᠵᠢ ᠪᠦᠷᠢᠳᠦᢉᠦᠯᢈᠦ ᠵᠣᠷᠢᠯᠭᠠ ᠪᠠᠷ ᠡᠨᠡ ᢈᠦ ᠲᠡᠮᠡᠴᠡᢉᠡᠨ ᠢ᠋ ᠵᠣᢈᠢᠶᠠᠨ ᠪᠠᠶᠢᠭᠤᠯᠳᠠᠭ᠃ ᠰᠫᠣᠷᠲ ᠢ᠋ᠶᠠᠷ ᢈᠢᠴᠢᠶᠡᠯᠯᠡᠳᠡᢉ ᢈᠡᠦᢈᠡᠳ ᠦ᠋ᠳ ᠪᠡᠶᠡ ᠪᠢᠯᠳᠠᠷ᠂ ᠰᠡᠳᢈᠢᠯ ᠵᠦᠢ ᠶ᠋ᠢᠨ ᠬᠤᠪᠢ ᠳ᠋ᠤ ᢈᠥᢉᠵᠢᢈᠦ ᠡᠴᠡ ᠭᠠᠳᠠᠨᠠ ᠴᠢᠯᠦᢉᠡᠲᠦ ᠴᠠᠭ ᠢ᠋ᠶᠠᠨ ᠵᠥᠪ ᠪᠣᠯᠪᠠᠰᠤᠨ ᠥᠩᢉᠡᠷᠡᢉᠦᠯᠵᠦ᠂ ᠮᠠᠭᠤ ᠵᠤᠷᠰᠢᠯ ᠠ᠋ᠴᠠ ᠠᠩᢉᠢᠳᠠ ᠪᠠᠶᠢᠳᠠᠭ᠃ “ᠤᠯᠠᠭᠠᠨᠪᠠᠭᠠᠲᠤᠷ ᠯᠢᢉ” ᠲᠡᠮᠡᠴᠡᢉᠡᠨ ᠳ᠋ᠦ ᠣᠷᠤᠯᠴᠠᠵᠤ ᠪᠤᠢ ᠲᠠᠮᠢᠷᠴᠢᠳ ᠲᠠᠭᠠᠨ ᠠᠮᠵᠢᠯᠲᠠ ᠪᠦᢈᠦᠨ ᠢ᠋ ᢈᠦᠰᠡᠶᠡ ᢉᠡᠯᠡ᠃
“Улаанбаатар лиг” волейболын тэмцээний нэг, хоёрдугаар шатанд нийслэлийн есөн дүүргийн ерөнхий боловсролын 190 сургуулийн 940 багийн 32000 сурагч оролцсон бол сүүлийн шат буюу нийслэлийн шигшээ тэмцээнд 42 сургуулийн 64 багийн 832 сурагч шалгаран хурд хүч, авьяас чадвараа сорьж байна. “ᠤᠯᠠᠭᠠᠨᠪᠠᠭᠠᠲᠤᠷ ᠯᠢᢉ” ᠸᠣᠯᠧᠶᠢᠪᠣᠯ ᠤ᠋ᠨ ᠲᠡᠮᠡᠴᠡᢉᠡᠨ ᠦ᠋ ᠨᠢᢉᠡ᠂ ᠬᠣᠶᠠᠳᠤᠭᠠᠷ ᠱᠠᠲᠤᠨ ᠳ᠋ᠤ ᠨᠡᠶᠢᠰᠯᠡᠯ ᠦ᠋ᠨ ᠶᠢᠰᠦᠨ ᠳᠡᢉᠦᠷᢉᠡ ᠶ᠋ᠢᠨ ᠶᠡᠷᠦᠩᢈᠡᠢ ᠪᠣᠯᠪᠠᠰᠤᠷᠠᠯ ᠤ᠋ᠨ ᠑᠙᠐ ᠰᠤᠷᠭᠠᠭᠤᠯᠢ ᠶ᠋ᠢᠨ ᠙᠔᠐ ᠪᠠᠭ ᠤ᠋ᠨ ᠓᠒᠐᠐᠐ ᠰᠤᠷᠤᠭᠴᠢ ᠣᠷᠤᠯᠴᠠᠭᠰᠠᠨ ᠪᠣᠯ ᠰᠡᢉᠦᠯ ᠦ᠋ᠨ ᠱᠠᠲᠤ ᠪᠤᠶᠤ ᠨᠡᠶᠢᠰᠯᠡᠯ ᠦ᠋ᠨ ᠰᠢᢉᠰᠢᢉᠡ ᠲᠡᠮᠡᠴᠡᢉᠡᠨ ᠳ᠋ᠦ ᠔᠒ ᠰᠤᠷᠭᠠᠭᠤᠯᠢ ᠶ᠋ᠢᠨ ᠖᠔ ᠪᠠᠭ ᠤ᠋ᠨ ᠘᠓᠒ ᠰᠤᠷᠤᠭᠴᠢ ᠰᠢᠯᠭᠠᠷᠠᠨ ᠬᠤᠷᠳᠤ ᢈᠦᠴᠦ᠂ ᠠᠪᠢᠶᠠᠰ ᠴᠢᠳᠠᠪᠤᠷᠢ ᠪᠠᠨ ᠰᠣᠷᠢᠵᠤ ᠪᠠᠶᠢᠨᠠ᠃
“Улаанбаатар лиг”-ийн “Шилдэг сургууль”-иар шалгарсан Багануур дүүргийн “Гүн галуутай” цогцолбор сургуулийн захирал З.Болормаа:
“ᠤᠯᠠᠭᠠᠨᠪᠠᠭᠠᠲᠤᠷ ᠯᠢᢉ”᠆ ᠦ᠋ᠨ “ᠰᠢᠯᠢᠳᠡᢉ ᠰᠤᠷᠭᠠᠭᠤᠯᠢ”᠆᠆ ᠢᠶᠠᠷ ᠰᠢᠯᠭᠠᠷᠠᠭᠰᠠᠨ ᠪᠠᠭᠠᠨᠠᠭᠤᠷ ᠳᠡᢉᠦᠷᢉᠡ ᠶ᠋ᠢᠨ “ᢉᠦᠨ ᠭᠠᠯᠠᠭᠤ ᠲᠠᠢ” ᠴᠣᠭᠴᠠᠯᠠᠪᠤᠷᠢ ᠰᠤᠷᠭᠠᠭᠤᠯᠢ ᠶ᠋ᠢᠨ ᠵᠠᢈᠢᠷᠤᠯ ᠵᠠ᠃ᠪᠣᠯᠤᠷᠮᠠ:
-Багануур дүүргийн “Гүн галуутай” цогцолбор сургуулийн баг тамирчид “Улаанбаатар лиг” тэмцээнд жил бүр оролцож ирсэн. Өнгөрсөн жил алт, мөнгөн медаль хүртэн, амжилт гаргалаа. Энэ жил ч Багануур дүүргээс дөрвөн баг ирж оролцож буйн гурав нь “Гүн галуутай” сургуулийнх байна гэлээ.
