Нийслэлийн Засаг даргын Тамгын газрын Нийгмийн бодлогын хэлтсийн дарга Б.Мөнгөншагайгаар ахлуулсан 23 хүний бүрэлдэхүүнтэй бадминтон, пара бадминтон, ширээний теннис, пара ширээний теннисний баг тамирчид Япон улсын Токио хотноо 2023 оны 08 дугаар сарын 23-29-ний хооронд зохион байгуулагдсан “Азийн өсвөрийн залуучуудын спортын наадам – 2023” арга хэмжээнд амжилттай оролцсон.
Тус наадмын зааврын дагуу Монгол улсын нийслэл Улаанбаатар хотоос гадна Архангай, Дархан-Уул, Орхон, Өмнөговь, Төв, Хөвсгөл аймгаас оролцсон 15-аас доош насны баг тамирчдын бүрэлдэхүүн бадминтоны эрэгтэй 3 тамирчин 1 дасгалжуулагчтай, эмэгтэй 3 тамирчин 1 дасгалжуулагчтай, пара бадминтоны эрэгтэй 1, эмэгтэй 1 тамирчин, 1 дасгалжуулагч, 1 багийн ахлагч;
ширээний теннисний эрэгтэй 3 тамирчин 1 дасгалжуулагчтай, эмэгтэй 3 тамирчин 1 дасгалжуулагчтай, пара ширээний теннисний эрэгтэй 1 тамирчин, 1 дасгалжуулагч, 1 багийн ахлагчтайгаар бүрдсэн.
ᠨᠡᠶᠢᠰᠯᠡᠯ ᠦ᠋ᠨ ᠵᠠᠰᠠᠭ ᠳᠠᠷᠤᠭᠠ ᠶ᠋ᠢᠨ ᠲᠠᠮᠠᠭᠠ ᠶ᠋ᠢᠨ ᠭᠠᠵᠠᠷ ᠤ᠋ᠨ ᠨᠡᠶᠢᢉᠡᠮ ᠦ᠋ᠨ ᠪᠣᠳᠤᠯᠭᠠ ᠶ᠋ᠢᠨ ᢈᠡᠯᠲᠡᠰ ᠦ᠋ᠨ ᠳᠠᠷᠤᠭᠠ ᠪ᠃ᠮᠥᠩᢉᠦᠨᠱᠠᠭᠠ ᠪᠠᠷ ᠠᠬᠠᠯᠠᠭᠤᠯᠤᠭᠰᠠᠨ ᠒᠓ ᢈᠦᠮᠦᠨ ᠦ᠋ ᠪᠦᠷᠢᠯᠳᠦᢈᠦᠨ ᠲᠡᠢ ᠪᠠᠳ᠋ᠮᠢᠨ᠋ᠲ᠋ᠣᠨ᠋᠂ ᠫᠠᠷᠠ ᠪᠠᠳᠮᠢᠨᠲ᠋ᠤᠨ᠂ ᠰᠢᠷᠡᢉᠡᠨ ᠦ᠋ ᠲᠧᠨᠨᠢᠰ᠂ ᠫᠠᠷᠠ ᠰᠢᠷᠡᢉᠡᠨ ᠦ᠋ ᠲᠧᠨᠨᠢᠰ ᠦ᠋ᠨ ᠪᠠᠭ ᠲᠠᠮᠢᠷᠴᠢᠳ ᠶᠠᠫᠤᠨ ᠤᠯᠤᠰ ᠤ᠋ᠨ ᠲᠣᠻᠢᠤ ᠬᠣᠲᠠᠨᠠ ᠒᠐᠒᠓ ᠣᠨ ᠤ᠋ ᠐᠘ ᠳ᠋ᠤᠭᠠᠷ ᠰᠠᠷᠠ ᠶ᠋ᠢᠨ ᠒᠓ ᠒᠙ ᠶ᠋ᠢᠨ ᠬᠣᠭᠤᠷᠤᠨᠳᠤ ᠵᠣᢈᠢᠶᠠᠨ ᠪᠠᠶᠢᠭᠤᠯᠤᠭᠳᠠᠭᠰᠠᠨ “ᠠᠽᠢ ᠶ᠋ᠢᠨ ᠥᠰᠪᠦᠷᠢ ᠶ᠋ᠢᠨ ᠵᠠᠯᠠᠭᠤᠴᠤᠤᠯ ᠤ᠋ᠨ ᠰᠫᠤᠷᠲ ᠤ᠋ᠨ ᠨᠠᠭᠠᠳᠤᠮ ᠭᠤ ᠒᠐᠒᠓” ᠠᠷᠭᠠ ᢈᠡᠮᠵᠢᠶ ᠡᠨ ᠳ᠋ᠦ ᠠᠮᠵᠢᠯᠲᠠ ᠲᠠᠢ ᠣᠷᠤᠯᠴᠠᠭᠰᠠᠨ᠃
ᠲᠤᠰ ᠨᠠᠭᠠᠳᠤᠮ ᠤ᠋ᠨ ᠵᠢᠭᠠᠪᠤᠷᠢ ᠶ᠋ᠢᠨ ᠳᠠᠭᠠᠭᠤ ᠮᠣᠩᠭᠣᠯ ᠤᠯᠤᠰ ᠤ᠋ᠨ ᠨᠡᠶᠢᠰᠯᠡᠯ ᠤᠯᠠᠭᠠᠨᠪᠠᠭᠠᠲᠤᠷ ᠬᠣᠲᠠ ᠠ᠋ᠴᠠ ᠭᠠᠳᠠᠨᠠ ᠠᠷᠤᠬᠠᠩᠭᠠᠢ᠂ ᠳᠠᠷᠬᠠᠨ ᠠᠭᠤᠯᠠ᠂ ᠣᠷᠬᠤᠨ᠂ ᠡᠮᠦᠨᠡᠭᠣᠪᠢ᠂ ᠲᠥᠪ᠂ ᢈᠥᠪᠰᠦᢉᠦᠯ ᠠᠶᠢᠮᠠᠭ ᠠ᠋ᠴᠠ ᠣᠷᠤᠯᠴᠠᠭᠰᠠᠨ ᠑᠕᠆ ᠠ᠋ᠴᠠ ᠳᠣᠭᠤᠭᠰᠢ ᠨᠠᠰᠤᠨ ᠤ᠋ ᠪᠠᠭ ᠲᠠᠮᠢᠷᠴᠢᠳ ᠤ᠋ᠨ ᠪᠦᠷᠢᠯᠳᠦᢈᠦᠨ ᠪᠠᠳᠮᠢᠨ᠋ᠲ᠋ᠣᠨ ᠤ᠋ ᠡᠷᠡᢉᠲᠡᠢ ᠓ ᠲᠠᠮᠢᠷᠴᠢᠨ ᠑ ᠳᠠᠰᠬᠠᠯᠵᠢᠭᠤᠯᠤᠭᠴᠢ ᠲᠠᠢ᠂ ᠡᠮᠡᢉᠲᠡᠢ ᠓ ᠲᠠᠮᠢᠷᠴᠢᠨ ᠑ ᠳᠠᠰᠬᠠᠯᠵᠢᠭᠤᠯᠤᠭᠴᠢ ᠲᠠᠢ᠂ ᠫᠠᠷᠠ ᠪᠠᠳᠮᠢᠨ᠋ᠲ᠋ᠣᠨ ᠤ᠋ ᠡᠷᠡᢉᠲᠡᠢ ᠑᠂ ᠡᠮᠡᢉᠲᠡᠢ ᠑ ᠲᠠᠮᠢᠷᠴᠢᠨ᠂ ᠑ ᠳᠠᠰᠬᠠᠯᠵᠢᠭᠤᠯᠤᠭᠴᠢ᠂ ᠑ ᠪᠠᠭ ᠤ᠋ᠨ ᠠᠬᠠᠯᠠᠭᠴᠢ;
ᠰᠢᠷᠡᢉᠡᠨ ᠦ᠋ ᠲᠧᠨ᠋ᠨᠢᠰ ᠦ᠋ᠨ ᠡᠷᠡᢉᠲᠡᠢ ᠓ ᠲᠠᠮᠢᠷᠴᠢᠨ ᠑ ᠳᠠᠰᠬᠠᠯᠵᠢᠭᠤᠯᠤᠭᠴᠢ ᠲᠠᠢ᠂ ᠡᠮᠡᢉᠲᠡᠢ ᠓ ᠲᠠᠮᠢᠷᠴᠢᠨ ᠑ ᠳᠠᠰᠬᠠᠯᠵᠢᠭᠤᠯᠤᠭᠴᠢ ᠲᠠᠢ᠂ ᠫᠠᠷᠠ ᠰᠢᠷᠡᢉᠡᠨ ᠦ᠋ ᠲᠧᠨᠨᠢᠰ ᠦ᠋ᠨ ᠡᠷᠡᢉᠲᠡᠢ ᠑ ᠲᠠᠮᠢᠷᠴᠢᠨ᠂ ᠑ ᠳᠠᠰᠬᠠᠯᠵᠢᠭᠤᠯᠤᠭᠴᠢ᠂ ᠑ ᠪᠠᠭ ᠤ᠋ᠨ ᠠᠬᠠᠯᠠᠭᠴᠢ ᠲᠠᠢ ᠪᠠᠷ ᠪᠦᠷᠢᠳᠦᢉᠰᠡᠨ᠃
БАДМИНТОН БОЛОН ПАРА БАДМИНТОНЫ ТӨРӨЛД
“Азийн өсвөрийн залуучуудын спортын наадам”-ын бадминтон болон пара бадминтоны тэмцээнд 12 улс, Японы 5-н муж нийт 17 баг тамирчид бадминтоны 5-н төрлөөр өрсөлдлөө.
Манай Улсаас Архангай, Өмнөговь, Хөвсгөл аймаг болон Улаанбаатар хотын “Ёл” клубын тамирчин, дасгалжуулагч нар бадминтоны өсвөрийн улсын аварга шалгаруулах тэмцээнээс шалгаран нийт 11 хүний бүрэлдэхүүнтэй оролцсон.
Тэмцээний урд өдөр буюу 2023 оны 08 дугаар сарын 24-ний өдөр Японы Токио хотын дунд сургууль дээр очин Япон улсын ёс заншилтай танилцсан.
Бадминтоны тэмцээн нь 2023 оны 08 дугаар сарын 26-нд эхэлж, манай улсын баг тамирчид эхний хэсэгтээ Сингапур, Малайз, Японы Мияаги улстай таарч хэсгээсээ 4-р гарч ирсэн. Ингээд 17 багаас 16 дугаар байрыг эзэлсэн.
