“Улаанбаатар өвлийн наадам-2024” арга хэмжээний хүрээнд Улаанбаатар хотын аварга шалгаруулах Снөүбоардын тэмцээнийг 2024 оны 01 дүгээр сарын 28-ны өдөр Нийслэлийн Биеийн тамир, спортын газар, Нийслэлийн Аялал жуулчлалын газар, Монголын мэргэжлийн снөүбоардын холбоо, “Скай резорт” цанын бааз хамтран зохион байгууллаа. “ᠤᠯᠠᠭᠠᠨᠪᠠᠭᠠᠲᠤᠷ ᠡᠪᠦᠯ ᠦ᠋ᠨ ᠨᠠᠭᠠᠳᠤᠮ ᠒᠐᠒᠔” ᠠᠷᠭᠠ ᢈᠡᠮᠵᠢᠶ ᠡᠨ ᠦ᠋ ᢈᠦᠷᠢᠶ ᠡᠨ ᠳ᠋ᠦ ᠤᠯᠠᠭᠠᠨᠪᠠᠭᠠᠲᠤᠷ ᠬᠣᠲᠠ ᠶ᠋ᠢᠨ ᠠᠪᠤᠷᠭᠤ ᠰᠢᠯᠭᠠᠷᠠᠭᠤᠯᠬᠤ ᠰᠨᠢᢉᠦᠪᠣᠷᠳ᠋ ᠤ᠋ᠨ ᠲᠡᠮᠡᠴᠡᢉᠡᠨ ᠢ᠋ ᠒᠐᠒᠔ ᠣᠨ ᠤ᠋ ᠐᠑ ᠳ᠋ᠦᢉᠡᠷ ᠰᠠᠷᠠ ᠶ᠋ᠢᠨ ᠒᠘ ᠲᠤ ᠡᠳᠦᠷ ᠨᠡᠶᠢᠰᠯᠡᠯ ᠦ᠋ᠨ ᠪᠡᠶᠡ ᠶ᠋ᠢᠨ ᠲᠠᠮᠢᠷ᠂ ᠰᠫᠣᠷᠲ ᠤ᠋ᠨ ᠭᠠᠵᠠᠷ᠂ ᠨᠡᠶᠢᠰᠯᠡᠯ ᠦ᠋ᠨ ᠠᠶᠠᠯᠠᠯ ᠵᠢᠭᠤᠯᠴᠢᠯᠠᠯ ᠤ᠋ᠨ ᠭᠠᠵᠠᠷ᠂ ᠮᠣᠩᠭᠣᠯ ᠤ᠋ᠨ ᠮᠡᠷᢉᠡᠵᠢᠯ ᠦ᠋ᠨ ᠰᠨᠢᢉᠦᠪᠣ ᠠᠷᠳ᠋ ᠤ᠋ᠨ ᠬᠣᠯᠪᠤᠭᠠ᠂ “ᠰᠻᠠᠢ ᠷᠧᠽᠤᠷ ᠲᠤ” ᠴᠠᠨᠠ ᠶ᠋ᠢᠨ ᠪᠠᠭᠠᠵᠠ ᠬᠠᠮᠲᠤᠷᠠᠨ ᠵᠣᢈᠢᠶᠠᠨ ᠪᠠᠶᠢᠭᠤᠯᠤᠯᠠ᠃
Тэмцээнийг снөүбоард параллель слалом төрлөөр эрэгтэй, эмэгтэй насанд хүрэгчид, 13 нас хүртэлх охид, хөвгүүд гэсэн ангилалаар зохион явуулж 63 тамирчин оролцлоо. ᠲᠡᠮᠡᠴᠡᢉᠡᠨ ᠢ᠋ ᠰᠨᠢᢉᠦᠪᠣ ᠠᠷᠳ᠋ ᠫᠠᠷᠠᠯᠧᠯ ᠰᠯᠠᠯᠣᠮ ᠲᠥᠷᠦᠯ ᠢ᠋ᠶᠡᠷ ᠡᠷᠡᢉᠲᠡᠢ᠂ ᠡᠮᠡᢉᠲᠡᠢ ᠨᠠᠰᠤᠨ ᠳ᠋ᠤ ᢈᠦᠷᠦᢉᠴᠢᠳ᠂ ᠑᠓ ᠨᠠᠰᠤ ᢈᠦᠷᠲᠡᠯᠡᢈᠢ ᠥᢈᠢᠳ᠂ ᢈᠥᠪᠡᢉᠦᠳ ᢉᠡᢉᠰᠡᠨ ᠠᠩᢉᠢᠯᠠᠯ ᠢ᠋ᠶᠠᠷ ᠵᠣᢈᠢᠶᠠᠨ ᠶᠠᠪᠤᠭᠤᠯᠵᠤ ᠖᠓ ᠲᠠᠮᠢᠷᠴᠢᠨ ᠣᠷᠤᠯᠴᠠᠯᠠ᠃
