Волейболын сурагчдын лигийн 2015-2016 оны аварга багууд тодорно
Нийслэлийн Засаг даргын нэрэмжит ерөнхий боловсролын сургуулийн 2015-2016 оны хичээлийн жилийн волейболын “Сурагчдын лиг” V удаагийн тэмцээнийг 2015 оны 10 дугаар сараас 2016 оны 01 дүгээр сарын 21-ний хооронд сургууль, дүүрэг, нийслэлийн аварга шалгаруулах гэсэн 3 үе шаттайгаар 13-18 насны ангиллаар зохион байгуулж байна.
I шат – Сургуулийн аварга, II шат – Дүүргийн аварга шалгаруулах тэмцээнүүдийг 2015 оны 12 дугаар сарын 27-ны дотор, III шат – Нийслэлийн аварга шалгаруулах тэмцээнийг 2016 оны 01 дүгээр сарын 13-наас 21-ний өдрүүдэд тус тус явагдаж байна.
Анхан шатны тэмцээнүүдэд 9 дүүргийн 85 сургуулийн 2287 багийн 26729 сурагч хамрагдаж байна.
Дүүрэг бүрээс шалгарсан шилдэг 16 багаас:
Охидын хүрэл медалийн төлөө:
Багануур дүүргийн Д.Эрдэнэчулуун дасгалжуулагчтай Ц.Саранцэцэг ахлагчтай “Боловсрол” цогцолбор сургууль,
Сүхбаатар дүүргийн Б.Хашхүү дасгалжуулагчтай А.Маралмаа ахлагчтай 1-р сургуулийн багууд,
Хөвгүүдийн хүрэл медалийн төлөө:
Баянзүрх дүүргийн Д.Өлзийхутаг дасгалжуулагчтай Г.Үүрцолмон ахлагчтай 21-р сургууль,
Баянгол дүүргийн Ч.Түвшинжаргал дасгалжуулагчтай Б.Батзориг ахлагчтай “Эрдмийн өргөө” цогцолбор сургуулийн багууд,
Охидын алтан медалийн төлөө:
БАЯНЗҮРХ ДҮҮРГИЙН Д.ӨЛЗИЙХУТАГ ДАСГАЛЖУУЛАГЧТАЙ Ч.ГАНЧИМЭГ АХЛАГЧТАЙ 21-Р СУРГУУЛЬ,
ЧИНГЭЛТЭЙ ДҮҮРГИЙН Ж.БАТБОЛОР ДАСГАЛЖУУЛАГЧТАЙ А. ХАЖИДМАА АХЛАГЧТАЙ 5-Р СУРГУУЛИЙН БАГУУД
Хөвгүүдийн алтан медалийн төлөө:
БАЯНГОЛ ДҮҮРГИЙН Б.БАТТУЛГА ДАСГАЛЖУУЛАГЧТАЙ Р.САЙНБАЯР АХЛАГЧТАЙ 47-Р СУРГУУЛЬ,
БАГАНУУР ДҮҮРГИЙН Д.ЭРДЭНЭЧУЛУУН ДАСГАЛЖУУЛАГЧТАЙ А.БОЛОРБААТАР АХЛАГЧТАЙ ГҮН ГАЛУУТАЙ ЦОГЦОЛБОР СУРГУУЛИУД алт, мөнгө, хүрэл медалийн төлөө өрсөлдөж байна гэж Нийслэлийн Биеийн тамир, спортын газраас мэдээллээ.
