Нийслэлийн ерөнхий боловсролын сургуулийн биеийн тамирын багш нарт зориулсан сургалтыг 2023 оны 04 дүгээр сарын 12-14-ний өдрүүдэд Нийслэлийн Засаг захиргааны V байрны “Иргэний танхим”, Чингэлтэй дүүргийн Биеийн тамир, спортын хорооны спорт цогцолбор, Хан-Уул дүүргийн Биеийн тамир, спортын хорооны спорт зааланд тус тус зохион байгууллаа. ᠨᠡᠶᠢᠰᠯᠡᠯ ᠦ᠋ᠨ ᠶᠡᠷᠦᠩᢈᠡᠢ ᠪᠣᠯᠪᠠᠰᠤᠷᠠᠯ ᠤ᠋ᠨ ᠰᠤᠷᠭᠠᠭᠤᠯᠢ ᠶ᠋ᠢᠨ ᠪᠡᠶᠡ ᠶ᠋ᠢᠨ ᠲᠠᠮᠢᠷ ᠤ᠋ᠨ ᠪᠠᠭᠰᠢ ᠨᠠᠷᠠᠲᠤ ᠵᠣᠷᠢᠭᠤᠯᠤᠭᠰᠠᠨ ᠰᠤᠷᠭᠠᠯᠲᠠ ᠶ᠋ᠢ ᠒᠐᠒᠓ ᠣᠨ ᠤ᠋ ᠐᠔ ᠳᠦᢉᠡᠷ ᠰᠠᠷᠠ ᠶ᠋ᠢᠨ ᠑᠒᠆᠑᠔ ᠨ ᠦ᠋ ᠡᠳᠦᠷ ᠦ᠋ᠳ ᠲᠦ ᠨᠡᠶᠢᠰᠯᠡᠯ ᠦ᠋ᠨ ᠵᠠᠰᠠᠭ ᠵᠠᢈᠢᠷᠭᠠᠨ ᠤ᠋ V ᠪᠠᠶᠢᠷᠢᠨ ᠤ᠋ “ᠢᠷᢉᠡᠨ ᠦ᠋ ᠲᠠᠩᢈᠢᠮ”᠂ ᠴᠢᠩᢉᠢᠯᠲᠡᠢ ᠳᠡᢉᠦᠷᢉᠡ ᠶ᠋ᠢᠨ ᠪᠡᠶᠡ ᠶ᠋ᠢᠨ ᠲᠠᠮᠢᠷ᠂ ᠰᠫᠣᠷᠲ ᠤ᠋ᠨ ᠬᠣᠷᠢᠶᠠᠨ ᠤ᠋ ᠰᠫᠣᠷᠲ ᠴᠣᠭᠴᠠᠯᠠᠪᠤᠷᠢ᠂ ᠬᠠᠨ ᠆ ᠠᠭᠤᠯᠠ ᠳᠡᢉᠦᠷᢉᠡ ᠶ᠋ᠢᠨ ᠪᠡᠶᠡ ᠶ᠋ᠢᠨ ᠲᠠᠮᠢᠷ᠂ ᠰᠫᠤᠷᠲ ᠤ᠋ᠨ ᠬᠣᠷᠢᠶᠠᠨ ᠤ᠋ ᠰᠫᠤᠷᠲ ᠽᠠᠯ ᠳ᠋ᠤ ᠲᠤᠰ ᠲᠤᠰᠠ ᠵᠣᢈᠢᠶᠠᠨ ᠪᠠᠶᠢᠭᠤᠯᠤᠯᠠ᠃
Сургалтад Нийслэлийн 9 дүүргийн 110 сургуулийн 320 биеийн тамирын багш нар хамрагдлаа.
Хөтөлбөр ёсоор онолын сургалтыг Нийслэлийн Биеийн тамир, спортын газрын Спорт, нийтийн биеийн тамирын хэлтсийн ахлах мэргэжилтэн Э.Мөнх-Эрдэнэ “Нийслэлийн Биеийн тамир, спортын газраас 2023 онд хэрэгжүүлэх биеийн тамир, спортын арга хэмжээний танилцуулга”, Хэрэглээний сэтгэл судлалын хүрээлэнгийн тэргүүн Б.Золзаяа “Төрийн албан хаагчдйн ёс зүй”, “Улаанбаатар-2023” Зүүн Азийн Залуучуудын наадмыг зохион байгуулах хороо ХХК-ний ахлах мэргэжилтэн З.Сүхчулуун “Улаанбаатар 2023” Зүүн Азийн Залуучуудын наадмын танилцуулга”, Ерөнхий боловсролын сургуулийн бага, дунд ангийн сурагчдын Уран хөдөлгөөнт гимнастикийн тэмцээний заавал хийх дасгалын мэдээллийг Монголын спорт сонирхогч хөгжөөн дэмжигчдийн холбооны тэргүүн Э.Мөнх-Оргил өгсөн.