ᠪᠠᠳ᠋ᠮᠢᠨ᠋ᠲ᠋ᠣᠨ ᠪᠣᠯᠤᠨ ᠫᠠᠷᠠ ᠪᠠᠳᠮᠢᠨᠲ᠋ᠤᠨ ᠤ᠋ ᠲᠥᠷᠦᠯ ᠳ᠋ᠦ
“ᠠᠽᠢ ᠶ᠋ᠢᠨ ᠥᠰᠪᠦᠷᠢ ᠶ᠋ᠢᠨ ᠵᠠᠯᠠᠭᠤᠴᠤᠤᠯ ᠤ᠋ᠨ ᠰᠫᠤᠷᠲ᠋ ᠤᠨ ᠨᠠᠭᠠᠳᠤᠮ”᠆ ᠤᠨ ᠪᠠᠳ᠋ᠮᠢᠨ᠋ᠲ᠋ᠣᠨ ᠪᠣᠯᠤᠨ ᠫᠠᠷᠠ ᠪᠠᠳᠮᠢᠨᠲ᠋ᠤᠨ ᠤ᠋ ᠲᠡᠮᠡᠴᠡᢉᠡᠨ ᠳ᠋ᠦ ᠑᠒ ᠤᠯᠤᠰ᠂ ᠶᠠᠫᠤᠨ ᠤ᠋ ᠕᠆ ᠨ ᠮᠤᠵᠢ ᠨᠡᠶᠢᠲᠡ ᠑᠗ ᠪᠠᠭ ᠲᠠᠮᠢᠷᠴᠢᠳ ᠪᠠᠳᠮᠢᠨᠲ᠋ᠤᠨ ᠤ᠋ ᠕᠆ ᠨ ᠲᠥᠷᠦᠯ ᠢ᠋ᠶᠡᠷ ᠥᠷᠢᠰᠦᠯᠳᠦᠯ ᠢ᠋ᠶᠡᠨ᠃
ᠮᠠᠨ ᠤ᠋ ᠤᠯᠤᠰ ᠠ᠋ᠴᠠ ᠠᠷᠬᠠᠨᠭᠠᠢ᠂ ᠡᠮᠦᠨᠡᠭᠣᠪᠢ᠂ ᢈᠥᠪᠰᠦᢉᠦᠯ ᠠᠶᠢᠮᠠᠭ ᠪᠣᠯᠤᠨ ᠤᠯᠠᠭᠠᠨᠪᠠᠭᠠᠲᠤᠷ ᠬᠣᠲᠠ ᠶ᠋ᠢᠨ “ᠶᠣᠯᠤ” ᠻᠯᠦᠪ ᠤ᠋ᠨ ᠲᠠᠮᠢᠷᠴᠢᠨ᠂ ᠳᠠᠰᠬᠠᠯᠵᠢᠭᠤᠯᠤᠭᠴᠢ ᠨᠠᠷ ᠪᠠᠳᠮᠢᠨᠲ᠋ᠤᠨ ᠤ᠋ ᠥᠰᠪᠦᠷᠢ ᠶ᠋ᠢᠨ ᠤᠯᠤᠰ ᠤ᠋ᠨ ᠠᠪᠤᠷᠭᠤ ᠰᠢᠯᠭᠠᠷᠠᠭᠤᠯᠬᠤ ᠲᠡᠮᠡᠴᠡᢉᠡᠨ ᠡᠴᠡ ᠰᠢᠯᠭᠠᠷᠠᠨ ᠨᠡᠶᠢᠲᠡ ᠑᠑ ᢈᠦᠮᠦᠨ ᠦ᠋ ᠪᠦᠷᠢᠯᠳᠦᢈᠦᠨ ᠲᠡᠢ ᠣᠷᠤᠯᠴᠠᠭᠰᠠᠨ᠃
ᠲᠡᠮᠡᠴᠡᢉᠡᠨ ᠦ᠋ ᠤᠷᠳᠤ ᠡᠳᠦᠷ ᠪᠤᠶᠤ ᠒᠐᠒᠓ ᠣᠨ ᠤ᠋ ᠐᠘ ᠳᠤᠭᠠᠷ ᠰᠠᠷᠠ ᠶ᠋ᠢᠨ ᠒᠔ ᠦᠨ ᠡᠳᠦᠷ ᠶᠠᠫᠤᠨ ᠤ᠋ ᠲᠣᠻᠢᠤ ᠬᠣᠲᠠ ᠶ᠋ᠢᠨ ᠳᠤᠮᠳᠠ ᠰᠤᠷᠭᠠᠭᠤᠯᠢ ᠳᠡᢉᠡᠷᠡ ᠣᠴᠢᠨ ᠶᠠᠫᠤᠨ ᠤᠯᠤᠰ ᠤ᠋ᠨ ᠶᠣᠰᠤ ᠵᠠᠩᠰᠢᠯ ᠲᠠᠢ ᠲᠠᠨᠢᠯᠴᠠᠭᠰᠠᠨ᠃
ᠪᠠᠳᠮᠢᠨ᠋ᠲ᠋ᠣᠨ᠋ ᠤ ᠲᠡᠮᠡᠴᠡᢉᠡᠨ ᠨᠢ ᠒᠐᠒᠓ ᠣᠨ ᠤ᠋ ᠐᠘ ᠳ᠋ᠤᠭᠠᠷ ᠰᠠᠷᠠ ᠶ᠋ᠢᠨ ᠒᠖ ᠳᠤ ᠡᢈᠢᠯᠡᠵᠦ᠂ ᠮᠠᠨ ᠤ᠋ ᠤᠯᠤᠰ ᠤ᠋ᠨ ᠪᠠᠭ ᠲᠠᠮᠢᠷᠴᠢᠳ ᠡᢈᠢᠨ ᠦ᠋ ᢈᠡᠰᠡᢉ ᠲᠦ ᠪᠡᠨ ᠰᠢᠩᠭᠠᠫᠦ᠋ᠷ᠂ ᠮᠠᠯᠠᠶᠢᠽ᠂ ᠶᠠᠫᠤᠨ ᠤ᠋ ᠮᠢᠶᠣᢉᠢ ᠤᠯᠤᠰ ᠲᠠᠢ ᠲᠠᠭᠠᠷᠠᠵᠤ ᢈᠡᠰᠡᢉ ᠡᠴᠡ ᠪᠡᠨ ᠔᠆ ᠷ ᠭᠠᠷᠴᠤ ᠢᠷᠡᢉᠰᠡᠨ᠃ ᠢᠩᢉᠢᢉᠡᠳ ᠑᠗ ᠪᠠᠭ ᠠ᠋ᠴᠠ ᠑᠖ ᠳᠤᠭᠠᠷ ᠪᠠᠶᠢᠷᠢ ᠶ᠋ᠢ ᠡᠵᠡᠯᠡᢉᠰᠡᠨ᠃
Парабадминтоны тамирчин Б.Эрдэнэтунгалаг SL4 ангилалд өрсөлдөж 5 дугаар байранд шалгарсан.
