Нийслэлийн Засаг даргын 2024 оны А/241, А/453 дугаар захирамжийн дагуу “Улаанбаатар марафон 2024” олон улсын гүйлтийг 2024 оны 05 дугаар сарын 25-ны өдөр 9 дэх жилдээ амжилттай зохион байгуулав. ᠨᠡᠶᠢᠰᠯᠡᠯ ᠦ᠋ᠨ ᠵᠠᠰᠠᠭ ᠳᠠᠷᠤᠭᠠ ᠶ᠋ᠢᠨ ᠒᠐᠒᠔ ᠣᠨ ᠤ᠋ ᠠ/᠒᠔᠑᠂ ᠠ/᠔᠕᠓ ᠳ᠋ᠤᠭᠠᠷ ᠵᠠᢈᠢᠷᠤᠮᠵᠢ ᠶ᠋ᠢᠨ ᠳᠠᠭᠠᠭᠤ “ᠤᠯᠠᠭᠠᠨᠪᠠᠭᠠᠲᠤᠷ ᠮᠠᠷᠠᠹᠤᠨ ᠒᠐᠒᠔” ᠣᠯᠠᠨ ᠤᠯᠤᠰ ᠤ᠋ᠨ ᢉᠦᠶᠦᠯᠲᠡ ᠶ᠋ᠢ ᠒᠐᠒᠔ ᠣᠨ ᠤ᠋ ᠐᠕ ᠳ᠋ᠤᠭᠠᠷ ᠰᠠᠷᠠ ᠶ᠋ᠢᠨ ᠒᠕᠆ ᠶ᠋ᠢᠨ ᠡᠳᠦᠷ ᠙ ᠳ᠋ᠡᢈᠢ ᠵᠢᠯ ᠳ᠋ᠦ ᠪᠡᠨ ᠠᠮᠵᠢᠯᠲᠠ ᠲᠠᠢ ᠵᠣᢈᠢᠶᠠᠨ ᠪᠠᠶᠢᠭᠤᠯᠪᠠ᠃
“Улаанбаатар марафон-2024” олон улсын гүйлтийг 42 км-ийн 18-аас дээш нас, ХБИ, гар дугуйн уралдаан, 21 км-ийн зайг 18-34, 35-54, 55-аас дээш нас, ХБИ, 5 км-ийн зайг 12-17 нас, 18-аас дээш насны эрүүл мэндийн гүйлт, 1,5 км (хараагүйны бэрхшээлтэй, тэргэнцэртэй гэр бүл), 500м, 800м-ийн зайг тусгай олимпын тамирчид гэсэн ангиллаар тус тус зохион байгуулж нийт 22657 иргэд цахимаар, 7350 