ᠰᠤᠷᠭᠠᠯᠲᠠ ᠳ᠋ᠤ ᠨᠡᠶᠢᠰᠯᠡᠯ ᠦ᠋ᠨ ᠙ ᠳᠡᢉᠦᠷᢉᠡ ᠶ᠋ᠢᠨ ᠑᠑᠐ ᠰᠤᠷᠭᠠᠭᠤᠯᠢ ᠶ᠋ᠢᠨ ᠓᠒᠐ ᠪᠡᠶᠡ ᠶ᠋ᠢᠨ ᠲᠠᠮᠢᠷ ᠤ᠋ᠨ ᠪᠠᠭᠰᠢ ᠨᠠᠷ ᠬᠠᠮᠤᠷᠤᠭᠳᠠᠯᠠ᠃
ᢈᠥᠲᠦᠯᠪᠦᠷᠢ ᠶᠣᠰᠤᠭᠠᠷ ᠣᠨᠤᠯ ᠤ᠋ᠨ ᠰᠤᠷᠭᠠᠯᠲᠠ ᠶ᠋ᠢ ᠨᠡᠶᠢᠰᠯᠡᠯ ᠦ᠋ᠨ ᠪᠡᠶᠡ ᠶ᠋ᠢᠨ ᠲᠠᠮᠢᠷ᠂ ᠰᠫᠤᠷᠲ ᠤ᠋ᠨ ᠭᠠᠵᠠᠷ ᠤ᠋ᠨ ᠰᠫᠤᠷᠲ᠂ ᠨᠡᠶᠢᠲᠡ ᠶ᠋ᠢᠨ ᠪᠡᠶᠡ ᠶ᠋ᠢᠨ ᠲᠠᠮᠢᠷ ᠤ᠋ᠨ ᢈᠡᠯᠲᠡᠰ ᠦ᠋ᠨ ᠠᠬᠠᠯᠠᠬᠤ ᠮᠡᠷᢉᠡᠵᠢᠯᠲᠡᠨ ᠡ᠃ᠮᠥᠩᢈᠡ ᠡᠷᠳᠡᠨᠢ “ᠨᠡᠶᠢᠰᠯᠡᠯ ᠦ᠋ᠨ ᠪᠡᠶᠡ ᠶ᠋ᠢᠨ ᠲᠠᠮᠢᠷ᠂ ᠰᠫᠤᠷᠲ ᠤ᠋ᠨ ᠭᠠᠵᠠᠷ ᠠ᠋ᠴᠠ ᠒᠐᠒᠓ ᠣᠨ ᠳ᠋ᠤ ᢈᠡᠷᠡᢉᠵᠢᢉᠦᠯᢈᠦ ᠪᠡᠶᠡ ᠶ᠋ᠢᠨ ᠲᠠᠮᠢᠷ᠂ ᠰᠫᠤᠷᠲ ᠤ᠋ᠨ ᠠᠷᠭᠠ ᢈᠡᠮᠵᠢᠶ ᠡᠨ ᠦ᠋ ᠲᠠᠨᠢᠯᠴᠠᠭᠤᠯᠭᠠ”᠂ ᢈᠡᠷᠡᢉᠯᠡᢉᠡᠨ ᠦ᠋ ᠰᠡᠳᢈᠢᠯ ᠰᠤᠳᠤᠯᠤᠯ ᠤ᠋ᠨ ᢈᠦᠷᠢᠶᠡᠯᠡᠩ ᠦ᠋ᠨ ᠲᠡᠷᠢᢉᠦᠨ ᠪ᠃ᠵᠣᠯᠵᠠᠶᠠᠭᠠ “ᠲᠥᠷᠦ ᠶ᠋ᠢᠨ ᠠᠯᠪᠠᠨ ᠬᠠᠭᠠᠭᠴᠢ ᠳ᠋ᠠᠨ ᠶᠣᠰᠤ ᠵᠦᠢ”᠂ᠹ᠂ “ᠤᠯᠠᠭᠠᠨᠪᠠᠭᠠᠲᠤᠷ ᠒᠐᠒᠓” ᠵᠡᢉᠦᠨ ᠠᠽᠢ ᠶ᠋ᠢᠨ ᠵᠠᠯᠠᠭᠤᠴᠤᠤᠯ ᠤ᠋ᠨ ᠨᠠᠭᠠᠳᠤᠮ ᠢ᠋ ᠵᠣᢈᠢᠶᠠᠨ ᠪᠠᠶᠢᠭᠤᠯᠬᠤ ᠬᠣᠷᠢᠶᠠ ᢈᠢᠻᠠᠭ ᠤ᠋ᠨ ᠠᠬᠠᠯᠠᠬᠤ ᠮᠡᠷᢉᠡᠵᠢᠯᠲᠡᠨ ᠵᠠ᠃ᠰᠦᢈᠡᠴᠢᠯᠠᠭᠤᠨ “ᠤᠯᠠᠭᠠᠨᠪᠠᠭᠠᠲᠤᠷ ᠒᠐᠒᠓” ᠵᠡᢉᠦᠨ ᠠᠽᠢ ᠶ᠋ᠢᠨ ᠵᠠᠯᠠᠭᠤᠴᠤᠤᠯ ᠤ᠋ᠨ ᠨᠠᠭᠠᠳᠤᠮ ᠤ᠋ᠨ ᠲᠠᠨᠢᠯᠴᠠᠭᠤᠯᠭᠠ”᠂ᠡ᠂ ᠶᠡᠷᠦᠩᢈᠡᠢ ᠪᠣᠯᠪᠠᠰᠤᠷᠠᠯ ᠤ᠋ᠨ ᠰᠤᠷᠭᠠᠭᠤᠯᠢ ᠶ᠋ᠢᠨ ᠪᠠᠭᠠ᠂ ᠳᠤᠮᠳᠠ ᠠᠩᢉᠢ ᠶ᠋ᠢᠨ ᠰᠤᠷᠤᠭᠴᠢᠳ ᠤ᠋ᠨ ᠤᠷᠠᠨ ᢈᠥᠳᠡᠯᢉᠡᢉᠡᠨᠲᠦ ᢉᠢᠮᠨᠠᠰᠲ᠋ᠢᠭ ᠤ᠋ᠨ ᠲᠡᠮᠡᠴᠡᢉᠡᠨ ᠦ᠋ ᠵᠠᠪᠠᠯ ᢈᠢᢈᠦ ᠳᠠᠰᠬᠠᠯ ᠤ᠋ᠨ ᠮᠡᠳᠡᢉᠡᠯᠡᠯ ᠢ᠋ ᠮᠣᠩᠭᠤᠯ ᠤ᠋ᠨ ᠰᠫᠤᠷᠲ ᠰᠣᠨᠢᠷᠬᠠᠭᠴᠢ ᢈᠥᢉᠵᠢᠶᠡᠨ ᠳᠡᠮᠵᠢᢉᠴᠢᠳ ᠦ᠋ᠨ ᠬᠣᠯᠪᠤᠭᠠᠨ ᠤ᠋ ᠲᠡᠷᠢᢉᠦᠨ ᠡ᠃ᠮᠥᠩᢈᠡ ᠣᠷᢉᠢᠯ ᠥᢉᢉᠦᢉᠰᠡᠨ᠃
Ерөнхий боловсролын сургуулийн бага, дунд ангийн сурагчдын Уран хөдөлгөөнт гимнастикийн заавал эзэмших дасгалыг Нийслэлийн Биеийн тамир, спортын газар, Монголын спорт сонирхогч хөгжөөн дэмжигчдийн холбоотой хамтран 2023 онд шинэчлэн боловсруулж, Монголын спорт сонирхогч хөгжөөн дэмжигчдийн холбооноос томилогдсон багш Э.Мөнх-Оргил, Б.Сумъяадорж, О.Эрдэнэдэлгэр, О.Содгэрэл нар 22 цагийн дадлага хичээл зааж, сургалт семинарт оролцсон багш, арга зүйчдэд хүүхдийн бие бялдрын хүмүүжлийн ажлыг зохион байгуулах заавар зөвлөгөө өглөө. Мөн сургалтад хамрагдсан 300 багш нарт Нийслэлийн Биеийн тамир, спортын