Монгол Улсын “Биеийн тамир, спортын тухай” хууль, Нийслэлийг хөгжүүлэх 2021-2025 онд хөгжүүлэх таван жилийн үндсэн чиглэл, Нийслэлийн Засаг дарга бөгөөд Улаанбаатар хотын захирагчийн 2020-2024 оны үйл ажиллагааны хөтөлбөр, үндсэн чиглэлийг хэрэгжүүлэх зорилгоор Сургуулийн өмнөх боловсролын байгууллагын биеийн тамирын багш, арга зүйчдэд зориулсан сургалтыг 2023 оны 03 дугаар сарын 21-23-ны өдрүүдэд Нийслэлийн Засаг захиргааны V байрны “Иргэний танхим”, Баянгол, Чингэлтэй дүүргийн Биеийн тамир, спортын хорооны спорт цогцолборт тус тус зохион байгууллаа.
ᠮᠣᠩᠭᠤᠯ ᠤᠯᠤᠰ ᠤ᠋ᠨ “ᠪᠡᠶᠡ ᠶ᠋ᠢᠨ ᠲᠠᠮᠢᠷ᠂ ᠰᠫᠤᠷᠲ᠋ ᠤᠨ ᠲᠤᠬᠠᠢ” ᠬᠠᠤᠯᠢ᠂ ᠨᠡᠶᠢᠰᠯᠡᠯ ᠢ᠋ ᢈᠥᢉᠵᠢᢉᠦᠯᢈᠦ ᠒᠐᠒᠑᠆ ᠒᠐᠒᠕ ᠣᠨ ᠳ᠋ᠤ ᢈᠥᢉᠵᠢᢉᠦᠯᢈᠦ ᠲᠠᠪᠤᠨ ᠵᠢᠯ ᠦ᠋ᠨ ᠦᠨᠳᠦᠰᠦᠨ ᠴᠢᢉᠯᠡᠯ᠂ ᠨᠡᠶᠢᠰᠯᠡᠯ ᠦ᠋ᠨ ᠵᠠᠰᠠᠭ ᠳᠠᠷᠤᠭᠠ ᠪᠥᢉᠡᠳ ᠤᠯᠠᠭᠠᠨᠪᠠᠭᠠᠲᠤᠷ ᠬᠣᠲᠠ ᠶ᠋ᠢᠨ ᠵᠠᢈᠢᠷᠤᠭᠴᠢ ᠶ᠋ᠢᠨ ᠒᠐᠒᠐᠒᠒᠐᠒᠔ ᠣᠨ ᠤ᠋ ᠦᠶᠢᠯᠡ ᠠᠵᠢᠯᠯᠠᠭᠠᠨ ᠤ᠋ ᢈᠥᠲᠦᠯᠪᠦᠷᠢ᠂ ᠦᠨᠳᠦᠰᠦᠨ ᠴᠢᢉᠯᠡᠯ ᠢ᠋ ᢈᠡᠷᠡᢉᠵᠢᢉᠦᠯᢈᠦ ᠵᠣᠷᠢᠯᠭᠠ ᠪᠠᠷ ᠰᠤᠷᠭᠠᠭᠤᠯᠢ ᠶ᠋ᠢᠨ ᠡᠮᠦᠨᠡᢈᠢ ᠪᠣᠯᠪᠠᠰᠤᠷᠠᠯ ᠤ᠋ᠨ ᠪᠠᠶᠢᠭᠤᠯᠤᠯᠭᠠ ᠶ᠋ᠢᠨ ᠪᠡᠶᠡ ᠶ᠋ᠢᠨ ᠲᠠᠮᠢᠷ ᠤ᠋ᠨ ᠪᠠᠭᠰᠢ᠂ ᠠᠷᠭᠠ ᠵᠦᠶᠢᠴᠢᠳ ᠲᠦ ᠵᠣᠷᠢᠭᠤᠯᠤᠭᠰᠠᠨ ᠰᠤᠷᠭᠠᠯᠲᠠ ᠶ᠋ᠢ ᠒᠐᠒᠓ ᠣᠨ ᠤ᠋ ᠐᠓ ᠳᠤᠭᠠᠷ ᠰᠠᠷᠠ ᠶ᠋ᠢᠨ ᠒᠑ ᠒᠓ ᠨ ᠤ᠋ ᠡᠳᠦᠷ ᠦ᠋ᠳ ᠲᠦ ᠨᠡᠶᠢᠰᠯᠡᠯ ᠦ᠋ᠨ ᠵᠠᠰᠠᠭ ᠵᠠᢈᠢᠷᠭᠠᠨ ᠤ᠋ V ᠪᠠᠶᠢᠷᠢᠨ ᠤ᠋ “ᠢᠷᢉᠡᠨ ᠦ᠋ ᠲᠠᠩᢈᠢᠮ”᠂᠂ ᠪᠠᠶᠠᠨᠭᠣᠣᠯ᠂ ᠴᠢᠩᢉᠢᠯᠲᠡᠢ ᠳᠡᢉᠦᠷᢉᠡ ᠶ᠋ᠢᠨ ᠪᠡᠶᠡ ᠶ᠋ᠢᠨ ᠲᠠᠮᠢᠷ᠂ ᠰᠫᠤᠷᠲ᠋ ᠤᠨ ᠬᠣᠷᠢᠶᠠᠨ ᠤ᠋ ᠰᠫᠤᠷᠲ ᠴᠣᠭᠴᠠᠯᠠᠪᠤᠷᠢ ᠳ᠋ᠤ ᠲᠤᠰ ᠲᠤᠰ ᠵᠣᢈᠢᠶᠠᠨ ᠪᠠᠶᠢᠭᠤᠯᠤᠯᠠ᠃
Сургалтад Нийслэлийн 9 дүүргийн 250 цэцэрлэгийн 380 биеийн тамирын багш, арга зүйчид хамрагдлаа.