Манай баг тамирчдын хувьд хэдий хожигдол хүлээлсэн ч тамирчид маань тоглолт бүр дээрээ сайжирч илүү зүтгэлтэй оноогоо ахиулж тоглож байгаа нь сайшаалтай сайн байсан.
Дараа жилээс Монголын тамирчдын насыг харж байхад илүү давуу талтай, өмнөх жилийнхээс илүү сайн тоглох нь харагдаж байсан. Багш дасгалжуулагчдын хувьд мөн маш их туршлага хуримтлуулж авсан.
Бадминтон, парабадминтоны баг тамирчдын зүгээс энэхүү тэмцээнд оролцох боломжийг олгосон Нийслэлийн Засаг даргын Тамгын газар болон Нийслэлийн Биеийн тамир, спортын газрын удирдлага, хамт олонд нийт дасгалжуулагч тамирчдын өмнөөс талархал илэрхийлсэн.
ᠫᠠᠷᠠᠪᠠᠳᠮᠢᠨᠲ᠋ᠤᠨ ᠤ᠋ ᠲᠠᠮᠢᠷᠴᠢᠨ ᠪ᠃ᠡᠷᠳᠡᠨᠢᠲᠤᠩᠭᠠᠯᠠᠭ SL᠔ ᠠᠩᢉᠢᠯᠠᠯ ᠳ᠋ᠤ ᠥᠷᠢᠰᠦᠯᠳᠦᠵᠦ ᠕ ᠳ᠋ᠤᠭᠠᠷ ᠪᠠᠶᠢᠷᠢᠨ ᠳ᠋ᠤ ᠰᠢᠯᠭᠠᠷᠠᠭᠰᠠᠨ᠃
ᠮᠠᠨ ᠤ᠋ ᠪᠠᠭ ᠲᠠᠮᠢᠷᠴᠢᠳ ᠤ᠋ᠨ ᠬᠤᠪᠢ ᠳ᠋ᠤ ᢈᠡᠳᠦᠢ ᠬᠣᠵᠢᠭᠳᠠᠯ ᢈᠦᠯᠢᠶᠡᠯᠡᢉᠰᠡᠨ ᠴᠤ ᠲᠠᠮᠢᠷᠴᠢᠳ ᠮᠠᠨᠢ ᠲᠣᠭᠯᠠᠯᠲᠠ ᠪᠦᠷᠢ ᠳᠡᢉᠡᠷᠡ ᠪᠡᠨ ᠰᠠᠶᠢᠵᠢᠷᠠᠵᠤ ᠢᠯᠡᢉᠦᠦ ᠵᠢᠳᢈᠦᠯ ᠲᠡᠢ ᠣᠨᠤᠭᠠ ᠪᠠᠨ ᠠᢈᠢᠭᠤᠯᠵᠤ ᠲᠣᠭᠯᠠᠵᠤ ᠪᠠᠶᠢᠭᠠ ᠨᠢ ᠰᠠᠶᠢᠰᠢᠶᠠᠯ ᠲᠠᠢ ᠰᠠᠶᠢᠨ ᠪᠠᠶᠢᠭᠰᠠᠨ᠃
ᠳᠠᠷᠠᠭᠠ ᠵᠢᠯ ᠡᠴᠡ ᠮᠣᠩᠭᠣᠯ ᠤ᠋ᠨ ᠲᠠᠮᠢᠷᠴᠢᠳ ᠤ᠋ᠨ ᠨᠠᠰᠤ ᠶ᠋ᠢ ᠬᠠᠷᠠᠵᠤ ᠪᠠᠶᠢᠬᠤ ᠳ᠋ᠤ ᠢᠯᠡᢉᠦᠦ ᠳᠠᠪᠠᠭᠤ ᠲᠠᠯᠠᠲᠠᠢ᠂ ᠡᠮᠦᠨᠡᢈᠢ ᠵᠢᠯ ᠦ᠋ᠨ ᢈᠢ ᠡᠴᠡ ᠢᠯᠡᢉᠦᠦ ᠰᠠᠶᠢᠨ ᠲᠣᠭᠯᠠᠬᠤ ᠨᠢ ᠬᠠᠷᠠᠭᠳᠠᠵᠤ ᠪᠠᠶᠢᠭᠰᠠᠨ᠃ ᠪᠠᠭᠰᠢ ᠳᠠᠰᠬᠠᠯᠵᠢᠭᠤᠯᠤᠭᠴᠢᠳ ᠤ᠋ᠨ ᠬᠤᠪᠢ ᠳ᠋ᠤ ᠮᠥᠨ ᠮᠠᠰᠢ ᠶᠡᢈᠡ ᠲᠤᠷᠰᠢᠯᠭᠠ ᠬᠤᠷᠠᠮᠲᠤᠯᠠᠭᠤᠯᠵᠤ ᠠᠪᠤᠭᠰᠠᠨ᠃
