Нийслэлийн Засаг даргын нэрэмжит ерөнхий боловсролын сургуулийн сурагчдын “Улаанбаатар лиг” сагсан бөмбөгийн XIII удаагийн тэмцээнийг Нийслэлийн Засаг даргын Тамгын газар, Нийслэлийн Биеийн тамир, спортын газар, Нийслэлийн Боловсролын газар, ОХУ-ын Школьная баскетбольная лига “КЭС-БАСКЕТ” Төрийн бус байгууллага, Монголын Спортын шүүгчдийн холбоотой хамтран 2022 оны 12 дугаар сарын 01-нээс 2023 оны 03 дугаар сарын 07-ны хооронд 3 насны ангилалаар, 4 үе шаттай амжилттай зохион байгууллаа.
ᠨᠡᠶᠢᠰᠯᠡᠯ ᠦ᠋ᠨ ᠵᠠᠰᠠᠭ ᠳᠠᠷᠤᠭᠠ ᠶ᠋ᠢᠨ ᠨᠡᠷᠡᠮᠵᠢᠲᠦ ᠶᠡᠷᠦᠩᢈᠡᠢ ᠪᠣᠯᠪᠠᠰᠤᠷᠠᠯ ᠤ᠋ᠨ ᠰᠤᠷᠭᠠᠭᠤᠯᠢ ᠶ᠋ᠢᠨ ᠰᠤᠷᠤᠭᠴᠢᠳ ᠤ᠋ᠨ “ᠤᠯᠠᠭᠠᠨᠪᠠᠭᠠᠲᠤᠷ ᠯᠢᢉ” ᠰᠠᠭᠰᠤᠨ ᠪᠥᠮᠪᠦᢉᠡ ᠶ᠋ᠢᠨ XIII ᠤᠳᠠᠭᠠ ᠶ᠋ᠢᠨ ᠲᠡᠮᠡᠴᠡᢉᠡᠨ ᠢ᠋ ᠨᠡᠶᠢᠰᠯᠡᠯ ᠦ᠋ᠨ ᠵᠠᠰᠠᠭ ᠳᠠᠷᠤᠭᠠ ᠶ᠋ᠢᠨ ᠲᠠᠮᠠᠭᠠ ᠶ᠋ᠢᠨ ᠭᠠᠵᠠᠷ᠂ ᠨᠡᠶᠢᠰᠯᠡᠯ ᠦ᠋ᠨ ᠪᠡᠶᠡ ᠶ᠋ᠢᠨ ᠲᠠᠮᠢᠷ᠂ ᠰᠫᠤᠷᠲ ᠤ᠋ᠨ ᠭᠠᠵᠠᠷ᠂ ᠨᠡᠶᠢᠰᠯᠡᠯ ᠦ᠋ᠨ ᠪᠣᠯᠪᠠᠰᠤᠷᠠᠯ ᠤ᠋ᠨ ᠭᠠᠵᠠᠷ᠂ ᠣᠬᠤ ᠶ᠋ᠢᠨ ᠱᠻᠣᠯᠢᠨᠠᠶᠠ ᠪᠠᠰᠻᠧᠲ᠋ᠪᠤᠯᠢᠨᠠᠶᠠ ᠯᠢᠭᠠ “ᠻᠧᠰ᠆ᠪᠠᠰᠻᠧᠲ” ᠲᠥᠷᠦ ᠶ᠋ᠢᠨ ᠪᠤᠰᠤ ᠪᠠᠶᠢᠭᠤᠯᠤᠯᠭᠠ᠂ ᠮᠣᠩᠭᠣᠯ ᠤ᠋ᠨ ᠰᠫᠤᠷᠲ ᠤ᠋ᠨ ᠰᠢᢉᠦᢉᠴᠢᠳ ᠦ᠋ᠨ ᠬᠣᠯᠪᠤᠭᠠ ᠲᠠᠢ ᠬᠠᠮᠲᠤᠷᠠᠨ ᠒᠐᠒᠒ ᠣᠨ ᠤ᠋ ᠑᠒ ᠳ᠋ᠤᠭᠠᠷ ᠰᠠᠷᠠ ᠶ᠋ᠢᠨ ᠐᠑᠆ ᠡᠴᠡ ᠒᠐᠒᠓ ᠣᠨ ᠤ᠋ ᠐᠓ ᠳ᠋ᠤᠭᠠᠷ ᠰᠠᠷᠠ ᠶ᠋ᠢᠨ ᠐᠗᠆ ᠶ᠋ᠢᠨ ᠬᠣᠭᠤᠷᠤᠨᠳᠤ ᠓ ᠨᠠᠰᠤᠨ ᠤ᠋ ᠠᠩᢉᠢᠯᠠᠯ ᠢ᠋ᠶᠠᠷ᠂ ᠔ ᠦᠶᠡ ᠱᠠᠲᠤ ᠲᠠᠢ ᠠᠮᠵᠢᠯᠲᠠᠲᠠᠢ ᠵᠣᢈᠢᠶᠠᠨ ᠪᠠᠶᠢᠭᠤᠯᠤᠯᠠ᠃
Бага, дунд, ахлах насны ангилалаар нийслэлийн 9 дүүргийн ерөнхий боловсролын 121 сургуулийн охид, хөвгүүдийн 6413 багийн 85000 мянга гаруй сурагч оролцлоо. 2023 оны 03 дугаар сарын 02-07-ны өдрүүдэд зохион байгуулагдсан нийслэлийн шатанд бага, дунд, ахлах насны шилдэг нийт 50 сургуулийн 98 багийн 1178 сурагч – тамирчин өрсөлдлөө.
