Нийслэлийн Засаг даргын нэрэмжит ерөнхий боловсролын сургуулийн сурагчдын “Улаанбаатар лиг” сагсан бөмбөгийн тэмцээнийг Нийслэлийн Засаг даргын Тамгын газрын дэмжлэгтэйгээр Нийслэлийн Биеийн тамир, спортын газар 2024-2025 оны хичээлийн жилд 4 үе шаттайгаар 3 насны ангилалаар амжилттай зохион байгууллаа.
Тус тэмцээний анхан шатанд нийслэлийн 9 дүүргийн ерөнхий боловсролын 192 сургуулийн охид, хөвгүүдийн 8208 багийн 90550 гаруй сурагч, нийслэлийн шатанд бага, дунд, ахлах насны шилдэг нийт 52 сургуулийн 96 багийн 1152 сурагч – тамирчин өрсөлдлөө.
2025 оны 03 дугаар сарын 18-ны өдөр Нийслэлийн Засаг даргын нэрэмжит Ерөнхий боловсролын сургуулийн сурагчдын “Улаанбаатар лиг” сагсан бөмбөгийн шигшээ тэмцээнийг нээж Нийслэлийн иргэдийн Төлөөлөгчдийн хурлын дарга А.Баяр үг хэлсэн.
Тэмцээний нээлтийн ажиллагаан үеэр Нийслэлийн Засаг даргын нэрэмжит 2024 – 2025 оны хичээлийн жилийн Ерөнхий боловсролын сургуулийн сурагчдын “Улаанбаатар лиг” сагсан бөмбөгийн тэмцээнд баг тамирчдаа амжилттай зохион байгуулж оролцуулан “Шилдгийн шилдэг сургууль”-иар шалгарсан Б.Балган захиралтай Баянгол дүүргийн 40 дүгээр сургуулийн хамт олонд “1.000.000 төгрөг”-ийн эрхийн бичгийг Нийслэлийн иргэдийн Төлөөлөгчдийн хурлын дарга А.Баяр гардуулсан.
Монголын Спорт сонирхогч хөгжөөн дэмжигчдийн холбооны тэргүүн, Аэробик гимнастикийн Олон улсын хэмжээний мастер Б.Мөнх-Оргил дасгалжуулагчтай Монголын Спорт сонирхогч хөгжөөн дэмжигчдийн холбооны дэргэдэх “Light Cheer” охидын баг Нийслэлийн Засаг даргын нэрэмжит 2024 – 2025 оны хичээлийн жилийн Ерөнхий боловсролын сургуулийн сурагчдын “Улаанбаатар лиг” сагсан бөмбөгийн тэмцээнд оролцогчдод үзүүлэх тоглолтоо сонирхуулсан.
Шигшээ тэмцээний 3 дахь өдөр АХЛАХ насны тамирчдын дунд зохион байгуулагдсан “Ур чадварын тэмцээн”-д 25 сурагч-тамирчин оролцсоноос Шигшээ багийн УР ЧАДВАР-ын тэмцээний ялагчаар хөвгүүдээс Сүхбаатар дүүргийн 1 дүгээр сургуулийн сурагч-тамирчин Эрдэнэбилэг, охидоос Сонгинохайрхан дүүргийн 42 дугаар сургуулийн тамирчин Мишээл нар тодорсон.
Шигшээ тэмцээний 4 дэх өдөр АХЛАХ насны тамирчдын дунд зохион байгуулагдсан “3-н онооны шидэлтийн тэмцээн”-д эрэгтэй 24, эмэгтэй 14 сурагч-тамирчин оролцсоноос Шигшээ багийн УР ЧАДВАР-ын тэмцээний ялагчаар хөвгүүдээс Хан-Уул дүүргийн “Орхон хасу” сургуулийн сурагч-тамирчин Хүсэлбаяр 15 оноогоор, охидоос Баянгол дүүргийн “Эрхэт эрдэм” сургуулийн сурагч-тамирчин Г.Оюун-Эрдэнэ 8 оноогоор шалгарсан.
Бага насны охидын ангилалд:
1-р байрт: М.Мөнхзул багштай У.Үжин ахлагчтай Баянзүрх дүүргийн 120 дугаар сургууль,
2-р байрт: Д.Отгонзаяа багштай Ц.Нандин ахлагчтай Баянзүрх дүүргийн 33 дугаар сургууль,
3-р байрт: Г.Ариунзул багштай Э.Саран ахлагчтай Хан-Уул дүүргийн 89 дүгээр сургууль,
“Шилдэг тоглогч”-оор Баянзүрх дүүргийн 120 дугаар сургуулийн сурагч У.Үжин,
“Шилдэг багш”-аар Баянзүрх дүүргийн 120 дугаар сургуулийн багш М.Мөнхзул.