ᠪᠠᠳᠮᠢᠨ᠋ᠲ᠋ᠣᠨ᠋᠂ ᠫᠠᠷᠠᠪᠠᠳᠮᠢᠨ᠋ᠲ᠋ᠣᠨ ᠤ᠋ ᠪᠠᠭ ᠲᠠᠮᠢᠷᠴᠢᠳ ᠤ᠋ᠨ ᠵᠦᢉ ᠡᠴᠡ ᠡᠨᠡ ᢈᠦ ᠲᠡᠮᠡᠴᠡᢉᠡᠨ ᠳ᠋ᠦ ᠣᠷᠤᠯᠴᠠᠬᠤ ᠪᠣᠯᠤᠮᠵᠢ ᠶ᠋ᠢ ᠣᠯᠭᠠᠭᠰᠠᠨ ᠨᠡᠶᠢᠰᠯᠡᠯ ᠦ᠋ᠨ ᠵᠠᠰᠠᠭ ᠳᠠᠷᠤᠭᠠ ᠶ᠋ᠢᠨ ᠲᠠᠮᠠᠭᠠ ᠶ᠋ᠢᠨ ᠭᠠᠵᠠᠷ ᠪᠣᠯᠤᠨ ᠨᠡᠶᠢᠰᠯᠡᠯ ᠦ᠋ᠨ ᠪᠡᠶᠡ ᠶ᠋ᠢᠨ ᠲᠠᠮᠢᠷ᠂ ᠰᠫᠤᠷᠲ ᠤ᠋ᠨ ᠭᠠᠵᠠᠷ ᠤ᠋ᠨ ᠤᠳᠤᠷᠢᠳᠤᠯᠭᠠ᠂ ᠬᠠᠮᠲᠤ ᠣᠯᠠᠨ ᠳ᠋ᠤ ᠨᠡᠶᠢᠲᠡ ᠳᠠᠰᠬᠠᠯᠵᠢᠭᠤᠯᠤᠭᠴᠢ ᠲᠠᠮᠢᠷᠴᠢᠳ ᠤ᠋ᠨ ᠡᠮᠦᠨᠡ ᠡᠴᠡ ᠲᠠᠯᠠᠷᠬᠠᠯ ᠢᠯᠡᠷᢈᠡᠶᠢᠯᠡᢉᠰᠡᠨ᠃
ШИРЭЭНИЙ ТЕННИС БОЛОН ПАРА ШИРЭЭНИЙ ТЕННИСНИЙ ТӨРӨЛД
Тус тэмцээний ширээний теннисний төрөлд 11 орны 16 баг 4 хэсэгт 4 – 4-өөрөө хуваагдан орж өрсөлдсөн.
Монголын баг “С” хэсэгт Сөүл /БНСУ/, Ибараке /Япон/, Ивате /Япон/ таарч хэсэгтээ эхний тоглолтоо Ибаракегийн /Япон/ багтаа хийж хүчтэй өрсөлдөөнийг үзүүлэн 3 : 1 – ийн харьцаатай хожигдсон. Хэсгийн хоёр дахь тоглолтоо Сөүлийн /БНСУ/ багт 3 : 0 харьцаатай хожигдон, хэсгийн сүүлчийн тоглолтоо Иватегийн /Япон/ багтай хийн 3 : 2- ын харьцаатай хожиж хэсгээсээ 3-р байраар шалгаран 9-12-р байрны төлөө тоглолтонд Яангоны /Мьянмар/ багтай хийн 3 : 1 харьцаатай хожил байгуулж улмаар Манилийн багийг хожсон Делигийн /Энэтхэг/ багтай 9-р байрын төлөөх тоглолтонд 3 : 2 – ын харьцаатай хожигдон 10-р байранд орлоо.
