Нийслэлийн Засаг даргын нэрэмжит Ерөнхий боловсролын сургуулийн сурагчдын “Улаанбаатар лиг” сагсан бөмбөгийн XIII удаагийн шигшээ тэмцээний нээлт өнөдөөр буюу 2023 оны 03 дугаар сарын 03-ны өдөр Баянгол дүүргийн Биеийн тамир, спортын хорооны Спорт цогцолборт боллоо.
Шигшээ тэмцээнийг нээж Нийслэлийн Засаг даргын Тамгын газрын Нийгмийн бодлогын хэлтсийн дарга Б.Мөнгөншагай үг хэлэн, энэхүү тэмцээнд баг тамирчдаа амжилттай зохион байгуулж оролцуулсан Б.Чойдорж захиралтай Сонгинохайрхан дүүргийн “Өнөр” цогцолбор сургуулийн хамт олонд “Шилдгийн шилдэг сургууль”-ийн өргөмжлөл, “Нэг сая төгрөгийн батламж” гардуулан өглөө.
ᠨᠡᠶᠢᠰᠯᠡᠯ ᠦ᠋ᠨ ᠵᠠᠰᠠᠭ ᠳᠠᠷᠤᠭᠠ ᠶ᠋ᠢᠨ ᠨᠡᠷᠡᠮᠵᠢᠲᠦ ᠶᠡᠷᠦᠩᢈᠡᠢ ᠪᠣᠯᠪᠠᠰᠤᠷᠠᠯ ᠤ᠋ᠨ ᠰᠤᠷᠭᠠᠭᠤᠯᠢ ᠶ᠋ᠢᠨ ᠰᠤᠷᠤᠭᠴᠢᠳ ᠤ᠋ᠨ “ᠤᠯᠠᠭᠠᠨᠪᠠᠭᠠᠲᠤᠷ ᠯᠢᢉ” ᠰᠠᠭᠰᠤᠨ ᠪᠥᠮᠪᠦᢉᠡ ᠶ᠋ᠢᠨ XIII ᠤᠳᠠᠭᠠ ᠶ᠋ᠢᠨ ᠰᠢᢉᠰᠢᢉᠡ ᠲᠡᠮᠡᠴᠡᢉᠡᠨ ᠦ᠋ ᠨᠡᢉᠡᢉᠡᠯᠲᠡ ᠥᠨᠦᠳᠦ ᠪᠡᠷ ᠪᠤᠶᠤ ᠒᠐᠒᠓ ᠣᠨ ᠤ᠋ ᠐᠓ ᠳᠤᠭᠠᠷ ᠰᠠᠷᠠ ᠶ᠋ᠢᠨ ᠐᠓ ᠳ᠋ᠤᠭᠠᠷ ᠰᠠᠷᠠ ᠶ᠋ᠢᠨ ᠐᠓ ᠨ ᠤ᠋ ᠡᠳᠦᠷ ᠪᠠᠶᠠᠨᠭᠣᠣᠯ ᠳᠡᢉᠦᠷᢉᠡ ᠶ᠋ᠢᠨ ᠪᠡᠶᠡ ᠶ᠋ᠢᠨ ᠲᠠᠮᠢᠷ᠂ ᠰᠫᠤᠷᠲ᠋ ᠤᠨ ᠬᠣᠷᠢᠶᠠᠨ ᠤ᠋ ᠰᠫᠤᠷᠲ ᠴᠣᠭᠴᠠᠯᠠᠪᠤᠷᠢᠲᠤ ᠪᠣᠯᠤᠯᠤᠭᠠ᠃