ОНОЛЫН ХИЧЭЭЛ
Хөтөлбөр ёсоор сургалтыг Нийслэлийн Биеийн тамир, спортын газрын Спорт, нийтийн биеийн тамирын хэлтсийн ахлах мэргэжилтэн Э.Мөнх-Эрдэнэ “Нийслэлийн Биеийн тамир, спортын газраас 2023 онд зохион байгуулах арга хэмжээний танилцуулга”, “Улаанбаатар-2023” зүүн азийн залуучуудын наадмыг зохион байгуулах хороо ХХК-ний ахлах мэргэжилтэн З.Сүхчулуун “Улаанбаатар 2023” Зүүн Азийн Залуучуудын наадмын танилцуулга”, Монголын Гимнастикийн холбооноос томилогдсон багш Б.Болормаа “Уран сайхны гимнаскийн хот, улсын аварга шалгаруулах тэмцээний заавал хийх дасгалын танилцуулга”, Монголын Гимнастикийн холбооноос томилогдсон багш Д.Түмэнтөгс, Ж.Чулуунцэцэг нар “Цэцэрлэгийн хүүхдийн Уран хөдөлгөөнт гимнастикийн тэмцээний заавал хийх дасгалын талаар мэдээлэл өгсөн.
ᠰᠤᠷᠭᠠᠯᠲᠠ ᠳ᠋ᠤ ᠨᠡᠶᠢᠰᠯᠡᠯ ᠦ᠋ᠨ ᠙ ᠳᠡᢉᠦᠷᢉᠡ ᠶ᠋ᠢᠨ ᠒᠕᠐ ᠴᠡᠴᠡᠷᠯᠢᢉ ᠦᠨ ᠓᠘᠐ ᠪᠡᠶᠡ ᠶ᠋ᠢᠨ ᠲᠠᠮᠢᠷ ᠤ᠋ᠨ ᠪᠠᠭᠰᠢ᠂ ᠠᠷᠭᠠ ᠵᠦᠶᠢᠴᠢᠳ ᠬᠠᠮᠤᠷᠤᠭᠳᠠᠯᠠ᠃