ᠰᠢᠷᠡᢉᠡᠨ ᠦ᠋ ᠲᠧᠨᠨᠢᠰ ᠪᠣᠯᠤᠨ ᠫᠠᠷᠠ ᠰᠢᠷᠡᢉᠡᠨ ᠦ᠋ ᠲᠧᠨᠨᠢᠰ ᠦ᠋ᠨ ᠲᠥᠷᠦᠯ ᠳ᠋ᠦ
ᠲᠤᠰᠠ ᠲᠡᠮᠡᠴᠡᢉᠡᠨ ᠦ᠋ ᠰᠢᠷᠡᢉᠡᠨ ᠦ᠋ ᠲᠧᠨᠨᠢᠰ ᠦ᠋ᠨ ᠲᠥᠷᠦᠯ ᠳ᠋ᠦ ᠑᠑ ᠣᠷᠤᠨ ᠤ᠋ ᠑᠖ ᠪᠠᠭ ᠔ ᢈᠡᠰᠡᢉ ᠲᠦ ᠔ ᠓ ᠔᠆ ᠪᠡᠷ ᠢ᠋ᠶᠡᠨ ᠬᠤᠪᠢᠶᠠᠭᠳᠠᠨ ᠣᠷᠤᠵᠤ ᠥᠷᠢᠰᠦᠯᠳᠦᢉᠰᠡᠨ᠃
ᠮᠣᠩᠭᠤᠯ ᠤ᠋ᠨ ᠪᠠᠭ “ᠰ” ᢈᠡᠰᠡᢉ ᠲᠦ ᠰᠧᠦ᠋ᠯ /ᠪᠨᠰᠦ᠋/᠂ ᠢᠪᠠᠷᠠᠻᠧ /ᠶᠠᠫᠣᠨ᠋/ᠷ᠂ ᠢᠸᠠᠲ᠋ᠧ /ᠶᠠᠫᠣᠨ᠋/ ᠲᠠᠭᠠᠷᠠᠵᠤ ᢈᠡᠰᠡᢉ ᠲᠦ ᠪᠡᠨ ᠡᢈᠢᠨ ᠦ᠋ ᠲᠣᠭᠯᠠᠯᠲᠠ ᠪᠠᠨ ᠢᠪᠠᠷᠠᠻᠧ ᠶ᠋ᠢᠨ /ᠶᠠᠫᠣᠨ᠋/ ᠪᠠᠭ ᠲᠤ ᠪᠠᠨ ᢈᠢᠵᠦ ᢈᠦᠴᠦᠲᠡᠢ ᠥᠷᠢᠰᠦᠯᠳᠦᢉᠡᠨ ᠢ᠋ ᠦᠵᠡᢉᠦᠯᠦᠨ ᠓ : ᠑ ᠆᠆ ᠡᠶᠢᠨ ᠬᠠᠷᠢᠴᠠᠭᠠ ᠲᠠᠢ ᠬᠣᠵᠢᠭᠳᠠᠭᠰᠠᠨ᠃ ᢈᠡᠰᠡᢉ ᠦᠨ ᠬᠣᠶᠠᠷ ᠳᠠᢈᠢ ᠲᠣᠭᠯᠠᠯᠲᠠ ᠪᠠᠨ ᠰᠡᢉᠦᠯ ᠦ᠋ᠨ /ᠪᠨᠰᠦ᠋/ ᠪᠠᠭᠲᠤ ᠓ : ᠐ ᠬᠠᠷᠢᠴᠠᠭᠠ ᠲᠠᠢ ᠬᠣᠵᠢᠭᠳᠠᠨ᠂ ᢈᠡᠰᠡᢉ ᠦᠨ ᠰᠡᢉᠦᠯᠴᠢ ᠶ᠋ᠢᠨ ᠲᠣᠭᠯᠠᠯᠲᠠ ᠪᠠᠨ ᠢᠸᠠᠲ᠋ᠧᢉᠢ ᠶ᠋ᠢᠨ /ᠶᠠᠫᠣᠨ᠋/ ᠪᠠᠭ ᠲᠠᠢ ᢈᠡᠢ ᠶ᠋ᠢᠨ ᠓ : ᠒᠆ ᠢᠢᠨ ᠬᠠᠷᠢᠴᠠᠭᠠ ᠲᠠᠢ ᠬᠣᠵᠢᠵᠤ ᢈᠡᠰᠡᢉ ᠡᠴᠡ ᠪᠡᠨ ᠓᠆ ᠷ ᠪᠠᠶᠢᠷᠢ ᠪᠠᠷ ᠰᠢᠯᠭᠠᠷᠠᠨ ᠙᠆ ᠑᠒ ᠷ ᠪᠠᠶᠢᠷᠢᠨ ᠤ᠋ ᠲᠥᠯᠦᢉᠡ ᠲᠣᠭᠯᠠᠯᠲᠠ ᠳ᠋ᠤ ᠶᠠᠭᠠᠩᠭᠣᠨ ᠤ᠋ /ᠮᠢᠶᠠᠨ᠋ᠮᠠᠷ/ ᠪᠠᠭ ᠲᠠᠢ ᢈᠡᠢ ᠶ᠋ᠢᠨ ᠓ : ᠑ ᠬᠠᠷᠢᠴᠠᠭᠠ ᠲᠠᠢ ᠬᠣᠵᠢᠯ ᠪᠠᠶᠢᠭᠤᠯᠵᠤ ᠤᠯᠠᠮ ᠢ᠋ᠶᠠᠷ ᠮᠠᠨᠢᠯᠢ ᠶ᠋ᠢᠨ ᠪᠠᠭ ᠢ᠋ ᠬᠣᠵᠢᠭᠰᠠᠨ ᠳᠧᠯᠢᢉ ᠦᠨ /ᠡᠨᠡᠳᢈᠡᢉ/ ᠪᠠᠭ ᠲᠠᠢ ᠙᠆ ᠷ ᠪᠠᠶᠢᠷᠢ ᠶ᠋ᠢᠨ ᠲᠥᠯᠦᢉᠡᢈᠦ ᠲᠣᠭᠯᠠᠯᠲᠠᠨ ᠳ᠋ᠤ ᠓ : ᠒ ᠆ ᠶᠢᠨ ᠬᠠᠷᠢᠴᠠᠭᠠ ᠲᠠᠢ ᠬᠣᠵᠢᠭᠳᠠᠨ ᠑᠐᠆ ᠪᠠᠶᠢᠷᠢᠨ ᠳ᠋ᠤ ᠣᠷᠤᠯᠠ᠃
Парагийн төрөлд оролцсон Ч.Ганбат 9 тамирчнаас 8-р байранд орлоо.
