Монгол Улсын сайд, ОНБТСҮХ-ны дарга, УИХ-ын гишүүн Б.Бат-Эрдэнийн санаачлан боловсруулсан Биеийн тамир, спортын тухай хуулийн шинэчилсэн найруулгын төслийг УИХ-аар эцэслэн баталлаа. Шинэ хуулиар спорт, нийтийн биеийн тамирыг дэмжих олон шинэ зохицуулалт орлоо. Идэвхтэй хөдөлгөөн, спортоор хичээллэсэн иргэний үр дүнг харгалзан магадлан итгэмжлэгдсэн спортын клубт Спортыг дэмжих сангаас үйлчилгээний төлбөрийн дэмжлэг үзүүлэх боломж бүрдлээ. – ᠮᠣᠩᠭᠣᠯ ᠤᠯᠤᠰ ᠤ᠋ᠨ ᠰᠠᠶᠢᠳ᠂ ᠣᠨᠪᠲ᠋ᠰᠦ᠋ᢈᠡ ᠨᠤ ᠳᠠᠷᠤᠭᠠ᠂ ᠤᠶᠢᠬᠤ ᠤ᠋ᠨ ᢉᠡᠰᠢᢉᠦᠨ ᠪ᠃ᠪᠠᠲᠤ ᠆ ᠡᠷᠳᠡᠨᠢ ᠶ᠋ᠢᠨ ᠰᠠᠨᠠᠭᠠᠴᠢᠯᠠᠨ ᠪᠣᠯᠪᠠᠰᠤᠷᠠᠭᠤᠯᠤᠭᠰᠠᠨ ᠪᠡᠶᠡ ᠶ᠋ᠢᠨ ᠲᠠᠮᠢᠷ᠂ ᠰᠫᠤᠷᠲ ᠤ᠋ᠨ ᠲᠤᠬᠠᠢ ᠬᠠᠤᠯᠢ ᠶ᠋ᠢᠨ ᠰᠢᠨᠡᠴᠢᠯᠡᢉᠰᠡᠨ ᠨᠠᠶᠢᠷᠠᠭᠤᠯᠭᠠ ᠶ᠋ᠢᠨ ᠲᠥᠰᠦᠯ ᠢ᠋ ᠤᠶᠢᠬᠤ ᠪᠠᠷ ᠡᠴᠦᠰᠯᠡᠨ ᠪᠠᠲᠤᠯᠠᠯᠤᠭᠠ᠃ ᠰᠢᠨᠡ ᠬᠠᠤᠯᠢ ᠪᠠᠷ ᠰᠫᠤᠷᠲ᠂ ᠨᠡᠶᠢᠲᠡ ᠶ᠋ᠢᠨ ᠪᠡᠶᠡ ᠶ᠋ᠢᠨ ᠲᠠᠮᠢᠷ ᠢ᠋ ᠳᠡᠮᠵᠢᢈᠦ ᠣᠯᠠᠨ ᠰᠢᠨᠡ ᠵᠣᢈᠢᠴᠠᠭᠤᠯᠤᠯᠲᠠ ᠣᠷᠤᠯᠠ᠃ ᠢᠳᠡᠪᢈᠢ ᠲᠡᠢ ᢈᠥᠳᠡᠯᢉᠡᢉᠡᠨ᠂ ᠰᠫᠤᠷᠲ ᠢ᠋ᠶᠠᠷ ᢈᠢᠴᠢᠶᠡᠯᠯᠡᢉᠰᠡᠨ ᠢᠷᢉᠡᠨ ᠦ᠋ ᠦᠷᠡ ᠳ᠋ᠦᠩ ᠢ᠋ ᠬᠠᠷᠠᠭᠠᠯᠵᠠᠨ ᠮᠠᠭᠠᠳᠯᠠᠨ ᠢᠲᠡᢉᠡᠮᠵᠢᠯᠡᢉᠳᠡᢉᠰᠡᠨ ᠰᠫᠤᠷᠲ ᠤ᠋ᠨ ᠻᠯᠦ᠋ᠪ ᠲᠦ ᠰᠫᠣᠷᠲ ᠢ᠋ ᠳᠡᠮᠵᠢᢈᠦ ᠰᠠᠩ ᠠ᠋ᠴᠠ ᠦᠢᠯᠡᠴᠢᠯᠡᢉᠡᠨ ᠦ᠋ ᠲᠥᠯᠦᠪᠦᠷᠢ ᠶ᠋ᠢᠨ ᠳᠡᠮᠵᠢᠯᢉᠡ ᠦᠵᠡᢉᠦᠯᢈᠦ ᠪᠣᠯᠤᠮᠵᠢ ᠪᠦᠷᠢᠳᠦᠯᠡ᠃
Мөн спорт холбоодыг дэмжих, төрийн зарим үүргийг ТББ-аар гүйцэтгүүлэх зарчмаар Холбоодын улсын аварга шалгаруулах болон олон улс, тив, ДАШТ-ийг улсын төсвөөс дэмжлэг үзүүлэхээр болж байна. – ᠮᠥᠨ ᠰᠫᠣᠷᠲ ᠬᠣᠯᠪᠤᠭᠠᠳ ᠢ᠋ ᠳᠡᠮᠵᠢᢈᠦ᠂ ᠲᠥᠷᠦ ᠶ᠋ᠢᠨ ᠵᠠᠷᠢᠮ ᠡᢉᠦᠷᢉᠡ ᠶ᠋ᠢ ᠲᠥᠪᠪᠢ ᠪᠠᠷ ᢉᠦᠶᠢᠴᠡᠳᢈᠡᢉᠦᠯᢈᠦ ᠵᠠᠷᠴᠢᠮ ᠢ᠋ᠶᠠᠷ ᠬᠣᠯᠪᠤᠭᠠᠳ ᠤ᠋ᠨ ᠤᠯᠤᠰ ᠤ᠋ᠨ ᠠᠪᠤᠷᠭᠤ ᠰᠢᠯᠭᠠᠷᠠᠭᠤᠯᠬᠤ ᠪᠣᠯᠤᠨ ᠣᠯᠠᠨ ᠤᠯᠤᠰ᠂ ᠲᠢᠢᠪ᠂ ᠳᠠᠰᠢᠲᠤ ᠆ ᠢ᠋ ᠤᠯᠤᠰ ᠤ᠋ᠨ ᠲᠥᠰᠦᠪ ᠡᠴᠡ ᠳᠡᠮᠵᠢᠯᢉᠡ ᠦᠵᠡᢉᠦᠯᢈᠦ ᠪᠡᠷ ᠪᠣᠯᠵᠤ ᠪᠠᠶᠢᠨᠠ᠃
Спорт холбоодын бие даасан байдлыг хангах зорилгоор Биеийн тамир спортын улсын хорооноос олгодог байсан тамирчин, шүүгчид спортын зэрэг, цол олгох, бууруулах, хасах бүрэн эрхийг спорт холбоодод нь олгохоор өөрчиллөө. – ᠰᠫᠤᠷᠲ ᠬᠣᠯᠪᠤᠭᠠᠳ ᠤ᠋ᠨ ᠪᠡᠶᠡ ᠳᠠᠭᠠᠭᠠᠭᠰᠠᠨ ᠪᠠᠶᠢᠳᠠᠯ ᠢ᠋ ᠬᠠᠩᠭᠠᠬᠤ ᠵᠣᠷᠢᠯᠭᠠ ᠪᠠᠷ ᠪᠡᠶᠡ ᠶ᠋ᠢᠨ ᠲᠠᠮᠢᠷ ᠰᠫᠤᠷᠲ ᠤ᠋ᠨ ᠤᠯᠤᠰ ᠤ᠋ᠨ ᠬᠣᠷᠢᠶᠠᠨ ᠠ᠋ᠴᠠ ᠣᠯᠭᠠᠳᠠᠭ ᠪᠠᠶᠢᠭᠰᠠᠨ ᠲᠠᠮᠢᠷᠴᠢᠨ᠂ ᠰᠢᢉᠦᢉᠴᠢᠳ ᠰᠫᠣᠷᠲ ᠤ᠋ᠨ ᠵᠡᠷᢉᠡ᠂ ᠴᠣᠯᠠ ᠣᠯᠭᠠᠬᠤ᠂ ᠪᠠᠭᠤᠷᠠᠭᠤᠯᠬᠤ᠂ ᠬᠠᠰᠤᠬᠤ ᠪᠦᠷᠢᠨ ᠡᠷᢈᠡ ᠶ᠋ᠢ ᠰᠫᠤᠷᠲ ᠬᠣᠯᠪᠤᠭᠠᠳᠠᠳ ᠨᠢ ᠣᠯᠭᠠᠬᠤ ᠪᠠᠷ ᠥᢉᠡᠷᠡᠴᠢᠯᠡᠯᠦᢉᠡ᠃