Бага насны хөвгүүдийн ангилалд:
1-р байрт: Г.Ариунзул багштай Б.Саруулболд ахлагчтай Хан-Уул дүүргийн 89 дүгээр сургууль,
2-р байрт: Д.Отгонжаргал багштай А.Ананд-Эрдэнэ ахлагчтай Баянзүрх дүүргийн 14 дүгээр сургууль,
3-р байрт: Б.Нэргүйбаатар багштай А.Ирмүүн ахлагчтай Сонгинохайрхан дүүргийн 62 дугаар сургууль,
“Шилдэг тоглогч”-оор Хан-Уул дүүргийн 89 дүгээр сургуулийн багийн тоглогч Б.Саруулболд,
“Шилдэг багш”-аар Хан-Уул дүүргийн 89 дүгээр сургуулийн багш Г.Ариунзул
Дунд насны охидын ангилалд:
1-р байрт: У.Доржсамбуу багштай М.Хүслэн ахлагчтай Сонгинохайрхан дүүргийн “Өнөр” сургууль,
2-р байрт: Э.Болорцэцэг багштай Б.Уран-Учиг ахлагчтай Баянзүрх дүүргийн 33 дугаар сургууль,
3-р байрт: Б.Ариунболд багштай М.Халиун ахлагчтай Сүхбаатар дүүргийн 31 дүгээр сургууль,
“Шилдэг тоглогч”-оор Сонгинохайрхан дүүргийн “Өнөр” сургуулийн сурагч Э.Шинэтуяа,
“Шилдэг багш”-аар Сонгинохайрхан дүүргийн “Өнөр” сургуулийн багш У.Доржсамбуу.
Дунд насны хөвгүүдийн ангилалд:
1-р байрт: Ж.Сугар багштай Б.Сугар-Эрдэнэ ахлагчтай Хан-Уул дүүргийн 52 дугаар сургууль,
2-р байрт: Н.Шижирбат багштай Б.Мэндсайхан ахлагчтай Баянзүрх дүүргийн 33 дугаар сургууль,
3-р байрт: Г.Хатанцэнгэл багштай Г.Тэмүүлэн ахлагчтай Налайх дүүргийн 119 дүгээр сургууль,
“Шилдэг тоглогч”-оор Хан-Уул дүүргийн 52 дугаар сургуулийн сурагч Бадар-Ууган,
“Шилдэг багш”-аар Хан-Уул дүүргийн 52 дугаар сургуулийн багш Ж.Сугар.
Ахлах насны охидын ангилалд:
1-р байрт: С.Үнэнбат багштай Д.Анужин ахлагчтай Чингэлтэй дүүргийн 117 дугаар сургууль,
2-р байрт: Д.Бямбадорж багштай Э.Энхзол ахлагчтай Баянгол дүүргийн “Эрхэт эрдэм” сургууль,
3-р байрт: Ж.Мөнхтөгс багштай Ц.Жаргалан ахлагчтай Сүхбаатар дүүргийн 1 дүгээр сургууль,
“Шилдэг тоглогч”-оор Чингэлтэй дүүргийн 117 дугаар сургуулийн сурагч О.Отгончимэг,
“Шилдэг багш”-аар Баянгол дүүргийн “Эрхэт эрдэм” сургуулийн багш Д.Бямбадорж.
Ахлах насны хөвгүүдийн ангилалд:
1-р байрт: Н.Түвшинтөгс багштай Э.Төгөлдөрмөнх ахлагчтай Сонгинохайрхан дүүргийн “Хөгжил” сургууль,
2-р байрт: Э.Батбямба багштай Т.Гүен ахлагчтай Хан-Уул дүүргийн “Орхон хасу” сургууль,
3-р байрт: Н.Шижирбат багштай Б.Хүслэн ахлагчтай Баянзүрх дүүргийн 33 дугаар сургууль,
“Шилдэг тоглогч”-оор Сонгинохайрхан дүүргийн “Хөгжил” сургуулийн сурагч Э.Ариунбилэг,
“Шилдэг багш”-аар Сонгинохайрхан дүүргийн “Хөгжил” сургуулийн багш Н.Түвшинтөгс. нар тус тус шалгарч, цом, медаль, өргөмжлөл, мөнгөн шагналын эзэд болсон.