Мөн тэмцээний үеэр Монголын баг тамирчдыг Шибуяа дунд сургуультай танилцах үйл ажиллагаа зохион байгуулагдлаа.
Тэмцээний эхний өдөр Лондон 2012 оны зуны олимпийн Мөнгөн медальт тамирчин Хирано Саяако /Япон/ тэмцээнд оролцсон бүх баг тамирчид болон Пара тамирчдын техник ур чадварыг үзэн сонирхож, тэдэнд өөрийн үнэтэй зөвөлгөө өгөн, арга туршлагаасаа хуваалцлаа. Энэ удаагийн тэмцээн Монголын ширээний теннисний өсвөрийн тамирчид, багш дасгалжуулагчдын хувьд ширээний теннис өндөр хөгжсөн Япон, Солонгос, Хятад, Сингапур, Хонконг, Тайвань зэрэг орны баг тамирчдын техник, ур чадвар арга барилтай танилцан туршлага хуримтлуулсан ач холбогдолтой тэмцээн боллоо.
Тус нэр хүндтэй арга хэмжээнд оролцоход туслалцаа, дэмжлэг үзүүлсэн Нийслэлийн Засаг даргын Тамгын газрын Гадаал харилцаа, хамтын ажиллагааны хэлтэс, Эрүүгийн цагдаагийн албаны Зохион байгуулалттай гэмт хэрэгтэй тэмцэх хэлтсийн хамт олон талархал илэрхийлье.
ᠫᠠᠷᠠᠭ ᠤ᠋ᠨ ᠲᠥᠷᠦᠯ ᠳ᠋ᠦ ᠣᠷᠤᠯᠴᠠᠭᠰᠠᠨ ᠴᠤ᠃ᠭᠠᠩᠪᠠᠲᠤ ᠙ ᠲᠠᠮᠢᠷᠴᠢᠨ ᠠ᠋ᠴᠠ ᠘᠆ ᠷ ᠪᠠᠶᠢᠷᠢᠨ ᠳ᠋ᠤ ᠣᠷᠤᠯᠠ᠃