Нийтийн биеийн тамирыг дэмжих үүднээс спорт клубуудыг дэмжих, магадлан итгэмжлэгдсэн бол Биеийн тамирыг дэмжих сангаас төлбөрийн дэмжлэг үзүүлнэ. – ᠨᠡᠶᠢᠲᠡ ᠶ᠋ᠢᠨ ᠪᠡᠶᠡ ᠶ᠋ᠢᠨ ᠲᠠᠮᠢᠷ ᠢ᠋ ᠳᠡᠮᠵᠢᢈᠦ ᠡᢉᠦᠳᠡᠨ ᠡᠴᠡ ᠰᠫᠤᠷᠲ ᠻᠯᠦᠪ ᠤ᠋ᠳ ᠢ᠋ ᠳᠡᠮᠵᠢᢈᠦ᠂ ᠮᠠᠭᠠᠳᠯᠠᠨ ᠢᠲᠡᢉᠡᠮᠵᠢᠯᠡᢉᠳᠡᢉᠰᠡᠨ ᠪᠣᠯ ᠪᠡᠶᠡ ᠶ᠋ᠢᠨ ᠲᠠᠮᠢᠷ ᠢ᠋ ᠳᠡᠮᠵᠢᢈᠦ ᠰᠠᠩ ᠠ᠋ᠴᠠ ᠲᠥᠯᠦᠪᠦᠷᠢ ᠶ᠋ᠢᠨ ᠳᠡᠮᠵᠢᠯᢉᠡ ᠦᠵᠡᢉᠦᠯᠦᠨᠡ᠃
Спортын салбарын албан хаагчдын нийгмийн асуудлыг шийдвэрлэхийн тулд бусад салбаруудын ижил зарчмаар 5 жил тутамд нэг удаа 6 сарын үндсэн цалинтай тэнцэх хэмжээний мөнгөн тэтгэмжийг улсаас олгохоор боллоо. – ᠰᠫᠣᠷᠲ ᠤ᠋ᠨ ᠰᠠᠯᠪᠤᠷᠢ ᠶ᠋ᠢᠨ ᠠᠯᠪᠠᠨ ᠬᠠᠭᠠᠭᠴᠢᠳ ᠤ᠋ᠨ ᠨᠡᠶᠢᢉᠡᠮ ᠦ᠋ᠨ ᠠᠰᠠᠭᠤᠳᠠᠯ ᠢ᠋ ᠰᠢᠢᠳᠪᠦᠷᠢᠯᠡᢈᠦ ᠶ᠋ᠢᠨ ᠲᠤᠯᠠᠳᠠ ᠪᠤᠰᠤᠳ ᠰᠠᠯᠪᠤᠷᠢ ᠨᠤᠭᠤᠳ ᠤ᠋ᠨ ᠢᠵᠢᠯ ᠵᠠᠷᠴᠢᠮ ᠢ᠋ᠶᠠᠷ ᠕ ᠵᠢᠯ ᠲᠤᠲᠤᠮ ᠳ᠋ᠤ ᠨᠢᢉᠡ ᠤᠳᠠᠭᠠ ᠖ ᠰᠠᠷᠠ ᠶ᠋ᠢᠨ ᠦᠨᠳᠦᠰᠦᠨ ᠴᠠᠯᠢᠩ ᠲᠠᠢ ᠲᠡᠩᠴᠡᢈᠦ ᢈᠡᠮᠵᠢᠶ ᠡᠨ ᠦ᠋ ᠮᠥᠩᢉᠦᠨ ᠲᠡᠳᢈᠦᠮᠵᠢ ᠶ᠋ᠢ ᠤᠯᠤᠰ ᠠ᠋ᠴᠠ ᠣᠯᠭᠠᠬᠤ ᠪᠠᠷ ᠪᠣᠯᠤᠯᠤᠭᠠ᠃
Сум, хороодод орон тооны биеийн тамирын арга зүйч ажиллаж биеийн тамир, спортын хуулийг хэрэгжүүлнэ, орон нутгийн төсвөөс дэмжлэг үзүүлэх зэрэг чухал заалтууд орлоо. – ᠰᠤᠮᠤ᠂ ᠬᠣᠷᠢᠶᠠᠳ ᠲᠤ ᠣᠷᠤᠨ ᠲᠣᠭᠠᠨ ᠤ᠋ ᠪᠡᠶᠡ ᠶ᠋ᠢᠨ ᠲᠠᠮᠢᠷ ᠤ᠋ᠨ ᠠᠷᠭᠠ ᠵᠦᠶᠢᠴᠢ ᠠᠵᠢᠯᠯᠠᠵᠤ ᠪᠡᠶᠡ ᠶ᠋ᠢᠨ ᠲᠠᠮᠢᠷ᠂ ᠰᠫᠤᠷᠲ ᠤ᠋ᠨ ᠬᠠᠤᠯᠢ ᠶ᠋ᠢ ᢈᠡᠷᠡᢉᠵᠢᢉᠦᠯᠦᠨᠡ᠂ ᠣᠷᠤᠨ ᠨᠤᠲᠤᠭ ᠤ᠋ᠨ ᠲᠥᠰᠦᠪ ᠡᠴᠡ ᠳᠡᠮᠵᠢᠯᢉᠡ ᠦᠵᠡᢉᠦᠯᢈᠦ ᠵᠡᠷᢉᠡ ᠴᠢᠬᠤᠯᠠ ᠵᠢᠭᠠᠯᠲᠠ ᠨᠤᠭᠤᠳ ᠣᠷᠤᠯᠠ᠃