газраас “Батламж” хэвлүүлэн гардууллаа. ᠶᠡᠷᠦᠩᢈᠡᠢ ᠪᠣᠯᠪᠠᠰᠤᠷᠠᠯ ᠤ᠋ᠨ ᠰᠤᠷᠭᠠᠭᠤᠯᠢ ᠶ᠋ᠢᠨ ᠪᠠᠭᠠ᠂ ᠳᠤᠮᠳᠠ ᠠᠩᢉᠢ ᠶ᠋ᠢᠨ ᠰᠤᠷᠤᠭᠴᠢᠳ ᠤ᠋ᠨ ᠤᠷᠠᠨ ᢈᠥᠳᠡᠯᢉᠡᢉᠡᠨᠲᠦ ᢉᠢᠮᠨᠠᠰᠲ᠋ᠢᠭ ᠤ᠋ᠨ ᠵᠠᠪᠠᠯ ᠡᠵᠡᠮᠰᠢᢈᠦ ᠳᠠᠰᠬᠠᠯ ᠢ᠋ ᠨᠡᠶᠢᠰᠯᠡᠯ ᠦ᠋ᠨ ᠪᠡᠶᠡ ᠶ᠋ᠢᠨ ᠲᠠᠮᠢᠷ᠂ ᠰᠫᠤᠷᠲ ᠤ᠋ᠨ ᠭᠠᠵᠠᠷ᠂ ᠮᠣᠩᠭᠤᠯ ᠤ᠋ᠨ ᠰᠫᠤᠷᠲ ᠰᠣᠨᠢᠷᠬᠠᠭᠴᠢ ᢈᠥᢉᠵᠢᠶᠡᠨ ᠳᠡᠮᠵᠢᢉᠴᠢᠳ ᠦ᠋ᠨ ᠬᠣᠯᠪᠤᠭᠠ ᠲᠠᠢ ᠬᠠᠮᠲᠤᠷᠠᠨ ᠒᠐᠒᠓ ᠣᠨ ᠳ᠋ᠤ ᠰᠢᠨᠡᠴᠢᠯᠡᠨ ᠪᠣᠯᠪᠠᠰᠤᠷᠠᠭᠤᠯᠵᠤ᠂ ᠮᠣᠩᠭᠤᠯ ᠤ᠋ᠨ ᠰᠫᠤᠷᠲ ᠰᠣᠨᠢᠷᠬᠠᠭᠴᠢ ᢈᠥᢉᠵᠢᠶᠡᠨ ᠳᠡᠮᠵᠢᢉᠴᠢᠳ ᠦ᠋ᠨ ᠬᠣᠯᠪᠤᠭᠠᠨ ᠠ᠋ᠴᠠ ᠲᠣᠮᠢᠯᠠᠭᠳᠠᠭᠰᠠᠨ ᠪᠠᠭᠰᠢ ᠡ᠃ᠮᠥᠩᢈᠡ ᠣᠷᢉᠢᠯ᠂ ᠪ᠃ᠰᠤᠮᠢᠶᠠᠳᠣᠷᠵᠢ᠂ ᠣ᠃ᠡᠷᠳᠡᠨᠢᠳᠡᠯᢉᠡᠷ᠂ ᠣ᠃ᠰᠣᠳᠤᢉᠡᠷᠡᠯ ᠨᠠᠷᠠ ᠒᠒ ᠴᠠᠭ ᠤ᠋ᠨ ᠳᠠᠳᠤᠯᠭᠠ ᢈᠢᠴᠢᠶᠡᠯ ᠵᠢᠭᠠᠵᠤ᠂ ᠰᠤᠷᠭᠠᠯᠲᠠ ᠰᠧᠮᠢᠨᠠᠷ ᠲᠤ ᠣᠷᠤᠯᠴᠠᠭᠰᠠᠨ ᠪᠠᠭᠰᠢ᠂ ᠠᠷᠭᠠ ᠵᠦᠶᠢᠴᠢᠳ ᠲᠦ ᢈᠡᠦᢈᠡᠳ ᠦ᠋ᠨ ᠪᠡᠶᠡ ᠪᠢᠯᠳᠠᠷ ᠤ᠋ᠨ ᢈᠦᠮᠦᠵᠢᠯ ᠦ᠋ᠨ ᠠᠵᠢᠯ ᠢ᠋ ᠵᠣᢈᠢᠶᠠᠨ ᠪᠠᠶᠢᠭᠤᠯᠬᠤ ᠵᠢᠭᠠᠪᠤᠷᠢ ᠵᠥᠪᠯᠡᢉᠡ ᠥᠷᠯᠦᢉᠡ᠃ ᠮᠥᠨ ᠰᠤᠷᠭᠠᠯᠲᠠ ᠳ᠋ᠤ ᠬᠠᠮᠤᠷᠤᠭᠳᠠᠭᠰᠠᠨ ᠓᠐᠐ ᠪᠠᠭᠰᠢ ᠨᠠᠷᠠᠲᠤ ᠨᠡᠶᠢᠰᠯᠡᠯ ᠦ᠋ᠨ ᠪᠡᠶᠡ ᠶ᠋ᠢᠨ ᠲᠠᠮᠢᠷ᠂ ᠰᠫᠤᠷᠲ ᠤ᠋ᠨ ᠭᠠᠵᠠᠷ ᠠ᠋ᠴᠠ “ᠪᠠᠲᠤᠯᠠᠮᠵᠢ” ᢈᠡᠪᠯᠡᢉᠦᠯᠦᠨ ᠭᠠᠷᠳᠠᠭᠤᠯᠤᠯᠠ᠃
