ЭНЭ АМРАЛТЫН ӨДРҮҮДЭД “ДУГУЙН МАРАФОН-2015” БОЛНО
Нийслэлийн Засаг даргын Тамгын газар, Нийслэлийн Биеийн тамир, спортын газар, Монголын дугуйн холбоо хамтран “Дугуйн марафон”-ыг 2015 оны 11 дүгээр сарын 07, 08-ны өдрүүдэд дугуйн марафон, “EXTREME Trial”-ын үзүүлбэр, сонирхогчдын дугуйн тэмцээн, дугуйн парад, мэргэжлийн тамирчдын дугуйн тэмцээний төрлүүдээр зохион байгуулна. Энэхүү арга хэмжээ нь “Найрсаг Улаанбаатар” хөтөлбөрийн хүрээнд төр, засгаас нийтийн биеийн тамир, спортыг хөгжүүлэх талаар гаргасан бодлого, шийдвэрийг хэрэгжүүлэхэд бүх нийтийн оролцоог нэмэгдүүлэх, иргэдэд унадаг дугуйн ач холбогдлыг сурталчилан таниулах, бүх нийтийн эрүүл мэндийг сайжруулахад онцгой ач холбогдол юм.
Дугуйн марафон:
“Дугуйн марафон”-ыг 2015 оны 11 дүгээр сарын 07-ны өдрийн Бямба гарагийн 11:00 цагаас эхлэн зохион байгуулна. “Дугуйн марафон”-д оролцогчдыг батлагдсан маршрутын дагуу Их эзэн Чингис хааны нэрэмжит талбайгаас гараанд гаргаж Энхтайваны гүүр – 120 мянгат – Зайсан – Их тэнгэр – Маршалын гүүр – Үндэсний цэцэрлэгт хүрээлэн гэсэн чиглэлээр нийт 8 км-ийн зам туулж барианд барина.
“Дугуйн марафон”-д дугуй унах чадвартай, бусад дугуйчдын хөдөлгөөнд саад учруулахгүйгээр оролцож чадах эрэгтэй, эмэгтэй залуучууд, насанд хүрэгчид, 14-өөс дээш насны хүүхдүүд эцэг, эхийн хамт оролцож болно. Оролцогч нь моторт болон зайгаар ажилладаг дугуйгаар оролцож болохгүй бөгөөд бусад төрлийн дугуйгаар оролцож болно. Мөн дугуйн тормос, бусад эд ангиуд нь бүрэн ажиллагаатай байх шаардлагатай бөгөөд шаардлага хангаагүй дугуйтай оролцогчийг гараанд гаргахгүй ажээ. Уг марафонд оролцох хөдөө, орон нутгийн тамирчид, иргэд болон багууд, оролцогчдынхоо тээврийн бүх зардлыг өөрсдөө хариуцна.
Сонирхогчдын дугуйн тэмцээн:
Сонирхогчдын дугуйн тэмцээнийг 2015 оны 11 дүгээр сарын 07-ны өдрийн Бямба гарагийн 11:00 цагаас эхлэн:
– Бага насны хүүхдүүдийг 3-4 нас /50 м/, 5-6 нас /50 м/, 7-8 нас /100 м/, 9-10 нас /500 м/, 11-12 нас /1000 м/-ны эрэгтэй, эмэгтэй ангиллаар Үндэсний цэцэрлэгт хүрээлэнгийн дугуйн зам дээр,
– Өсвөр үе, залуучуудыг 13-14 нас /3 км-1 тойрог/, 15-16 нас /3 км-1 тойрог/, 17-18 нас /6 км-2 тойрог/-ны эрэгтэй, эмэгтэй ангиллаар Үндэсний цэцэрлэгт хүрээлэнгийн дугуйн зам дээр тойргоор уралдуулах хэлбэрээр тус тус зохион байгуулна.
Тэмцээний насанд хүрэгчдийн ангилалын төрлийг 2015 оны 11 дүгээр сарын 08-ны өдрийн Ням гарагийн 11:00 цагаас Үндэсний цэцэрлэгт хүрээлэнд 19-39 нас /9 км-3 тойрог/, 40-49 нас /6 км-2 тойрог/, 50-59 нас /3 км-1 тойрог/, 60-дээш нас /3 км-1 тойрог/-ны эрэгтэй, эмэгтэй ангиллаар Үндэсний цэцэрлэгт хүрээлэнгийн дугуйн зам дээр тойргоор уралдуулах хэлбэрээр зохион байгуулна.
Сонирхогчдын дугуйн тэмцээнд оролцогчид зөвхөн уулын дугуй болон ердийн дугуйгаар оролцоно. Оролцох хүүхэд, залуучууд, иргэд, хөдөө, орон нутгийн тамирчид, болон багууд оролцогчдынхоо тээврийн бүх зардлыг өөрсдөө хариуцна.