иргэн биеэр ирж бүртгүүлэн нийт 30000 хүн оролцлоо. “ᠤᠯᠠᠭᠠᠨᠪᠠᠭᠠᠲᠤᠷ ᠮᠠᠷᠠᠹᠤᠨ ᠒᠐᠒᠔” ᠣᠯᠠᠨ ᠤᠯᠤᠰ ᠤ᠋ᠨ ᢉᠦᠶᠦᠯᠲᠡ ᠶ᠋ᠢ ᠔᠒ ᠻᠮ ᠆ ᠶ᠋ᠢᠨ ᠑᠘᠆ ᠠ᠋ᠴᠠ ᠳᠡᢉᠡᢉᠰᠢ ᠨᠠᠰᠤ᠂ ᢈᠪᠢ᠂ ᠭᠠᠷ ᠳᠤᠭᠤᠢ ᠶ᠋ᠢᠨ ᠤᠷᠤᠯᠳᠤᠭᠠᠨ᠂ ᠒᠑ ᠻᠮ ᠆ ᠶᠣᠨ ᠵᠠᠢ ᠶ᠋ᠢ ᠑᠘ ᠆ ᠓᠔᠂ ᠓᠕᠆ ᠕᠔᠂ ᠕᠕᠆ ᠠᠴᠠ ᠳᠡᢉᠡᢉᠰᠢ ᠨᠠᠰᠤ᠂ ᢈᠪᠢ᠂ ᠕ ᠻᠮ ᠆ ᠶ᠋ᠢᠨ ᠵᠠᠢ ᠶ᠋ᠢ ᠑᠒᠆ ᠑᠗ ᠨᠠᠰᠤ᠂ ᠑᠘ ᠠ᠋ᠴᠠ ᠳᠡᢉᠡᢉᠰᠢ ᠨᠠᠰᠤᠨ ᠤ᠋ ᠡᠷᠡᢉᠦᠯ ᠮᠡᠨᠳᠦ ᠶ᠋ᠢᠨ ᢉᠦᠶᠦᠯᠲᠡ᠂ ᠑᠂᠕ ᠻᠮ (ᠬᠠᠷᠠᠭᠠ ᠦᢉᠡᠢ ᠶ᠋ᠢᠨ ᠪᠡᠷᢈᠡᠰᠢᠶᠡᠯ ᠲᠡᠢ᠂ ᠲᠡᠷᢉᠡᠨᠴᠢᠷ ᠲᠡᠢ ᢉᠡᠷ ᠪᠦᠯᠢ)᠂᠂ ᠕᠐᠐ᠮ᠂ ᠘᠐᠐ᠮ ᠦ᠋ᠨ ᠵᠠᠢ ᠶ᠋ᠢ ᠲᠤᠰᠬᠠᠢ ᠣᠯᠢᠮᠫ ᠤ᠋ᠨ ᠲᠠᠮᠢᠷᠴᠢᠳ ᢉᠡᢉᠰᠡᠨ ᠠᠩᢉᠢᠯᠠᠯ ᠢ᠋ᠶᠠᠷ ᠲᠤᠰ ᠲᠤᠰᠠ ᠵᠣᢈᠢᠶᠠᠨ ᠪᠠᠶᠢᠭᠤᠯᠵᠤ ᠨᠡᠶᠢᠲᠡ ᠒᠒᠖᠕᠗ ᠢᠷᢉᠡᠳ ᠴᠠᢈᠢᠮ ᠢ᠋ᠶᠠᠷ᠂ ᠗᠓᠕᠐ ᠢᠷᢉᠡᠨ ᠪᠡᠶᠡ ᠪᠡᠷ ᠢᠷᠡᠵᠦ ᠪᠦᠷᠢᠳᢈᠡᢉᠦᠯᠦᠨ ᠨᠡᠶᠢᠲᠡ ᠓᠐᠐᠐᠐ ᢈᠦᠮᠦᠨ ᠣᠷᠤᠯᠴᠠᠯᠠ᠃
Энэхүү гүйлт нь Нийслэлийн Засаг дарга бөгөөд Улаанбаатар хотын захирагчийн 2020-2024 оны үйл ажиллагааны хөтөлбөрийг хэрэгжүүлэх, Монгол улсад гүйлтийн спортыг хөгжүүлэх, гүйлтээр хичээллэгч, сонирхогч иргэдийн тоог