᠆ᠪᠠᠭᠠᠨᠠᠭᠤᠷ ᠳᠡᢉᠦᠷᢉᠡ ᠶ᠋ᠢᠨ “ᢉᠦᠨ ᠭᠠᠯᠠᠭᠤ ᠲᠠᠢ” ᠴᠣᠭᠴᠠᠯᠠᠪᠤᠷᠢ ᠰᠤᠷᠭᠠᠭᠤᠯᠢ ᠶ᠋ᠢᠨ ᠪᠠᠭ ᠲᠠᠮᠢᠷᠴᠢᠳ “ᠤᠯᠠᠭᠠᠨᠪᠠᠭᠠᠲᠤᠷ ᠯᠢᢉ” ᠲᠡᠮᠡᠴᠡᢉᠡᠨ ᠳ᠋ᠦ ᠵᠢᠯ ᠪᠦᠷᠢ ᠣᠷᠤᠯᠴᠠᠵᠤ ᠢᠷᠡᢉᠰᠡᠨ᠃ ᠥᠩᢉᠡᠷᠡᢉᠰᠡᠨ ᠵᠢᠯ ᠠᠯᠲᠠ᠂ ᠮᠥᠩᢉᠦᠨ ᠮᠧᠳ᠋ᠠᠯ ᢈᠦᠷᠲᠡᠨ᠂ ᠠᠮᠵᠢᠯᠲᠠ ᠭᠠᠷᠭᠠᠯᠠ᠃ ᠡᠨᠡ ᠵᠢᠯ ᠴᠤ ᠪᠠᠭᠠᠨᠠᠭᠤᠷ ᠳᠡᢉᠦᠷᢉᠡ ᠡᠴᠡ ᠳᠥᠷᠪᠡᠨ ᠪᠠᠭ ᠢᠷᠡᠵᠦ ᠣᠷᠤᠯᠴᠠᠵᠤ ᠪᠤᠢ ᠶ᠋ᠢᠨ ᠭᠤᠷᠪᠠ ᠨᠢ “ᢉᠦᠨ ᠭᠠᠯᠠᠭᠤ ᠲᠠᠢ” ᠰᠤᠷᠭᠠᠭᠤᠯᠢ ᠶ᠋ᠢᠨ ᢈᠢ ᠪᠠᠶᠢᠨᠠ ᢉᠡᠯᠡ᠃
Спортоор дамжуулан өсвөр үеийнхний бие бялдрыг хөгжүүлэх, эрүүл, зөв дадал зуршлыг төлөвшүүлэх, олон улс, тив, дэлхийн тэмцээнд оролцох өндөр ур чадвартай тамирчдыг бэлтгэх зорилготой энэхүү тэмцээнийг өдгөө 11 дэх жилдээ зохион байгуулж байна.
ᠰᠫᠣᠷᠲ ᠢ᠋ᠶᠠᠷ ᠳᠠᠮᠵᠢᠭᠤᠯᠤᠨ ᠥᠰᠪᠦᠷᠢ ᠦᠶᠡ ᠶ᠋ᠢᠨ ᢈᠢᠨ ᠦ᠋ ᠪᠡᠶᠡ ᠪᠢᠯᠳᠠᠷ ᠢ᠋ ᢈᠥᢉᠵᠢᢉᠦᠯᢈᠦ᠂ ᠡᠷᠡᢉᠦᠯ᠂ ᠵᠥᠪ ᠳᠠᠳᠤᠯ ᠵᠤᠷᠰᠢᠯ ᠢ᠋ ᠲᠥᠯᠦᠪᠰᠢᢉᠦᠯᢈᠦ᠂ ᠣᠯᠠᠨ ᠤᠯᠤᠰ᠂ ᠲᠢᠶᠢᠪ᠂ ᠳᠡᠯᠡᢈᠡᠢ ᠶ᠋ᠢᠨ ᠲᠡᠮᠡᠴᠡᢉᠡᠨ ᠳ᠋ᠦ ᠣᠷᠤᠯᠴᠠᠬᠤ ᠥᠨᠳᠦᠷ ᠤᠷᠠ ᠴᠢᠳᠠᠪᠤᠷᠢ ᠲᠠᠢ ᠲᠠᠮᠢᠷᠴᠢᠳ ᠢ᠋ ᠪᠡᠯᠡᠳᢈᠡᢈᠦ ᠵᠣᠷᠢᠯᠭᠠ ᠲᠠᠢ ᠡᠨᠡ ᢈᠦ ᠲᠡᠮᠡᠴᠡᢉᠡᠨ ᠢ᠋ ᠡᠳᠦᢉᠡ ᠑᠑ ᠳᠡᢈᠢ ᠵᠢᠯ ᠳ᠋ᠦ ᠪᠡᠨ ᠵᠣᢈᠢᠶᠠᠨ ᠪᠠᠶᠢᠭᠤᠯᠵᠤ ᠪᠠᠶᠢᠨᠠ᠃
Эх сурвалж: https://ulaanbaatar.mn/news/17815