ᠣᠨᠤᠯ ᠤ᠋ᠨ ᢈᠢᠴᠢᠶᠡᠯ
ᢈᠥᠲᠦᠯᠪᠦᠷᠢ ᠶᠣᠰᠤᠭᠠᠷ ᠰᠤᠷᠭᠠᠯᠲᠠ ᠶ᠋ᠢ ᠨᠡᠶᠢᠰᠯᠡᠯ ᠦ᠋ᠨ ᠪᠡᠶᠡ ᠶ᠋ᠢᠨ ᠲᠠᠮᠢᠷ᠂ ᠰᠫᠤᠷᠲ᠋ ᠤᠨ ᠭᠠᠵᠠᠷ ᠤ᠋ᠨ ᠰᠫᠤᠷᠲ᠂ ᠨᠡᠶᠢᠲᠡ ᠶ᠋ᠢᠨ ᠪᠡᠶᠡ ᠶ᠋ᠢᠨ ᠲᠠᠮᠢᠷ ᠤ᠋ᠨ ᢈᠡᠯᠲᠡᠰ ᠦ᠋ᠨ ᠠᠬᠠᠯᠠᠬᠤ ᠮᠡᠷᢉᠡᠵᠢᠯᠲᠡᠨ ᠡ᠃ᠮᠥᠩᢈᠡ ᠡᠷᠳᠡᠨᠢ “ᠨᠡᠶᠢᠰᠯᠡᠯ ᠦ᠋ᠨ ᠪᠡᠶᠡ ᠶ᠋ᠢᠨ ᠲᠠᠮᠢᠷ᠂ ᠰᠫᠤᠷᠲ᠋ ᠤᠨ ᠭᠠᠵᠠᠷ ᠠ᠋ᠴᠠ ᠒᠐᠒᠓ ᠣᠨ ᠳ᠋ᠤ ᠵᠣᢈᠢᠶᠠᠨ ᠪᠠᠶᠢᠭᠤᠯᠬᠤ ᠠᠷᠭᠠ ᢈᠡᠮᠵᠢᠶ ᠡᠨ ᠦ᠋ ᠲᠠᠨᠢᠯᠴᠠᠭᠤᠯᠭ ᠠ᠋”᠂ᠹ᠂ “ᠤᠯᠠᠭᠠᠨᠪᠠᠭᠠᠲᠤᠷ ᠒᠐᠒᠓” ᠵᠡᢉᠦᠨ ᠠᠽᠢ ᠶ᠋ᠢᠨ ᠵᠠᠯᠠᠭᠤᠴᠤᠤᠯ ᠤ᠋ᠨ ᠨᠠᠭᠠᠳᠤᠮ ᠢ᠋ ᠵᠣᢈᠢᠶᠠᠨ ᠪᠠᠶᠢᠭᠤᠯᠬᠤ ᠬᠣᠷᠢᠶᠠ ᢈᠢᠻᠠᠭ ᠤ᠋ᠨ ᠠᠬᠠᠯᠠᠬᠤ ᠮᠡᠷᢉᠡᠵᠢᠯᠲᠡᠨ ᠵᠠ᠃ᠰᠦᢈᠡᠴᠢᠯᠠᠭᠤᠨ “ᠤᠯᠠᠭᠠᠨᠪᠠᠭᠠᠲᠤᠷ ᠒᠐᠒᠓” ᠵᠡᢉᠦᠨ ᠠᠽᠢ ᠶ᠋ᠢᠨ ᠵᠠᠯᠠᠭᠤᠴᠤᠤᠯ ᠤ᠋ᠨ ᠨᠠᠭᠠᠳᠤᠮ ᠤ᠋ᠨ ᠲᠠᠨᠢᠯᠴᠠᠭᠤᠯᠭ ᠠ᠋”ᠫ᠂ ᠮᠣᠩᠭᠣᠯ ᠤ᠋ᠨ ᢉᠢᠮᠨᠠᠰᠲ᠋ᠢᠭ ᠤ᠋ᠨ ᠬᠣᠯᠪᠤᠭᠠᠨ ᠠ᠋ᠴᠠ ᠲᠣᠮᠢᠯᠠᠭᠳᠠᠭᠰᠠᠨ ᠪᠠᠭᠰᠢ ᠪ᠃ᠪᠣᠯᠤᠷᠮᠠ “ᠤᠷᠠᠨ ᠰᠠᠶᠢᠬᠠᠨ ᠤ᠋ ᢉᠢᠮᠨᠠᠰᠻ ᠤ᠋ᠨ ᠬᠣᠲᠠ᠂ ᠤᠯᠤᠰ ᠤ᠋ᠨ ᠠᠪᠤᠷᠭᠤ ᠰᠢᠯᠭᠠᠷᠠᠭᠤᠯᠬᠤ ᠲᠡᠮᠡᠴᠡᢉᠡᠨ ᠦ᠋ ᠵᠠᠪᠠᠯ ᢈᠢᢈᠦ ᠳᠠᠰᠬᠠᠯ ᠤ᠋ᠨ ᠲᠠᠨᠢᠯᠴᠠᠭᠤᠯᠭ ᠠ᠋”ᠫᠠ᠂ ᠮᠣᠩᠭᠣᠯ ᠤ᠋ᠨ ᢉᠢᠮᠨᠠᠰᠲ᠋ᠢᠭ ᠤ᠋ᠨ ᠬᠣᠯᠪᠤᠭᠠᠨ ᠠ᠋ᠴᠠ ᠲᠣᠮᠢᠯᠠᠭᠳᠠᠭᠰᠠᠨ ᠪᠠᠭᠰᠢ ᠳᠠ᠃ᠲᠦᠮᠡᠨᠲᠡᢉᠦᠰ᠂ ᠵᠤ᠃ᠴᠢᠯᠠᠭᠤᠨᠴᠡᠴᠡᢉ ᠨᠠᠷᠠ “ᠴᠡᠴᠡᠷᠯᠢᢉ ᠦᠨ ᢈᠡᠦᢈᠡᠳ ᠦ᠋ᠨ ᠤᠷᠠᠨ ᢈᠥᠳᠡᠯᢉᠡᢉᠡᠨᠲᠦ ᢉᠢᠮᠨᠠᠰᠲ᠋ᠢᠭ ᠤ᠋ᠨ ᠲᠡᠮᠡᠴᠡᢉᠡᠨ ᠦ᠋ ᠵᠠᠪᠠᠯ ᢈᠢᢈᠦ ᠳᠠᠰᠬᠠᠯ ᠤ᠋ᠨ ᠲᠠᠯᠠᠭᠠᠷ ᠮᠡᠳᠡᢉᠡᠯᠡᠯ ᠥᢉᢉᠦᢉᠰᠡᠨ᠃
