Биеийн тамир, спортын салбар үүсэж хөгжсөний түүхт 100 жилийн ойг угтаж тус салбарын удирдах ажилтны зөвлөгөөнийг Олимп, нийтийн биеийн тамир, спортын Үндэсний хороо болон Засгийн газрын тохируулагч агентлаг – Биеийн тамир, спортын Улсын хорооноос “Чингис хаан” музейн хурлын танхимд зохион байгуулав. Зөвлөгөөнд ОНБТСҮХ-ны дарга Б.Бат-Эрдэнэ, БТСУХ-ны дарга О.Баттулга, Бодлого төлөвлөлтийн газрын дарга О.Гэрэл болон 21 аймаг, есөн дүүргийн Биеийн тамир, спортын байгууллагын дарга, ахлах мэргэжилтэн нийт 110 хүн хамрагдлаа. ᠪᠡᠶᠡ ᠶ᠋ᠢᠨ ᠲᠠᠮᠢᠷ᠂ ᠰᠫᠤᠷᠲ ᠤ᠋ᠨ ᠰᠠᠯᠪᠤᠷᠢ ᠡᢉᠦᠰᠴᠦ ᢈᠥᢉᠵᠢᢉᠰᠡᠨ ᠦ᠋ ᠲᠡᠦᢈᠡᠲᠦ ᠑᠐᠐ ᠵᠢᠯ ᠦ᠋ᠨ ᠣᠢ ᠶ᠋ᠢ ᠤᠭᠲᠤᠵᠤ ᠲᠤᠰᠠ ᠰᠠᠯᠪᠤᠷᠢ ᠶ᠋ᠢᠨ ᠤᠳᠤᠷᠢᠳᠬᠤ ᠠᠵᠢᠯᠲᠠᠨ ᠤ᠋ ᠵᠥᠪᠯᠡᢉᠡᠨ ᠢ᠋ ᠣᠯᠢᠮᠫ᠂ ᠨᠡᠶᠢᠲᠡ ᠶ᠋ᠢᠨ ᠪᠡᠶᠡ ᠶ᠋ᠢᠨ ᠲᠠᠮᠢᠷ᠂ ᠰᠫᠤᠷᠲ ᠤ᠋ᠨ ᠦᠨᠳᠦᠰᠦᠨ ᠦ᠋ ᠬᠣᠷᠢᠶᠠ ᠪᠣᠯᠤᠨ ᠵᠠᠰᠠᠭ ᠤ᠋ᠨ ᠭᠠᠵᠠᠷ ᠤ᠋ᠨ ᠲᠣᢈᠢᠷᠠᠭᠤᠯᠤᠭᠴᠢ ᠠᢉᠧᠨᠲ᠋ᠯᠢᠭ ᠆ ᠪᠡᠶᠡ ᠶ᠋ᠢᠨ ᠲᠠᠮᠢᠷ᠂ ᠰᠫᠤᠷᠲ ᠤ᠋ᠨ ᠤᠯᠤᠰ ᠤ᠋ᠨ ᠬᠣᠷᠢᠶᠠᠨ ᠠ᠋ᠴᠠ “ᠴᠢᠩᢉᠢᠰ ᠬᠠᠭᠠᠨ” ᠮᠦᠽᠧᠢ ᠶ᠋ᠢᠨ ᠬᠤᠷᠠᠯ ᠤ᠋ᠨ ᠲᠠᠩᢈᠢᠮ ᠳ᠋ᠤ ᠵᠣᢈᠢᠶᠠᠨ ᠪᠠᠶᠢᠭᠤᠯᠪᠠ᠃ ᠵᠥᠪᠯᠡᢉᠡ ᠳ᠋ᠦ ᠣᠨᠪᠲᠰᠦ᠋ᢈᠡ ᠨᠤ ᠳᠠᠷᠤᠭᠠ ᠪ᠃ᠪᠠᠲᠤ ᠆ ᠡᠷᠳᠡᠨᠢ᠂ ᠪᠲᠠᠰᠤᠬᠤᠢ ᠶ᠋ᠢᠨ ᠳᠠᠷᠤᠭᠠ ᠣ᠃ᠪᠠᠲᠤᠲᠤᠯᠭᠠ᠂ ᠪᠣᠳᠤᠯᠭᠠ ᠲᠥᠯᠦᠪᠯᠡᠯᠲᠡ ᠶ᠋ᠢᠨ ᠭᠠᠵᠠᠷ ᠤ᠋ᠨ ᠳᠠᠷᠤᠭᠠ ᠣ᠃ᢉᠡᠷᠡᠯ ᠪᠣᠯᠤᠨ ᠒᠑ ᠠᠶᠢᠮᠠᠭ᠂ ᠶᠢᠰᠦᠨ ᠳᠡᢉᠦᠷᢉᠡ ᠶ᠋ᠢᠨ ᠪᠡᠶᠡ ᠶ᠋ᠢᠨ ᠲᠠᠮᠢᠷ᠂ ᠰᠫᠤᠷᠲ ᠤ᠋ᠨ ᠪᠠᠶᠢᠭᠤᠯᠤᠯᠭᠠ ᠶ᠋ᠢᠨ ᠳᠠᠷᠤᠭᠠ᠂ ᠠᠬᠠᠯᠠᠬᠤ ᠮᠡᠷᢉᠡᠵᠢᠯᠲᠡᠨ ᠨᠡᠶᠢᠲᠡ ᠑᠑᠐ ᢈᠦᠮᠦᠨ ᠬᠠᠮᠤᠷᠤᠭᠳᠠᠯᠠ᠃
Зөвлөгөөнөөр Биеийн тамир, спортын салбар үүсэж хөгжсөний түүхт 100 жилийн ойг тэмдэглэн өнгөрүүлэх, Биеийн тамир, спортын салбарын энэ онд хийж хэрэгжүүлэх үйл ажиллагааг танилцуулахын сацуу 2023 онд зохион байгуулсан “Эерэг хандлага-Эрүүл нийгэм” аяны үр дүнг тайлагналаа. ᠵᠥᠪᠯᠡᢉᠡᠨ ᠢ᠋ᠶᠡᠷ ᠪᠡᠶᠡ ᠶ᠋ᠢᠨ ᠲᠠᠮᠢᠷ᠂ ᠰᠫᠤᠷᠲ᠋ ᠤᠨ ᠰᠠᠯᠪᠤᠷᠢ ᠡᢉᠦᠰᠴᠦ ᢈᠥᢉᠵᠢᢉᠰᠡᠨ ᠦ᠋ ᠲᠡᠦᢈᠡᠲᠦ ᠑᠐᠐ ᠵᠢᠯ ᠦ᠋ᠨ ᠣᠢ ᠶ᠋ᠢ ᠲᠡᠮᠳᠡᢉᠯᠡᠨ ᠥᠩᢉᠡᠷᠡᢉᠦᠯᢈᠦ᠂ ᠪᠡᠶᠡ ᠶ᠋ᠢᠨ ᠲᠠᠮᠢᠷ᠂ ᠰᠫᠣᠷᠲ ᠤ᠋ᠨ ᠰᠠᠯᠪᠤᠷᠢ ᠶ᠋ᠢᠨ ᠡᠨᠡ ᠣᠨ ᠳ᠋ᠤ ᢈᠢᠵᠦ ᢈᠡᠷᠡᢉᠵᠢᢉᠦᠯᢈᠦ ᠦᠶᠢᠯᠡ ᠠᠵᠢᠯᠯᠠᠭᠠ ᠶ᠋ᠢ ᠲᠠᠨᠢᠯᠴᠠᠭᠤᠯᠬᠤ ᠶ᠋ᠢᠨ ᠰᠠᠴᠤᠭᠤ ᠒᠐᠒᠓ ᠣᠨ ᠳ᠋ᠤ ᠵᠣᢈᠢᠶᠠᠨ ᠪᠠᠶᠢᠭᠤᠯᠤᠭᠰᠠᠨ “ᠡᠶᠡᠷᢉᠦ ᠬᠠᠨᠳᠤᠯᠭᠠ ᠡᠷᠡᢉᠦᠯ ᠨᠡᠶᠢᢉᠡᠮ” ᠠᠶᠠᠨ ᠤ᠋ ᠦᠷᠡ ᠳᠦᠩ ᠢ᠋ ᠲᠠᠶᠢᠯᠤᠩᠨᠠᠯᠤᠭᠠ᠃
Монгол Улсын сайд, Олимп, нийтийн биеийн тамир, спортын Үндэсний хорооны дарга Б.Бат-Эрдэнийн санаачилан хэрэгжүүлсэн “Эерэг хандлага, эрүүл нийгэм” аяныг цаашид эрчимжүүлэх хүрээнд салбарын удирдах ажилтнуудын санал бодлыг сонсож, бодлого, шийдвэртээ нарийвчлан тусгах зорилготой юм. ᠮᠣᠩᠭᠣᠯ ᠤᠯᠤᠰ ᠤ᠋ᠨ ᠰᠠᠶᠢᠳ᠂ ᠣᠯᠢᠮᠫ᠂ ᠨᠡᠶᠢᠲᠡ ᠶ᠋ᠢᠨ ᠪᠡᠶᠡ ᠶ᠋ᠢᠨ ᠲᠠᠮᠢᠷ᠂ ᠰᠫᠤᠷᠲ ᠤ᠋ᠨ ᠦᠨᠳᠦᠰᠦᠨ ᠦ᠋ ᠬᠣᠷᠢᠶᠠᠨ ᠤ᠋ ᠳᠠᠷᠤᠭᠠ ᠪ᠃ᠪᠠᠲᠤ ᠡᠷᠳᠡᠨᠢ ᠶ᠋ᠢᠨ ᠰᠠᠨᠠᠭᠠᠴᠢᠯᠠᠨ ᢈᠡᠷᠡᢉᠵᠢᢉᠦᠯᠦᢉᠰᠡᠨ “ᠡᠶᠡᠷᢉᠦ ᠬᠠᠨᠳᠤᠯᠭᠠ᠂ ᠡᠷᠡᢉᠦᠯ ᠨᠡᠶᠢᢉᠡᠮ” ᠠᠶᠠᠨ ᠢ᠋ ᠴᠠᠭᠠᠰᠢᠳᠠ ᠡᠷᠴᠢᠮᠵᠢᢉᠦᠯᢈᠦ ᢈᠦᠷᠢᠶᠡᠨ ᠳ᠋ᠦ ᠰᠠᠯᠪᠤᠷᠢ ᠶ᠋ᠢᠨ ᠤᠳᠤᠷᠢᠳᠬᠤ ᠠᠵᠢᠯᠲᠠᠨ ᠨᠤᠭᠤᠳ ᠤ᠋ᠨ ᠰᠠᠨᠠᠯ ᠪᠣᠳᠤᠯ ᠢ᠋ ᠰᠣᠨᠤᠰᠴᠤ᠂ ᠪᠣᠳᠤᠯᠭᠠ᠂ ᠰᠢᠶᠢᠳᠪᠦᠷᠢ ᠳ᠋ᠦ ᠪᠡᠨ ᠨᠠᠷᠢᠪᠴᠢᠯᠠᠨ ᠲᠤᠰᠬᠠᠬᠤ ᠵᠣᠷᠢᠯᠭᠠ ᠲᠠᠢ ᠶᠠᠭᠤᠮᠠ᠃
