“Улаанбаатар марафон” олон улсын гүйлт нь Монгол улсад гүйлтийн спортыг хөгжүүлэх, гүйлтээр хичээллэгч, сонирхогч иргэдийн тоог нэмэгдүүлэх, өсвөр, залуу үеийнхэнд өөрийн дотоод нөөц боломжийг нээж, зорилгодоо хүрэх тэсвэр хатуужил, бие бялдрын болон оюун санааны өв тэгш хүмүүжлийг төлөвшүүлэх, иргэдийг өдөр тутмын биеийн тамираар хичээллэх идэвх санаачлагыг дэмжсэн, гадаад, дотоодын нийтдээ 30 мянга гаруй иргэдийг хамруулдаг, 7 дахь жилдээ зохион байгуулагдаж оролцогчдын тоо нь жилээс жилд өсөн нэмэгдэж байгаа нь иргэдийн хүсэн хүлээдэг томоохон арга хэмжээний нэг болоод байна.
“ᠤᠯᠠᠭᠠᠨᠪᠠᠭᠠᠲᠤᠷ ᠮᠠᠷᠠᠹᠤᠨ” ᠣᠯᠠᠨ ᠤᠯᠤᠰ ᠤ᠋ᠨ ᢉᠦᠶᠦᠯᠲᠡ ᠨᠢ ᠮᠣᠩᠭᠣᠯ ᠤᠯᠤᠰ ᠲᠤ ᢉᠦᠶᠦᠯᠲᠡ ᠶ᠋ᠢᠨ ᠰᠫᠣᠷᠲ ᠢ᠋ ᢈᠥᢉᠵᠢᢉᠦᠯᢈᠦ᠂ ᢉᠦᠶᠦᠯᠲᠡ ᠪᠡᠷ ᢈᠢᠴᠢᠶᠡᠯᠯᠡᢉᠴᠢ᠂ ᠰᠣᠨᠢᠷᠬᠠᠭᠴᠢ ᠢᠷᢉᠡᠳ ᠦ᠋ᠨ ᠲᠣᠭᠠ ᠶ᠋ᠢ ᠨᠡᠮᠡᢉᠳᠡᢉᠦᠯᢈᠦ᠂ ᠥᠰᠪᠦᠷᠢ᠂ ᠵᠠᠯᠠᠭᠤ ᠦᠶᠡ ᠶ᠋ᠢᠨ ᢈᠢᠨ ᠳ᠋ᠦ ᠥᠪᠡᠷ ᠦ᠋ᠨ ᠳᠣᠲᠤᠭᠠᠳᠤ ᠨᠥᢉᠡᠴᠡ ᠪᠣᠯᠤᠮᠵᠢ ᠶ᠋ᠢ ᠨᠡᢉᠡᢉᠡᠵᠦ᠂ ᠵᠣᠷᠢᠯᠭᠠ ᠳ᠋ᠤ ᠪᠠᠨ ᢈᠦᠷᢈᠦ ᠲᠡᠰᠪᠦᠷᠢ ᠬᠠᠲᠠᠭᠤᠵᠢᠯ᠂ ᠪᠡᠶᠡ ᠪᠢᠯᠳᠠᠷ ᠤ᠋ᠨ ᠪᠣᠯᠤᠨ ᠣᠶᠤᠨ ᠰᠠᠨᠠᠭᠠᠨ ᠤ᠋ ᠥᠪ ᠲᠡᢉᠰᠢ ᢈᠦᠮᠦᠵᠢᠯ ᠢ᠋ ᠲᠥᠯᠦᠪᠰᠢᢉᠦᠯᢈᠦ᠂ ᠢᠷᢉᠡᠳ ᠢ᠋ ᠡᠳᠦᠷ ᠲᠤᠲᠤᠮ ᠤ᠋ᠨ ᠪᠡᠶᠡ ᠶ᠋ᠢᠨ ᠲᠠᠮᠢᠷ ᠢ᠋ᠶᠠᠷ ᢈᠢᠴᠢᠶᠡᠯᠯᠡᢈᠦ ᠢᠳᠡᠪᢈᠢ ᠰᠠᠨᠠᠭᠠᠴᠢᠯᠠᠭᠠ ᠶ᠋ᠢ ᠳᠡᠮᠵᠢᢉᠰᠡᠨ᠂ ᠭᠠᠳᠠᠭᠠᠳᠤ᠂ ᠳᠣᠲᠤᠭᠠᠳᠤ ᠶ᠋ᠢᠨ ᠨᠡᠶᠢᠲᠡ ᠳ᠋ᠦ ᠪᠡᠨ ᠓᠐ ᠮᠢᠩᠭᠠ ᠭᠠᠷᠤᠢ ᠢᠷᢉᠡᠳ ᠢ᠋ ᠬᠠᠮᠤᠷᠤᠭᠤᠯᠳᠠᠭ᠂ ᠗ ᠳ᠋ᠠᢈᠢ ᠵᠢᠯ ᠳ᠋ᠦ ᠪᠡᠨ ᠵᠣᢈᠢᠶᠠᠨ ᠪᠠᠶᠢᠭᠤᠯᠤᠭᠳᠠᠵᠤ ᠣᠷᠤᠯᠴᠠᠭᠴᠢᠳ ᠤ᠋ᠨ ᠲᠣᠭᠠ ᠨᠢ ᠵᠢᠯ ᠡᠴᠡ ᠵᠢᠯ ᠳ᠋ᠦ ᠥᠰᠦᠨ ᠨᠡᠮᠡᢉᠳᠡᠵᠦ ᠪᠠᠶᠢᠭᠠ ᠨᠢ ᠢᠷᢉᠡᠳ ᠦ᠋ᠨ ᢈᠦᠰᠡᠨ ᢈᠦᠯᠢᠶᠡᠳᠡᢉ ᠲᠣᠮᠤᠬᠠᠨ ᠠᠷᠭᠠ ᢈᠡᠮᠵᠢᠶ ᠡᠨ ᠦ᠋ ᠨᠢᢉᠡ ᠪᠣᠯᠤᠭᠠᠳ ᠪᠠᠶᠢᠨᠠ᠃