“EXTREME Trial”-ын үзүүлбэр, тэмцээнийг 2015 оны 11 дүгээр сарын 08-ны өдөр Үндэсний цэцэрлэгт хүрээлэнгийн цагдаагийн хөшөөтэй талбайд зохион байгуулна.
Монголын дугуйн холбооны лицензтэй тамирчдын тэмцээнийг 2015 оны 11 дүгээр сарын 08-ны өдөр Ням гарагт 15-16 нас /9 км-3 тойрог/, 17-18 нас /12 км-4 тойрог/, 19-34 нас /15 км-5 тойрог/-ны ангиллаар, ахмадууд 35-45 нас /12 км-4 тойрог/, 46-55 нас /9 км-3 тойрог/, 55-аас дээш нас /9 км-3 тойрог/-ны ангилалд Үндэсний цэцэрлэгт хүрээлэнгийн дугуйн замаар тойргоор уралдана. Лицензтэй тамирчдын тэмцээнд зөвхөн засмал замын дугуйгаар оролцоно.
Оролцогчдын бүртгэл, дугаар олголт: Тэмцээнд оролцох иргэд тамирчдын бүртгэлийг 2015 оны 11 дүгээр сарын 04-ний өдрөөс эхлэн өдөр бүр 09:00-17:00 цагийн хооронд Нийслэлийн Биеийн тамир, спортын газрын байранд Монголын дугуйн холбооноос томилогдсон нарийн бичиг шүүгч хийнэ. Бүртгүүлэх хүүхдүүд төрсний гэрчилгээний лавлагаа /ТҮЦ машинаас/, иргэд ба тамирчид иргэний үнэмлэхтэйгээ ирж бүртгүүлнэ. “Дугуйн марафон”-д оролцогчдод зохион байгуулах хорооноос нэгдсэн пайз дугаарыг олгоно.
ДУГУЙН МАРАФОНЫ ГАРАА, БҮРТГЭЛИЙН ХУВААРЬ
2015.11.07 –ны Бямба гарагт
|
№ |
Насны ангилал |
Гарааны цаг |
Бүртгэлийн цаг |
|
Сонирхогчдын тэмцээнд: |
|||
|
3 – 4 нас |
12:00 |
10:00 – 12:00 |
|
|
5 – 6 нас |
12:30 |
||
|
7 – 8 нас |
13:00 |
||
|
9 – 10 нас |
13:30 |
||
|
11 – 12 нас |
14:00 |
||
|
13 – 14 нас |
14:30 |
||
|
15 – 16 нас |
15:00 |
13:00 – 15:00 |
|
|
17 – 18 нас |
16:00 |
||
2015.11.08 –ны Ням гарагт
|
№ |
Насны ангилал |
Гарааны цаг |
Бүртгэлийн цаг |
|
Сонирхогчдын тэмцээнд: |
|||
|
19 – 39 нас |
11:00 |
09:00 – 10:00 |
|
|
40 – 49 нас |
12:00 |
||
|
50 – 59 нас |
13:30 |
11:00 – 13:00 |
|
|
60 – аас дээш |
14:00 |
||
|
Мэргэжлийн дугуйчдын тэмцээн: |
|||
|
15 – 16 нас |
14:30 |
13:00 – 14:00 |
|
|
46 – 55 нас |
|||
|
17 – 18 нас |
15:30 |
||
|
35 – 45 нас |
|||
|
19 – 34 нас |
16:30 |
||
“Дугуйн Марафон”-ы дүн, шагнал урамшуулал:
“Дугуйн марафон”-д оролцсон бүх оролцогчдод батламж олгоно. Сонирхогчдын дугуйн тэмцээн болон Монголын дугуйн холбооны лицензтэй тамирчдын тэмцээнд нас тус бүрт эмэгтэй, эрэгтэй төрөлд эхний 3 байр эзэлсэн тамирчдыг медаль, өргөмжлөл, мөнгөн шагналаар, 4-5 дугаар байр эзэлсэн тамирчдыг өргөмжлөл, дурсгалын зүйлээр шагнаж урамшуулна. “EXTREME Trial”-ын үзүүлбэрийн тэмцээнд эхний 3 байр эзэлсэн тамирчдыг медаль, өргөмжлөл, мөнгөн шагналаар, 4-5 дугаар байр эзэлсэн тамирчдыг өргөмжлөл, дурсгалын зүйлээр шагнаж урамшуулна.
Анхааруулах зүйл:
“Дугуйн Марафон”-д оролцогчид нь заавартай сайн танилцсан байх, заавал хамгаалалтын дуулга буюу касктай байх шаардлагатай. “Дугуйн Марафон”-д оролцогчид Зохион байгуулах хорооноос олгосон пайз дугаарыг барианд ортлоо салгаж гээхгүй байна.
НИЙСЛЭЛИЙН БИЕИЙН ТАМИР, СПОРТЫН ГАЗАР