Б.Бат-Эрдэнэ сайд хэлсэн үгэндээ “Биеийн тамир, спортын салбарынхан нийгэмд эерэг нөлөө үзүүлэх нь хамгаас чухал байна. Засгийн газрын зүгээс биеийн тамир, спортын салбарынханд хандаж нийгэмдээ эерэг хандлага, эерэг нөлөөллийг түүчээлэх үүрэг даалгавар өгсөн. Энэ хүрээнд аян өрнүүлж, хүн амын дунд идэвхтэй хөдөлгөөнд уриалсан олон ажил хийж хэрэгжүүлж, идэвхтэй хөдөлгөөний хэв маягийг хэвшүүлэх их үйлсэд Та бүхний хичээл зүтгэл их байж, амжилттай даван туулсан” гэдгийг цохон тэмдэглэлээ. Харин БТСУХ-ны дарга О.Баттулга орон нутаг, дүүргийн Биеийн тамир, спортын байгууллагын удирдлагуудын санал бодлыг сонсож, тулгамдсан асуудлыг шийдвэрлэх талаар ярилцлаа. Мөн “Парис-2024” зуны олимп, паралимпын наадамд баг тамирчидаа хэрхэн бэлтгэж буйгаа танилцууллаа. ᠪ᠃ᠪᠠᠲᠤ ᠆ ᠡᠷᠳᠡᠨᠢ ᠰᠠᠶᠢᠳ ᢈᠡᠯᠡᢉᠰᠡᠨ ᠦᢉᠡᠨ ᠳ᠋ᠦ ᠪᠡᠨ “ᠪᠡᠶᠡ ᠶ᠋ᠢᠨ ᠲᠠᠮᠢᠷ᠂ ᠰᠫᠣᠷᠲ ᠤ᠋ᠨ ᠰᠠᠯᠪᠤᠷᠢ ᠶ᠋ᠢᠨ ᢈᠢᠨ ᠨᠡᠶᠢᢉᠡᠮ ᠳ᠋ᠦ ᠡᠶᠡᠷᢉᠦ ᠨᠥᠯᠦᢉᠡ ᠦᠵᠡᢉᠦᠯᢈᠦ ᠨᠢ ᠬᠠᠮᠤᠭ ᠠ᠋ᠴᠠ ᠴᠢᠬᠤᠯᠠ ᠪᠠᠶᠢᠨᠠ᠃ ᠵᠠᠰᠠᠭ ᠤ᠋ᠨ ᠭᠠᠵᠠᠷ ᠤ᠋ᠨ ᠵᠦᢉ ᠡᠴᠡ ᠪᠡᠶᠡ ᠶ᠋ᠢᠨ ᠲᠠᠮᠢᠷ᠂ ᠰᠫᠤᠷᠲ᠋ ᠤᠨ ᠰᠠᠯᠪᠤᠷᠢ ᠶ᠋ᠢᠨ ᢈᠢᠨ ᠳ᠋ᠤ ᠬᠠᠨᠳᠤᠵᠤ ᠨᠡᠶᠢᢉᠡᠮ ᠳ᠋ᠦ ᠪᠡᠨ ᠡᠶᠡᠷᢉᠦ ᠬᠠᠨᠳᠤᠯᠭᠠ᠂ ᠡᠶᠡᠷᢉᠦ ᠨᠥᠯᠦᢉᠡᠯᠡᠯ ᠢ᠋ ᠲᠦᢉᠦᠴᠢᠶᠡᠯᠡᢈᠦ ᠡᢉᠦᠷᢉᠡ ᠳᠠᠭᠠᠭᠠᠯᠭᠠᠪᠤᠷᠢ ᠥᢉᢉᠦᢉᠰᠡᠨ᠃ ᠡᠨᠡ ᢈᠦᠷᠢᠶᠡᠨ ᠳ᠋ᠦ ᠠᠶᠠᠨ ᠥᠷᠨᠢᢉᠦᠯᠵᠦ᠂ ᢈᠦᠮᠦᠨ ᠠᠮᠠ ᠶ᠋ᠢᠨ ᠳᠤᠮᠳᠠ ᠢᠳᠡᠪᢈᠢ ᠲᠡᠢ ᢈᠥᠳᠡᠯᢉᠡᢉᠡᠨ ᠳ᠋ᠦ ᠤᠷᠢᠶᠠᠯᠠᠭᠰᠠᠨ ᠣᠯᠠᠨ ᠠᠵᠢᠯ ᢈᠢᠵᠦ ᢈᠡᠷᠡᢉᠵᠢᢉᠦᠯᠵᠦ᠂ ᠢᠳᠡᠪᢈᠢᠲᠡᠢ ᢈᠥᠳᠡᠯᢉᠡᢉᠡᠨ ᠦ᠋ ᢈᠡᠪ ᠮᠠᠶ᠋ᠢᠭ ᠢ᠋ ᢈᠡᠪᠰᠢᢉᠦᠯᢈᠦ ᠶᠡᢈᠡ ᠦᠢᠯᠡᠰ ᠲᠦ ᠲᠠ ᠪᠦᢈᠦᠨ ᠦ᠋ ᢈᠢᠴᠢᠶᠡᠯ ᠵᠢᠳᢈᠦᠯ ᠶᠡᢈᠡ ᠪᠠᠶᠢᠵᠤ᠂ ᠠᠮᠵᠢᠯᠲᠠᠲᠠᠢ ᠳᠠᠪᠠᠨ ᠲᠤᠭᠤᠯᠤᠭᠰᠠᠨ” ᢉᠡᠳᠡᢉ ᠢ ᠴᠣᠬᠤᠨ ᠲᠡᠮᠳᠡᢉᠯᠡᠯ ᠢ᠋ᠶᠡᠨ᠃ ᠬᠠᠷᠢᠨ ᠪᠲᠤᠰᠤᠬᠤ ᠶ᠋ᠢᠨ ᠳᠠᠷᠤᠭᠠ ᠣ᠃ᠪᠠᠲᠤᠲᠤᠯᠭᠠ ᠣᠷᠤᠨ ᠨᠤᠲᠤᠭ᠂ ᠳᠡᢉᠦᠷᢉᠡ ᠶ᠋ᠢᠨ ᠪᠡᠶᠡ ᠶ᠋ᠢᠨ ᠲᠠᠮᠢᠷ᠂ ᠰᠫᠣᠷᠲ ᠤ᠋ᠨ ᠪᠠᠶᠢᠭᠤᠯᠤᠯᠭᠠ ᠶ᠋ᠢᠨ ᠤᠳᠤᠷᠢᠳᠤᠯᠭᠠ ᠨᠤᠭᠤᠳ ᠤ᠋ᠨ ᠰᠠᠨᠠᠯ ᠪᠣᠳᠤᠯ ᠢ᠋ ᠰᠣᠨᠤᠰᠴᠤ᠂ ᠲᠤᠯᠭᠠᠮᠳᠠᠭᠰᠠᠨ ᠠᠰᠠᠭᠤᠳᠠᠯ ᠢ᠋ ᠰᠢᠶᠢᠳᠪᠦᠷᠢᠯᠡᢈᠦ ᠲᠠᠯᠠ ᠪᠠᠷ ᠶᠠᠷᠢᠯᠴᠠᠯᠠ᠃ ᠮᠥᠨ “ᠫᠠᠷᠢᠰ ᠒᠐᠒᠔” ᠵᠤᠨ ᠤ᠋ ᠣᠯᠢᠮᠫ᠂ ᠫᠠᠷᠠᠯᠢᠮᠫ ᠤ᠋ᠨ ᠨᠠᠭᠠᠳᠤᠮ ᠳ᠋ᠤ ᠪᠠᠭ ᠲᠠᠮᠢᠷᠴᠢᠳ ᠢ᠋ᠶᠠᠨ ᢈᠡᠷᢈᠢᠨ ᠪᠡᠯᠡᠳᢈᠡᠵᠦ ᠪᠤᠢ ᠪᠠᠨ ᠲᠠᠨᠢᠯᠴᠠᠭᠤᠯᠤᠯᠠ᠃