Хаалтын ажиллагааны үеэр нийслэлийн шигшээ тэмцээнийг хамтран зохион байгуулагч ETI “И-ТИ-АЙ” компани өөрийн нэрэмжит 3.н онооны шидэлтийг зохион байгуулж 32 хүүхэд оролцож, шалгарсан 2 хүүхдийг нэрийн бүтээгдэхүүнээрээ шагнаж урамшууллаа.
ᠪᠠᠭᠠ᠂ ᠳᠤᠮᠳᠠ᠂ ᠠᠬᠠᠯᠠᠬᠤ ᠨᠠᠰᠤᠨ ᠤ᠋ ᠠᠩᢉᠢᠯᠠᠯ ᠢ᠋ᠶᠠᠷ ᠨᠡᠶᠢᠰᠯᠡᠯ ᠦ᠋ᠨ ᠙ ᠳᠡᢉᠦᠷᢉᠡ ᠶ᠋ᠢᠨ ᠶᠡᠷᠦᠩᢈᠡᠢ ᠪᠣᠯᠪᠠᠰᠤᠷᠠᠯ ᠤ᠋ᠨ ᠑᠒᠑ ᠰᠤᠷᠭᠠᠭᠤᠯᠢ ᠶ᠋ᠢᠨ ᠥᢈᠢᠳ᠂ ᢈᠥᠪᠡᢉᠦᠳ ᠦ᠋ᠨ ᠖᠔᠑᠓ ᠪᠠᠭ ᠤ᠋ᠨ ᠘᠕᠐᠐᠐ ᠮᠢᠩᠭᠠ ᠭᠠᠷᠤᠢ ᠰᠤᠷᠤᠭᠴᠢ ᠣᠷᠤᠯᠴᠠᠯᠠ᠃ ᠒᠐᠒᠓ ᠣᠨ ᠤ᠋ ᠐᠓ ᠳ᠋ᠤᠭᠠᠷ ᠰᠠᠷᠠ ᠶ᠋ᠢᠨ ᠐᠒᠆ ᠆ ᠐᠗ᠶ ᠤ᠋ᠨ ᠡᠳᠦᠷ ᠦ᠋ᠳ ᠲᠦ ᠵᠣᢈᠢᠶᠠᠨ ᠪᠠᠶᠢᠭᠤᠯᠤᠭᠳᠠᠭᠰᠠᠨ ᠨᠡᠶᠢᠰᠯᠡᠯ ᠦ᠋ᠨ ᠱᠠᠲᠤᠨ ᠳ᠋ᠤ ᠪᠠᠭᠠ᠂ ᠳᠤᠮᠳᠠ᠂ ᠠᠬᠠᠯᠠᠬᠤ ᠨᠠᠰᠤᠨ ᠤ᠋ ᠰᠢᠯᠢᠳᠡᢉ ᠨᠡᠶᠢᠲᠡ ᠕᠐ ᠰᠤᠷᠭᠠᠭᠤᠯᠢ ᠶ᠋ᠢᠨ ᠙᠘ ᠪᠠᠭ ᠤ᠋ᠨ ᠑᠑᠗᠘ ᠰᠤᠷᠤᠭᠴᠢ – ᠲᠠᠮᠢᠷᠴᠢᠨ ᠥᠷᠢᠰᠦᠯᠳᠦᠯᠡ᠃
ᠬᠠᠭᠠᠯᠲᠠ ᠶ᠋ᠢᠨ ᠠᠵᠢᠯᠯᠠᠭᠠᠨ ᠤ᠋ ᠦᠶᠡ ᠪᠡᠷ ᠨᠡᠶᠢᠰᠯᠡᠯ ᠦ᠋ᠨ ᠰᠢᢉᠰᠢᢉᠡ ᠲᠡᠮᠡᠴᠡᢉᠡᠨ ᠢ᠋ ᠬᠠᠮᠲᠤᠷᠠᠨ ᠵᠣᢈᠢᠶᠠᠨ ᠪᠠᠶᠢᠭᠤᠯᠤᠭᠴᠢ ETI “ᠢ᠆ᠲᠢᠢ ᠠᠢ” ᠻᠣᠮᠫᠠᠨᠢ ᠥᠪᠡᠷ ᠦ᠋ᠨ ᠨᠡᠷᠡᠮᠵᠢᠲᠦ ᠓᠃ᠨ ᠣᠨᠤᠭᠠᠨ ᠤ᠋ ᠰᠢᠳᠡᠯᠲᠡ ᠶ᠋ᠢ ᠵᠣᢈᠢᠶᠠᠨ ᠪᠠᠶᠢᠭᠤᠯᠵᠤ ᠓᠒ ᢈᠡᠦᢈᠡᠳ ᠣᠷᠤᠯᠴᠠᠵᠤ᠂ ᠰᠢᠯᠭᠠᠷᠠᠭᠰᠠᠨ ᠒ ᢈᠡᠦᢈᠡᠳ ᠢ᠋ ᠨᠡᠷᠡ ᠶ᠋ᠢᠨ ᠪᠦᠲᠦᢉᠡᢉᠳᠡᢈᠦᠨ ᠢ᠋ᠶᠡᠷ ᠢ᠋ᠶᠡᠨ ᠱᠠᠩᠨᠠᠵᠤ ᠤᠷᠮᠠᠰᠢᠭᠤᠯᠤᠯ ᠢ᠋ᠶᠠᠨ᠃
Бага насны охидын ангилалд:
1-р байрт: Б.Батзаяа багштай Баянзүрх дүүргийн 84 дүгээр сургууль,
2-р байрт: Д.Оюунтунгалаг багштай Сонгинохайрхан дүүргийн “Логарифт” 151 дүгээр сургууль,
3-р байрт: Г.Азбаяр багштай Сонгинохайрхан дүүргийн “Өнөр” цогцолбор сургууль,