нэмэгдүүлэх, өсвөр, залуу үеийнхэнд өөрийн дотоод нөөц боломжийг нээж, зорилгодоо хүрэх тэсвэр хатуужил, бие бялдрын болон оюун санааны өв тэгш хүмүүжлийг төлөвшүүлэх, иргэдийг өдөр тутмын биеийн тамираар хичээллэх идэвх санаачилгыг дэмжих зорилготой юм. ᠡᠨᠡ ᢈᠦ ᢉᠦᠶᠦᠯᠲᠡ ᠨᠢ ᠨᠡᠶᠢᠰᠯᠡᠯ ᠦ᠋ᠨ ᠵᠠᠰᠠᠭ ᠳᠠᠷᠤᠭᠠ ᠪᠥᢉᠡᠳ ᠤᠯᠠᠭᠠᠨᠪᠠᠭᠠᠲᠤᠷ ᠬᠣᠲᠠ ᠶ᠋ᠢᠨ ᠵᠠᢈᠢᠷᠤᠭᠴᠢ ᠶ᠋ᠢᠨ ᠒᠐᠒᠐᠒᠒᠐᠒᠔ ᠣᠨ ᠤ᠋ ᠦᠶᠢᠯᠡ ᠠᠵᠢᠯᠯᠠᠭᠠᠨ ᠤ᠋ ᢈᠥᠲᠦᠯᠪᠦᠷᠢ ᠶ᠋ᠢ ᢈᠡᠷᠡᢉᠵᠢᢉᠦᠯᢈᠦ᠂ ᠮᠣᠩᠭᠣᠯ ᠤᠯᠤᠰ ᠲᠤ ᢉᠦᠶᠦᠯᠲᠡ ᠶ᠋ᠢᠨ ᠰᠫᠣᠷᠲ ᠢ᠋ ᢈᠥᢉᠵᠢᢉᠦᠯᢈᠦ᠂ ᢉᠦᠶᠦᠯᠲᠡ ᠪᠡᠷ ᢈᠢᠴᠢᠶᠡᠯᠯᠡᢉᠴᠢ᠂ ᠰᠣᠨᠢᠷᠬᠠᠭᠴᠢ ᠢᠷᢉᠡᠳ ᠦ᠋ᠨ ᠲᠣᠭᠠ ᠶ᠋ᠢ ᠨᠡᠮᠡᢉᠳᠡᢉᠦᠯᢈᠦ᠂ ᠥᠰᠪᠦᠷᠢ᠂ ᠵᠠᠯᠠᠭᠤ ᠦᠶᠡ ᠶ᠋ᠢᠨ ᢈᠢᠨ ᠳ᠋ᠦ ᠥᠪᠡᠷ ᠦ᠋ᠨ ᠳᠣᠲᠤᠭᠠᠳᠤ ᠨᠥᢉᠡᠴᠡ ᠪᠣᠯᠤᠮᠵᠢ ᠶ᠋ᠢ ᠨᠡᢉᠡᢉᠡᠵᠦ᠂ ᠵᠣᠷᠢᠯᠭᠠ ᠳ᠋ᠤ ᠪᠠᠨ ᢈᠦᠷᢈᠦ ᠲᠡᠰᠪᠦᠷᠢ ᠬᠠᠲᠠᠭᠤᠵᠢᠯ᠂ ᠪᠡᠶᠡ ᠪᠢᠯᠳᠠᠷ ᠤ᠋ᠨ ᠪᠣᠯᠤᠨ ᠣᠶᠤᠨ ᠰᠠᠨᠠᠭᠠᠨ ᠤ᠋ ᠥᠪ ᠲᠡᢉᠰᠢ ᢈᠦᠮᠦᠵᠢᠯ ᠢ᠋ ᠲᠥᠯᠦᠪᠰᠢᢉᠦᠯᢈᠦ᠂ ᠢᠷᢉᠡᠳ ᠢ᠋ ᠡᠳᠦᠷ ᠲᠤᠲᠤᠮ ᠤ᠋ᠨ ᠪᠡᠶᠡ ᠶ᠋ᠢᠨ ᠲᠠᠮᠢᠷ ᠢ᠋ᠶᠠᠷ ᢈᠢᠴᠢᠶᠡᠯᠯᠡᢈᠦ ᠢᠳᠡᠪᢈᠢ ᠰᠠᠨᠠᠭᠠᠴᠢᠯᠭᠠ ᠶ᠋ᠢ ᠳᠡᠮᠵᠢᢈᠦ ᠵᠣᠷᠢᠯᠭᠠ ᠲᠠᠢ ᠶᠠᠭᠤᠮᠠ᠃