“Улаанбаатар марафон – 2023” олон улсын гүйлтийг 2023 оны 06 дугаар сарын 03-ны өдөр нийслэл хотод VIII удаагаа зохион байгуулах бэлтгэл ажлыг хангаж байна. “ᠤᠯᠠᠭᠠᠨᠪᠠᠭᠠᠲᠤᠷ ᠮᠠᠷᠠᠹᠤᠨ ᠒ ᠒᠐᠒᠓” ᠣᠯᠠᠨ ᠤᠯᠤᠰ ᠤ᠋ᠨ ᢉᠦᠶᠦᠯᠲᠡ ᠶ᠋ᠢ ᠒᠐᠒᠓ ᠣᠨ ᠤ᠋ ᠐᠖ ᠳ᠋ᠤᠭᠠᠷ ᠰᠠᠷᠠ ᠶ᠋ᠢᠨ ᠐᠓ ᠶ᠋ᠢᠨ ᠡᠳᠦᠷ ᠨᠡᠶᠢᠰᠯᠡᠯ ᠬᠣᠲᠠ ᠳ᠋ᠤ VIII ᠤᠳᠠᠭᠠ ᠪᠠᠨ ᠵᠣᢈᠢᠶᠠᠨ ᠪᠠᠶᠢᠭᠤᠯᠬᠤ ᠪᠡᠯᠡᠳᢈᠡᠯ ᠠᠵᠢᠯ ᠢ᠋ ᠬᠠᠩᠭᠠᠵᠤ ᠪᠠᠶᠢᠨᠠ᠃
“Улаанбаатар марафон-2023” олон улсын гүйлтийн онлайн бүртгэл, хураамжийг 2023 оны 05 дугаар сараас 10-ны өдрөөс 05 дугаар сарын 30-ны өдрийн 17:00 цаг хүртэл http://ubmarathon.hipay.mn цахим хуудас, hipay аппликэйшнаар явуулж байна.
Марафон гүйлтийн 5 км-ийн зайд оролцогчийн баталгаажуулалт, энгэрийн дугаар олгох ажил Нийслэлийн 9 дүүргийн Биеийн тамир, спортын хороодод (БГД-ийн БТСХ-95705607; БЗД-ийн БТСХ-85829111; БНД-ийн БТСХ-99704438; БХД-ийн БТСХ 88060874; НД-ийн БТСХ-88057467; ХУД-ийн БТСХ-99663717; СБД-ийн 88085975; СХД-ийн БТСХ-99072560; ЧД-ийн БТСХ-88928787) 2023 оны 05 дугаар сарын 15-ны өдрөөс 05 дугаар сарын 30-ны өдрийн 17:00 цаг хүртэл зохион байгуулна.
Марафон гүйлтийн 42,195 км, 21,095 км, 10 км-ийн зайд оролцогчийн (гадаадын иргэд) бүртгэлийг баталгаажуулж, энгэрийн дугаар, чип, футболк олгох ажил Нийслэлийн Биеийн тамир, спортын газар (Улаанбаатар хот, Чингэлтэй дүүрэг, Ж.Самбуугийн гудамж, Бага тойруу, Нийслэлийн Засаг захиргааны 4 дүгээр байрны нэг давхарт буюу “Зоос гоёл”-ын замын урд) 2023 оны 05 дугаар сарын 25-ны өдрөөс 05 дугаар сарын 30-ны өдрийн 17:00 цаг хүртэлх өдрүүдэд зохион байгуулагдана.
“Улаанбаатар марафон”-д нэгдэцгээе!!!!!!!!!!
“ᠤᠯᠠᠭᠠᠨᠪᠠᠭᠠᠲᠤᠷ ᠮᠠᠷᠠᠹᠤᠨ ᠒᠐᠒᠓” ᠣᠯᠠᠨ ᠤᠯᠤᠰ ᠤ᠋ᠨ ᢉᠦᠶᠦᠯᠲᠡ ᠶ᠋ᠢᠨ ᠣᠨ᠋ᠯᠠᠶᠢᠨ᠋ ᠪᠦᠷᠢᠳᢈᠡᠯ᠂ ᠬᠤᠷᠢᠶᠠᠮᠵᠢ ᠶ᠋ᠢ ᠒᠐᠒᠓ ᠣᠨ ᠤ᠋ ᠐᠕ ᠳ᠋ᠤᠭᠠᠷ ᠰᠠᠷᠠ ᠠ᠋ᠴᠠ ᠑᠐ ᠰᠠᠷᠠ ᠶ᠋ᠢᠨ ᠓᠐:᠐᠐ ᠴᠠᠭ ᢈᠦᠷᠲᠡᠯᠡ http://ubmarathon᠃hipay᠃mn ᠴᠠᢈᠢᠮ ᠬᠠᠭᠤᠳᠠᠰᠤ᠂ hipay ᠠᠫᠫᠯᠢᠻᠧᠢᠢᠱᠢᠨ ᠢ᠋ᠶᠠᠷ ᠶᠠᠪᠤᠭᠤᠯᠵᠤ ᠪᠠᠶᠢᠨᠠ᠃
ᠮᠠᠷᠠᠹᠣᠨ᠋ ᢉᠦᠶᠦᠯᠲᠡ ᠶ᠋ᠢᠨ ᠕ ᠻᠮ ᠆ ᠶ᠋ᠢᠨ ᠵᠠᠢ ᠳ᠋ᠤ ᠣᠷᠤᠯᠴᠠᠭᠴᠢ ᠶ᠋ᠢᠨ ᠪᠠᠲᠤᠯᠠᠭᠠᠵᠢᠭᠤᠯᠤᠯᠲᠠ᠂ ᠡᠩᢉᠡᠷ ᠦ᠋ᠨ ᠳ᠋ᠤᠭᠠᠷ ᠣᠯᠭᠠᠬᠤ ᠠᠵᠢᠯ ᠨᠡᠶᠢᠰᠯᠡᠯ ᠦ᠋ᠨ ᠙ ᠳᠡᢉᠦᠷᢉᠡ ᠶ᠋ᠢᠨ ᠪᠡᠶᠡ ᠶ᠋ᠢᠨ ᠲᠠᠮᠢᠷ᠂ ᠰᠫᠤᠷᠲ ᠤ᠋ᠨ ᠬᠣᠷᠢᠶᠠᠳ ᠲᠤ (ᠪᠥᠳᠡ ᠶᠡᠨ ᠪᠲᠤᠬᠤ ᠙᠕᠗᠐᠕᠖᠐᠗; ᠪᠤᠳᠢ ᠶ᠋ᠢᠨ ᠪᠲᠤᠰᠬᠤ ᠘᠕᠘᠒᠙᠑᠑᠑; ᠪᠥᠳᠦ ᠶᠢᠨ ᠪᠲᠤᠬᠤ ᠙᠙᠗᠐᠔᠔᠓᠘; ᠪᢈᠢᠳᠦ ᠶᠢᠨ ᠪᠢᠰᢈᠢ ᠘᠘᠐᠖᠐᠘᠗᠔; ᠨᠢᠳᠦ ᠶ᠋ᠢᠨ ᠪᠲᠤᠰᠬᠤ ᠘᠘᠐᠕᠗᠔᠖᠗; ᠬᠤᠳᠠ ᠶᠢᠨ ᠪᠲᠤᠰᠬᠤ ᠙᠙᠖᠖᠓᠗᠑᠗; ᠰᠪᠳᠤ ᠶᠢᠨ ᠘᠘᠐᠘᠕᠙᠗᠕; ᠰᢈᠡᠳᠦ ᠶᠢᠨ ᠪᠲᠤᠬᠤ ᠙᠙᠐᠗᠒᠕᠖᠐; ᠴᠢᠳ ᠶᠢᠨ ᠪᠲᠤᠰᠬᠤ ᠘᠘᠙᠒᠘᠗᠘᠗) ᠒᠐᠒᠓ ᠣᠨ ᠤ᠋ ᠐᠕ ᠳ᠋ᠤᠭᠠᠷ ᠰᠠᠷᠠ ᠶ᠋ᠢᠨ ᠑᠕᠆ ᠶ᠋ᠢᠨ ᠡᠳᠦᠷ ᠡᠴᠡ ᠐᠕ ᠳ᠋ᠤᠭᠠᠷ ᠰᠠᠷᠠ ᠶ᠋ᠢᠨ ᠓᠐:᠐᠐ ᠴᠠᠭ ᢈᠦᠷᠲᠡᠯᠡ ᠵᠣᢈᠢᠶᠠᠨ ᠪᠠᠶᠢᠭᠤᠯᠤᠨᠠ᠃
ᠮᠠᠷᠠᠹᠤᠨ ᢉᠦᠶᠦᠯᠲᠡ ᠶ᠋ᠢᠨ ᠔᠒᠂᠑᠙᠕ ᠻᠮ᠂ ᠒᠑᠂᠐᠙᠕ ᠻᠮ᠂ ᠑᠐ ᠻᠮ ᠰᠣᠮᠢ ᠶ᠋ᠢᠨ ᠵᠠᠢ ᠳ᠋ᠤ ᠣᠷᠤᠯᠴᠠᠭᠴᠢ ᠶ᠋ᠢᠨ (ᠭᠠᠳᠠᠭᠠᠳᠤ ᠶ᠋ᠢᠨ ᠢᠷᢉᠡᠳ) ᠪᠦᠷᠢᠳᢈᠡᠯ ᠢ᠋ ᠪᠠᠲᠤᠯᠠᠭᠠᠵᠢᠭᠤᠯᠵᠤ᠂ ᠡᠩᢉᠡᠷ ᠦ᠋ᠨ ᠳ᠋ᠤᠭᠠᠷ᠂ ᠴᠢᠫ᠂ ᠹᠤᠲ᠋ᠪᠣᠯᠻ ᠣᠯᠭᠠᠬᠤ ᠠᠵᠢᠯ ᠨᠡᠶᠢᠰᠯᠡᠯ ᠦ᠋ᠨ ᠪᠡᠶᠡ ᠶ᠋ᠢᠨ ᠲᠠᠮᠢᠷ᠂ ᠰᠫᠤᠷᠲ ᠤ᠋ᠨ ᠭᠠᠵᠠᠷ (ᠤᠯᠠᠭᠠᠨᠪᠠᠭᠠᠲᠤᠷ ᠬᠣᠲᠠ᠂ ᠴᠢᠩᢉᠢᠯᠲᠡᠢ ᠳᠡᢉᠦᠷᢉᠡ᠂ ᠵᠤ᠃ᠰᠠᠮᠪᠤᠤ ᠶ᠋ᠢᠨ ᠭᠤᠳᠤᠮᠵᠢ᠂ ᠪᠠᠭᠠ ᠲᠣᠭᠤᠷᠢᠭᠤ᠂ ᠨᠡᠶᠢᠰᠯᠡᠯ ᠦ᠋ᠨ ᠵᠠᠰᠠᠭ ᠵᠠᢈᠢᠷᠭᠠᠨ ᠤ᠋ ᠔ ᠳᠦᢉᠡᠷ ᠪᠠᠶᠢᠷᠢᠨ ᠤ᠋ ᠨᠢᢉᠡ ᠳᠠᠪᠬᠤᠷ ᠲᠤ ᠪᠤᠶᠤ “ᠵᠣᠭᠤᠰ ᠭᠣᠶᠤᠯ”᠆ ᠤ᠋ᠨ ᠵᠠᠮ ᠤ᠋ᠨ ᠤᠷᠳᠤ) ᠒᠐᠒᠓ ᠣᠨ ᠤ᠋ ᠐᠕ ᠳ᠋ᠤᠭᠠᠷ ᠰᠠᠷᠠ ᠶ᠋ᠢᠨ ᠒᠕᠆ ᠶ᠋ᠢᠨ ᠡᠳᠦᠷ ᠡᠴᠡ ᠐᠕ ᠳ᠋ᠤᠭᠠᠷ ᠰᠠᠷᠠ ᠶ᠋ᠢᠨ ᠓᠐:᠐᠐ ᠴᠠᠭ ᢈᠦᠷᠲᠡᠯᠡᢈᠢ ᠡᠳᠦᠷ ᠦ᠋ᠳ ᠲᠦ ᠵᠣᢈᠢᠶᠠᠨ ᠪᠠᠶᠢᠭᠤᠯᠤᠭᠳᠠᠨᠠ᠃
“ᠤᠯᠠᠭᠠᠨᠪᠠᠭᠠᠲᠤᠷ ᠮᠠᠷᠠᠹᠤᠨ”ᠳᠦ ᠨᠢᢉᠡᠳᠦᠴᠡᢉᠡᠶᠡ!!!!!!!!