4-р байрт: С.Ганболор багштай Баянзүрх дүүргийн 33 дугаар сургуулийн баг,
“Шилдэг тоглогч”-оор Баянзүрх дүүргийн 84 дүгээр сургуулийн сурагч Э.Есүгэн,
“Шилдэг багш”-аар Баянзүрх дүүргийн 84 дүгээр сургуулийн багш Б.Батзаяа
Бага насны хөвгүүдийн ангилалд:
1-р байрт: Б.Дэлэг багштай Сүхбаатар дүүргийн Монгол 3 дугаар сургууль,
2-р байрт: Д.Эрдэнэ-Очир багштай Баянзүрх дүүргийн 3 дугаар сургууль,
3-р байрт: Ц.Мөнгөнцоож багштай Чингэлтэй дүүргийн 117 дугаар сургууль,
4-р байрт: Ё.Батболд багштай Налайх дүүргийн 119 дүгээр сургуулийн баг,
“Шилдэг тоглогч”-оор Сүхбаатар дүүргийн 3 дугаар сургуулийн сурагч А.Тэнүүн,
“Шилдэг багш”-аар Сүхбаатар дүүргийн 3 дугаар сургуулийн багш Б.Дэлэг
Дунд насны охидын ангилалд:
1-р байрт: С.Үнэнбат багштай Чингэлтэй дүүргийн 117-р сургууль,
2-р байрт: Э.Болорцэцэг багштай Баянзүрх дүүргийн 33-р сургууль,
3-р байрт: Б. Ариунболд багштай Сүхбаатар дүүргийн 31-р сургууль,
4-р байрт: Д.Эрдэнэсүх багштай Сонгинохайрхан дүүргийн “Хөгжил” цогцолбор сургуулийн баг
“Шилдэг тоглогч”-оор Чингэлтэй дүүргийн 117-р сургуулийн сурагч М.Соёл-Эрдэнэ,
“Шилдэг багш”-аар Чингэлтэй дүүргийн 117-р сургуулийн багш С.Үнэнбат
Дунд насны хөвгүүдийн ангилалд:
1-р байрт: Э.Оргил багштай Налайх дүүргийн 119 дүгээр сургууль,
2-р байрт: О.Дэмбэрэлням багштай Сонгинохайрхан дүүргийн “Ирээдүй” цогцолбор сургууль,