ᠰᠢᢉᠰᠢᢉᠡ ᠲᠡᠮᠡᠴᠡᢉᠡᠨ ᠢ᠋ ᠨᠡᢉᠡᢉᠡᠵᠦ ᠨᠡᠶᠢᠰᠯᠡᠯ ᠦ᠋ᠨ ᠵᠠᠰᠠᠭ ᠳᠠᠷᠤᠭᠠ ᠶ᠋ᠢᠨ ᠲᠠᠮᠠᠭᠠ ᠶ᠋ᠢᠨ ᠭᠠᠵᠠᠷ ᠤ᠋ᠨ ᠨᠡᠶᠢᢉᠡᠮ ᠦ᠋ᠨ ᠪᠣᠳᠤᠯᠭᠠ ᠶ᠋ᠢᠨ ᢈᠡᠯᠲᠡᠰ ᠦ᠋ᠨ ᠳᠠᠷᠤᠭᠠ ᠪ᠃ᠮᠥᠩᢉᠦᠨᠱᠠᠭᠠ ᠦᢉᠡ ᢈᠡᠯᠡᠨ᠂ ᠡᠨᠡ ᢈᠦ ᠲᠡᠮᠡᠴᠡᢉᠡᠨ ᠳ᠋ᠦ ᠪᠠᠭ ᠲᠠᠮᠢᠷᠴᠢᠳ ᠢ᠋ᠶᠠᠨ ᠠᠮᠵᠢᠯᠲᠠᠲᠠᠢ ᠵᠣᢈᠢᠶᠠᠨ ᠪᠠᠶᠢᠭᠤᠯᠵᠤ ᠣᠷᠤᠯᠴᠠᠭᠤᠯᠤᠭᠰᠠᠨ ᠪ᠃ᠴᠣᠶᠢᠳᠤᠷᠵᠢ ᠵᠠᢈᠢᠷᠤᠯ ᠲᠠᠢ ᠰᠣᠩᢉᠢᠨᠠᠬᠠᠶᠢᠷᠬᠠᠨ ᠳᠡᢉᠦᠷᢉᠡ ᠶ᠋ᠢᠨ “ᠥᠨᠢᠷ” ᠴᠣᠭᠴᠠᠯᠠᠪᠤᠷᠢ ᠰᠤᠷᠭᠠᠭᠤᠯᠢ ᠶ᠋ᠢᠨ ᠬᠠᠮᠲᠤ ᠣᠯᠠᠨ ᠳ᠋ᠤ “ᠰᠢᠯᠢᠳᠡᢉ ᠦᠨ ᠰᠢᠯᠢᠳᠡᢉ ᠰᠤᠷᠭᠠᠭᠤᠯᠢ”᠆ ᠡᠶᠢᠨ ᠡᠷᢉᠦᠮᠵᠢᠯᠡᠯ᠂ “ᠨᠢᢉᠡ ᠰᠠᠶᠠ ᠲᠥᢉᠦᠷᠢᢉ ᠦᠨ ᠪᠠᠲᠤᠯᠠᠮᠵᠢ” ᠭᠠᠷᠳᠠᠭᠤᠯᠤᠨ ᠥᠷᠯᠦᢉᠡ᠃
Шигшээ тэмцээнд нийслэлийн 9 дүүргийн ерөнхий боловсролын 121 сургуулийн охид, хөвгүүдийн 6413 багийн 85000 мянга гаруй сурагчдаас шалгарсан 50 сургуулийн охид, хөвгүүдийн шилдэг 98 багийн 1178 сурагч өрсөлдөж байна.
Аэробик гимнастикийн Олон улсын хэмжээний мастер Б.Мөнх-Оргил дасгалжуулагчтай Монголын Спорт сонирхогч хөгжөөн дэмжигчдийн холбооны дэргэдэх “Light cheer” багийн охид нээлтэд оролцсон бүх хүмүүст үзүүлэх тоглолтоо хийж сонирхууллаа.
ᠰᠢᢉᠰᠢᢉᠡ ᠲᠡᠮᠡᠴᠡᢉᠡᠨ ᠳ᠋ᠦ ᠨᠡᠶᠢᠰᠯᠡᠯ ᠦ᠋ᠨ ᠙ ᠳᠡᢉᠦᠷᢉᠡ ᠶ᠋ᠢᠨ ᠶᠡᠷᠦᠩᢈᠡᠢ ᠪᠣᠯᠪᠠᠰᠤᠷᠠᠯ ᠤ᠋ᠨ ᠑᠒᠑ ᠰᠤᠷᠭᠠᠭᠤᠯᠢ ᠶ᠋ᠢᠨ ᠥᢈᠢᠳ᠂ ᢈᠥᠪᠡᢉᠦᠳ ᠦ᠋ᠨ ᠖᠔᠑᠓ ᠪᠠᠭ ᠤ᠋ᠨ ᠘᠕᠐᠐᠐ ᠮᠢᠩᠭᠠ ᠭᠠᠷᠤᠢ ᠰᠤᠷᠤᠭᠴᠢᠳ ᠠ᠋ᠴᠠ ᠰᠢᠯᠭᠠᠷᠠᠭᠰᠠᠨ ᠕᠐ ᠰᠤᠷᠭᠠᠭᠤᠯᠢ ᠶ᠋ᠢᠨ ᠥᢈᠢᠳ᠂ ᢈᠥᠪᠡᢉᠦᠳ ᠦ᠋ᠨ ᠰᠢᠯᠢᠳᠡᢉ ᠙᠘ ᠪᠠᠭ ᠤ᠋ᠨ ᠑᠑᠗᠘ ᠰᠤᠷᠤᠭᠴᠢ ᠥᠷᠢᠰᠦᠯᠳᠦᠵᠦ ᠪᠠᠶᠢᠨᠠ᠃
ᠠᠧᠷᠤᠪᠢᠻ ᢉᠢᠮᠨᠠᠰᠲ᠋ᠢᠭ ᠤ᠋ᠨ ᠣᠯᠠᠨ ᠤᠯᠤᠰ ᠤ᠋ᠨ ᢈᠡᠮᠵᠢᠶ ᠡᠨ ᠦ᠋ ᠮᠠᠰᠲ᠋ᠧᠷ ᠪ᠃ᠮᠥᠩᢈᠡ ᠣᠷᢉᠢᠯ ᠳᠠᠰᠬᠠᠯᠵᠢᠭᠤᠯᠤᠭᠴᠢ ᠲᠠᠢ ᠮᠣᠩᠭᠣᠯ ᠤ᠋ᠨ ᠰᠫᠤᠷᠲ ᠰᠣᠨᠢᠷᠬᠠᠭᠴᠢ ᢈᠥᢉᠵᠢᠶᠡᠨ ᠳᠡᠮᠵᠢᢉᠴᠢᠳ ᠦ᠋ᠨ ᠬᠣᠯᠪᠤᠭᠠᠨ ᠤ᠋ ᠳᠡᠷᢉᠡᠳᠡᢈᠢ “Light cheer” ᠪᠠᠭ ᠤ᠋ᠨ ᠥᢈᠢᠳ ᠨᠡᢉᠡᢉᠡᠯᠲᠡ ᠳ᠋ᠦ ᠣᠷᠤᠯᠴᠠᠭᠰᠠᠨ ᠪᠦᢈᠦ ᢈᠦᠮᠦᠰ ᠲᠦ ᠦᠵᠡᢉᠦᠯᢈᠦ ᠲᠣᠭᠯᠠᠯᠲᠠ ᠪᠠᠨ ᢈᠢᠵᠦ ᠰᠣᠨᠢᠷᠬᠠᠭᠤᠯᠤᠯᠠ᠃
Мөн энэхүү удаагийн тэмцээнийг зохион байгуулахад ETI “И-ТИ-АЙ” компани бүтээгдэхүүнээ танилцуулан хамтрагч байгууллагаар оролцож байна. ᠮᠥᠨ ᠡᠨᠡ ᢈᠦ ᠤᠳᠠᠭᠠ ᠶ᠋ᠢᠨ ᠲᠡᠮᠡᠴᠡᢉᠡᠨ ᠢ᠋ ᠵᠣᢈᠢᠶᠠᠨ ᠪᠠᠶᠢᠭᠤᠯᠬᠤ ᠳ᠋ᠤ ETI “ᠢ᠆ᠲᠢᠢ ᠠᠢ” ᠻᠣᠮᠫᠠᠨᠢ ᠪᠦᠲᠦᢉᠡᢉᠳᠡᢈᠦᠨ ᠢ᠋ᠶᠡᠨ ᠲᠠᠨᠢᠯᠴᠠᠭᠤᠯᠤᠨ ᠬᠠᠮᠲᠤᠷᠠᠭᠴᠢ ᠪᠠᠶᠢᠭᠤᠯᠤᠯᠭᠠ ᠪᠠᠷ ᠣᠷᠤᠯᠴᠠᠵᠤ ᠪᠠᠶᠢᠨᠠ᠃