ᠮᠥᠨ ᠲᠡᠮᠡᠴᠡᢉᠡᠨ ᠦ᠋ ᠦᠶᠡ ᠪᠡᠷ ᠮᠣᠩᠭᠣᠯ ᠤ᠋ᠨ ᠪᠠᠭ ᠲᠠᠮᠢᠷᠴᠢᠳ ᠢ᠋ ᠰᠢᠪᠤᠶᠠᠭᠠ ᠳᠤᠮᠳᠠ ᠰᠤᠷᠭᠠᠭᠤᠯᠢ ᠲᠠᠢ ᠲᠠᠨᠢᠯᠴᠠᠬᠤ ᠦᠶᠢᠯᠡ ᠠᠵᠢᠯᠯᠠᠭᠠ ᠵᠣᢈᠢᠶᠠᠨ ᠪᠠᠶᠢᠭᠤᠯᠤᠭᠳᠠᠯᠠ᠃
ᠲᠡᠮᠡᠴᠡᢉᠡᠨ ᠦ᠋ ᠡᢈᠢᠨ ᠦ᠋ ᠡᠳᠦᠷ ᠯᠣᠨᠳᠤᠨ ᠒᠐᠑᠒ ᠣᠨ ᠤ᠋ ᠵᠤᠨ ᠤ᠋ ᠣᠯᠢᠮᠫ ᠤ᠋ᠨ ᠮᠥᠩᢉᠦᠨ ᠮᠧᠳ᠋ᠠᠯ ᠲᠤ ᠲᠠᠮᠢᠷᠴᠢᠨ ᢈᠢᠷᠢᠨᠠ ᠰᠠᠶᠠᠭᠠᠻᠣ /ᠶᠠᠫᠣᠨ᠋/ ᠲᠡᠮᠡᠴᠡᢉᠡᠨ ᠳ᠋ᠦ ᠣᠷᠤᠯᠴᠠᠭᠰᠠᠨ ᠪᠦᢈᠦ ᠪᠠᠭ ᠲᠠᠮᠢᠷᠴᠢᠳ ᠪᠣᠯᠤᠨ ᠫᠠᠷᠠ ᠲᠠᠮᠢᠷᠴᠢᠳ ᠤ᠋ᠨ ᠲᠧᢈᠨᠢᢉ ᠤᠷᠠ ᠴᠢᠳᠠᠪᠤᠷᠢ ᠶ᠋ᠢ ᠦᠵᠡᠨ ᠰᠣᠨᠢᠷᠬᠠᠵᠤ᠂ ᠲᠡᠳᠡᠨ ᠳ᠋ᠦ ᠥᠪᠡᠷ ᠦ᠋ᠨ ᠦᠨᠡ ᠲᠡᠢ ᠵᠥᠪᠡᠯᢉᠡ ᠥᢉᢉᠦᠨ᠂ ᠠᠷᠭᠠ ᠲᠤᠷᠰᠢᠯᠭᠠ ᠠ᠋ᠴᠠ ᠪᠠᠨ ᠬᠤᠪᠢᠶᠠᠯᠴᠠᠯᠠ᠃ ᠡᠨᠡ ᠤᠳᠠᠭᠠ ᠶ᠋ᠢᠨ ᠲᠡᠮᠡᠴᠡᢉᠡᠨ ᠮᠣᠩᠭᠣᠯ ᠤ᠋ᠨ ᠰᠢᠷᠡᢉᠡᠨ ᠦ᠋ ᠲᠧᠨᠨᠢᠰ ᠦ᠋ᠨ ᠥᠰᠪᠦᠷᠢ ᠶ᠋ᠢᠨ ᠲᠠᠮᠢᠷᠴᠢᠳ᠂ ᠪᠠᠭᠰᠢ ᠳᠠᠰᠬᠠᠯᠵᠢᠭᠤᠯᠤᠭᠴᠢᠳ ᠤ᠋ᠨ ᠬᠤᠪᠢ ᠳ᠋ᠤ ᠰᠢᠷᠡᢉᠡᠨ ᠦ᠋ ᠲᠧᠨ᠋ᠨᠢᠰ ᠥᠨᠳᠦᠷ ᢈᠥᢉᠵᠢᢉᠰᠡᠨ ᠶᠠᠫᠣᠨ᠂ ᠰᠣᠯᠤᠩᠭᠤᠰ᠂ ᢈᠢᠲᠠᠳ᠂ ᠰᠢᠩᠭᠠᠫᠦ᠋ᠷ᠂ ᠬᠣᠨᠻᠤᠩ ᠢ᠋᠂ ᠲᠠᠶᠢᠪᠤᠩ ᠵᠡᠷᢉᠡ ᠣᠷᠤᠨ ᠤ᠋ ᠪᠠᠭ ᠲᠠᠮᠢᠷᠴᠢᠳ ᠤ᠋ᠨ ᠲᠧᢈᠨᠢᢉ᠂ ᠤᠷᠠ ᠴᠢᠳᠠᠪᠤᠷᠢ ᠠᠷᠭᠠ ᠪᠠᠷᠢᠯ ᠲᠠᠢ ᠲᠠᠨᠢᠯᠴᠠᠨ ᠲᠤᠷᠰᠢᠯᠭᠠ ᠬᠤᠷᠠᠮᠲᠤᠯᠠᠭᠤᠯᠤᠭᠰᠠᠨ ᠠᠴᠢ ᠬᠣᠯᠪᠤᠭᠳᠠᠯ ᠲᠠᠢ ᠲᠡᠮᠡᠴᠡᢉᠡᠨ ᠪᠣᠯᠤᠯᠤᠭᠠ᠃
ᠲᠤᠰ ᠨᠡᠷᠡ ᢈᠦᠨᠳᠦ ᠲᠡᠢ ᠠᠷᠭᠠ ᢈᠡᠮᠵᠢᠶᠡᠨ ᠳ᠋ᠦ ᠣᠷᠤᠯᠴᠠᠬᠤ ᠳ᠋ᠤ ᠲᠤᠰᠠᠯᠠᠯᠴᠠᠭᠠ᠂ ᠳᠡᠮᠵᠢᠯᢉᠡ ᠦᠵᠡᢉᠦᠯᠦᢉᠰᠡᠨ ᠨᠡᠶᠢᠰᠯᠡᠯ ᠦ᠋ᠨ ᠵᠠᠰᠠᠭ ᠳᠠᠷᠤᠭᠠ ᠶ᠋ᠢᠨ ᠲᠠᠮᠠᠭᠠ ᠶ᠋ᠢᠨ ᠭᠠᠵᠠᠷ ᠤ᠋ᠨ ᠭᠠᠳᠠᠭᠠᠯᠠ ᠬᠠᠷᠢᠯᠴᠠᠭᠠ᠂ ᠬᠠᠮᠲᠤ ᠶ᠋ᠢᠨ ᠠᠵᠢᠯᠯᠠᠭᠠᠨ ᠤ᠋ ᢈᠡᠯᠲᠡᠰ᠂ ᠡᠷᠡᢉᠦᠦ ᠶ᠋ᠢᠨ ᠴᠠᠭᠳᠠᠭᠠ ᠶ᠋ᠢᠨ ᠠᠯᠪᠠᠨ ᠤ᠋ ᠵᠣᢈᠢᠶᠠᠨ ᠪᠠᠶᠢᠭᠤᠯᠤᠯᠲᠠ ᠲᠠᠢ ᢉᠡᠮᠲᠦ ᢈᠡᠷᠡᢉ ᠲᠡᠢ ᠲᠡᠮᠡᠴᠡᢈᠦ ᢈᠡᠯᠲᠡᠰ ᠦ᠋ᠨ ᠬᠠᠮᠲᠤ ᠣᠯᠠᠨ ᠲᠠᠯᠠᠷᠬᠠᠯ ᠢᠯᠡᠷᢈᠡᠶᠢᠯᠡᠶᠡ᠃