3-р байрт: Н.Шижирбат багштай Баянзүрх дүүргийн 33 дугаар сургууль,
4-р байрт: Б.Балжинням багштай Баянгол дүүргийн “Монгени” сургуулийн баг,
“Шилдэг тоглогч”-оор Налайх дүүргийн 119 дүгээр сургуулийн сураг Б.Бат-Ирээдүй, “Шилдэг багш”-аар Налайх дүүргийн 119 дүгээр сургуулийн багш Э.Оргил
Ахлах насны охидын ангилалд:
1-р байрт: С.Үнэнбат багштай Чингэлтэй дүүргийн 117 дугаар сургууль,
2-р байрт: Ж.Мөнхтөгс багштай Сүхбаатар дүүргийн 1 дүгээр сургууль,
3-р байрт: Л.Одонхүү багштай Баянзүрх дүүргийн 84 дүгээр сургууль,
4-р байрт: Э.Болорцэцэг багштай дүүргийн 33 дугаар сургуулийн баг
“Шилдэг тоглогч”-оор Чингэлтэй дүүргийн 117 дугаар сургуулийн сурагч Н.Номинзаяа,
“Шилдэг багш”-аар Баянзүрх дүүргийн 33 дугаар сургуулийн багш Э.Болорцэцэг
Ахлах насны хөвгүүдийн ангилалд:
1-р байрт: О.Мөнгөнцэцэг багштай Сүхбаатар дүүргийн 3 дугаар сургууль
2-р байрт: Д.Отгонжаргал багштай Баянзүрх дүүргийн 84 дүгээр сургууль
3-р байрт: Г.Ундрах багштай Сүхбаатар дүүргийн “Логарифм” сургууль
4-р байрт: Ц.Батхүү багштай Сонгинохайрхан дүүргийн “Хөгжил” цогцолбор сургууль
“Шилдэг тоглогч”-оор Сүхбаатар дүүргийн 3 дугаар сургуулийн сурагч Б.Мөнхням,
“Шилдэг багш”-аар Баянзүрх дүүргийн 84 дүгээр сургуулийн багш Д.Отгонжаргал нар тус тус шалгарч, цом, медаль, өргөмжлөл, мөнгөн шагналын эзэд болсон.