ДАДЛАГА ХИЧЭЭЛ
Цэцэрлэгийн хүүхдийн уран хөдөлгөөнт гимнастикийн заавал эзэмших дасгалыг Нийслэлийн Биеийн тамир, спортын газар, Монголын Гимнастикийн холбоотой хамтран 2023 онд шинэчлэн боловсруулж, Монголын гимнастикийн холбооноос томилогдсон багш Д.Түмэнтөгс, Ж.Чулуунцэцэг нар 22 цагийн дадлага хичээл зааж, сургалт семинарт оролцсон багш, арга зүйчдэд бага насны хүүхдийн бие бялдрын хүмүүжлийн ажлыг зохион байгуулах заавар зөвлөгөө өглөө.
ᠳᠠᠳᠤᠯᠭᠠ ᢈᠢᠴᠢᠶᠡᠯ
ᠴᠡᠴᠡᠷᠯᠢᢉ ᠦᠨ ᢈᠡᠦᢈᠡᠳ ᠦ᠋ᠨ ᠤᠷᠠᠨ ᢈᠥᠳᠡᠯᢉᠡᢉᠡᠨᠲᠦ ᢉᠢᠮᠨᠠᠰᠲ᠋ᠢᠭ ᠤ᠋ᠨ ᠵᠠᠪᠠᠯ ᠡᠵᠡᠮᠰᠢᢈᠦ ᠳᠠᠰᠬᠠᠯ ᠢ᠋ ᠨᠡᠶᠢᠰᠯᠡᠯ ᠦ᠋ᠨ ᠪᠡᠶᠡ ᠶ᠋ᠢᠨ ᠲᠠᠮᠢᠷ᠂ ᠰᠫᠤᠷᠲ᠋ ᠤᠨ ᠭᠠᠵᠠᠷ᠂ ᠮᠣᠩᠭᠣᠯ ᠤ᠋ᠨ ᢉᠢᠮᠨᠠᠰᠲ᠋ᠢᠭ ᠤ᠋ᠨ ᠬᠣᠯᠪᠤᠭᠠᠲᠠᠢ ᠬᠠᠮᠲᠤᠷᠠᠨ ᠒᠐᠒᠓ ᠣᠨ ᠳ᠋ᠤ ᠰᠢᠨᠡᠴᠢᠯᠡᠨ ᠪᠣᠯᠪᠠᠰᠤᠷᠠᠭᠤᠯᠵᠤ᠂ ᠮᠣᠩᠭᠤᠯ ᠤ᠋ᠨ ᢉᠢᠮᠨᠠᠰᠲ᠋ᠢᠭ ᠤ᠋ᠨ ᠬᠣᠯᠪᠤᠭᠠᠨ ᠠ᠋ᠴᠠ ᠲᠣᠮᠢᠯᠠᠭᠳᠠᠭᠰᠠᠨ ᠪᠠᠭᠰᠢ ᠳᠠ᠃ᠲᠦᠮᠡᠨᠲᠡᢉᠦᠰ᠂ ᠵᠤ᠃ᠴᠢᠯᠠᠭᠤᠨᠴᠡᠴᠡᢉ ᠨᠠᠷᠠ ᠒᠒ ᠴᠠᠭ ᠤ᠋ᠨ ᠳᠠᠳᠤᠯᠭᠠ ᢈᠢᠴᠢᠶᠡᠯ ᠵᠢᠭᠠᠵᠤ᠂ ᠰᠤᠷᠭᠠᠯᠲᠠ ᠰᠧᠮᠢᠨᠠᠷ ᠲᠤ ᠣᠷᠤᠯᠴᠠᠭᠰᠠᠨ ᠪᠠᠭᠰᠢ᠂ ᠠᠷᠭᠠ ᠵᠦᠶᠢᠴᠢᠳ ᠲᠦ ᠪᠠᠭ ᠠ᠋ ᠨᠠᠰᠤᠨ ᠤ᠋ ᢈᠡᠦᢈᠡᠳ ᠦ᠋ᠨ ᠪᠡᠶᠡ ᠪᠢᠯᠳᠠᠷ ᠤ᠋ᠨ ᢈᠦᠮᠦᠵᠢᠯ ᠦ᠋ᠨ ᠠᠵᠢᠯ ᠢ᠋ ᠵᠣᢈᠢᠶᠠᠨ ᠪᠠᠶᠢᠭᠤᠯᠬᠤ ᠵᠢᠭᠠᠪᠤᠷᠢ ᠵᠥᠪᠯᠡᢉᠡ ᠥᠷᠯᠦᢉᠡ᠃
Сургалтад оролцсон багш, арга зүйчдэд цэцэрлэгийн хүүхдийн уран хөдөлгөөнт гимнастикийн заавал хийх дасгалын гарын авлага болон дасгалын бичлэгийг плашинд суулган Монголын гимнастикийн холбооноос багш нарт хэвлүүлэн тараасан.
Мөн сургалтад хамрагдсан 380 багш нарт Нийслэлийн Биеийн тамир, спортын газраас батламж хэвлүүлэн гардууллаа.
ᠰᠤᠷᠭᠠᠯᠲᠠ ᠳ᠋ᠤ ᠣᠷᠤᠯᠴᠠᠭᠰᠠᠨ ᠪᠠᠭᠰᠢ᠂ ᠠᠷᠭᠠ ᠵᠦᠶᠢᠴᠢᠳ ᠲᠦ ᠴᠡᠴᠡᠷᠯᠢᢉ ᠦ᠋ᠨ ᢈᠡᠦᢈᠡᠳ ᠦ᠋ᠨ ᠤᠷᠠᠨ ᢈᠥᠳᠡᠯᢉᠡᢉᠡᠨᠲᠦ ᢉᠢᠮᠨᠠᠰᠲ᠋ᠢᠭ ᠤ᠋ᠨ ᠵᠠᠪᠠᠯ ᢈᠢᢈᠦ ᠳᠠᠰᠬᠠᠯ ᠤ᠋ᠨ ᠭᠠᠷ ᠤ᠋ᠨ ᠠᠪᠤᠯᠭᠠ ᠪᠣᠯᠤᠨ ᠳᠠᠰᠬᠠᠯ ᠤ᠋ᠨ ᠪᠢᠴᠢᠯᢉᠡ ᠶ᠋ᠢ ᠫᠯᠠᠰᠢᠨ ᠳ᠋ᠤ ᠰᠠᠭᠤᠯᠭᠠᠨ ᠮᠣᠩᠭᠣᠯ ᠤ᠋ᠨ ᢉᠢᠮᠨᠠᠰᠲ᠋ᠢᠭ ᠤ᠋ᠨ ᠬᠣᠯᠪᠤᠭᠠᠨ ᠠ᠋ᠴᠠ ᠪᠠᠭᠰᠢ ᠨᠠᠷᠠᠲᠤ ᢈᠡᠪᠯᠡᢉᠦᠯᠦᠨ ᠲᠠᠷᠠᠭᠠᠭᠰᠠᠨ᠃
ᠮᠥᠨ ᠰᠤᠷᠭᠠᠯᠲᠠ ᠳ᠋ᠤ ᠬᠠᠮᠤᠷᠤᠭᠳᠠᠭᠰᠠᠨ ᠓᠘᠐ ᠪᠠᠭᠰᠢ ᠨᠠᠷᠠᠲᠤ ᠨᠡᠶᠢᠰᠯᠡᠯ ᠦ᠋ᠨ ᠪᠡᠶᠡ ᠶ᠋ᠢᠨ ᠲᠠᠮᠢᠷ᠂ ᠰᠫᠤᠷᠲ ᠤ᠋ᠨ ᠭᠠᠵᠠᠷ ᠠ᠋ᠴᠠ ᠪᠠᠲᠤᠯᠠᠮᠵᠢ ᢈᠡᠪᠯᠡᢉᠦᠯᠦᠨ ᠭᠠᠷᠳᠠᠭᠤᠯᠤᠯᠠ᠃