Тэмцээний насанд хүрэгчдийн эрэгтэйчүүдийн төрөлд Г.Ганзориг, Б.Дэлгэрсайхан, Б.Далайцэрэн нар шалгарсан бол эмэгтэйчүүдийн төрөлд С.Дөлгөөн, А.Болор-Эрдэнэ, Б.Мишээл нар тус тус шалгарсан. ᠲᠡᠮᠡᠴᠡᢉᠡᠨ ᠦ᠋ ᠨᠠᠰᠤᠨ ᠳ᠋ᠤ ᢈᠦᠷᠦᢉᠴᠢᠳ ᠦ᠋ᠨ ᠡᠷᠡᢉᠲᠡᠢ ᠨᠦᢉᠦᠳ ᠦ᠋ᠨ ᠲᠥᠷᠦᠯ ᠳ᠋ᠦ ᢉ᠃ᠭᠠᠩᠵᠣᠷᠢᠭ᠂ ᠪ᠃ᠳᠡᠯᢉᠡᠷᠰᠠᠶᠢᠬᠠᠨ᠂ ᠪ᠃ᠳᠠᠯᠠᠶᠢᠴᠡᠷᠢᠩ ᠨᠠᠷᠠ ᠰᠢᠯᠭᠠᠷᠠᠭᠰᠠᠨ ᠪᠣᠯ ᠡᠮᠡᢉᠲᠡᠢ ᠨᠦᢉᠦᠳ ᠦ᠋ᠨ ᠲᠥᠷᠦᠯ ᠳ᠋ᠦ ᠰ᠃ᠳᠥᠯᠦᢉᠡᠨ᠂ ᠠ᠃ᠪᠣᠯᠤᠷ ᠡᠷᠳᠡᠨᠢ᠂ ᠪ᠃ᠮᠢᠰᠢᠶᠡᠯ ᠨᠠᠷᠠ ᠲᠤᠰ ᠲᠤᠰ ᠰᠢᠯᠭᠠᠷᠠᠭᠰᠠᠨ᠃
Харин хүүхэд насны хөвгүүдийн төрөлд Т.Ирмүүн, Т.Тэнүүн, Б.Мишээл нар, охидын төрөлд Э.Ууганзаяа, Т.Танан, Т.Цэлмүүн нар тус тус шалгарлаа. ᠬᠠᠷᠢᠨ ᢈᠡᠦᢈᠡᠳ ᠨᠠᠰᠤᠨ ᠤ᠋ ᢈᠥᠪᠡᢉᠦᠳ ᠦ᠋ᠨ ᠲᠥᠷᠦᠯ ᠳ᠋ᠦ ᠲᠥ᠃ᠢᠷᠮᠡᢉᠦᠨ᠂ ᠲᠥ᠃ᠲᠡᠨᠢᢉᠦᠨ᠂ ᠪ᠃ᠮᠢᠰᠢᠶᠡᠯ ᠨᠠᠷᠠ᠂ ᠥᢈᠢᠳ ᠦ᠋ᠨ ᠲᠥᠷᠦᠯ ᠳ᠋ᠦ ᠡ᠃ᠤᠤᠭᠠᠨᠵᠠᠶᠠᠭᠠ᠂ ᠲᠥ᠃ᠲᠠᠨᠠᠨ᠂ ᠲᠥ᠃ᠴᠡᠯᠮᠡᢉᠦᠨ ᠨᠠᠷᠠ ᠲᠤᠰ ᠲᠤᠰ ᠰᠢᠯᠭᠠᠷᠠᠯᠠ᠃
НИЙСЛЭЛИЙН БИЕИЙН ТАМИР, СПОРТЫН ГАЗАР – ᠨᠡᠶᠢᠰᠯᠡᠯ ᠦ᠋ᠨ ᠪᠡᠶᠡ ᠶ᠋ᠢᠨ ᠲᠠᠮᠢᠷ᠂ ᠰᠫᠤᠷᠲ᠋ ᠤᠨ ᠭᠠᠵᠠᠷ
