Нийслэлийн цэцэрлэгийн хүүхдүүдийн уран хөдөлгөөнт гимнастикийн аварга шалгаруулах тэмцээн болж, шилдгүүдээ тодрууллаа. Тус тэмцээн нь 1973 оноос хойш тасралтгүй 48 дахь жилдээ зохион байгуулагдаж буй.
Нийслэлийн Биеийн тамир, спортын газраас Цэцэрлэгийн хүүхдүүдийн уран хөдөлгөөнт гимнастикийн тэмцээнийг хоёр үе шаттай зохион байгуулсан бөгөөд 2023 оны дөрөвдүгээр сарын 30-ныг хүртэл үргэлжилсэн анхан шатны тэмцээнд есөн дүүргийн 88 цэцэрлэгийн 2640 хүүхэд оролцсон. Үүнээс хоёрдугаар шатанд найман дүүргийн 16 цэцэрлэгийн 480 гимнастикч авьяас чадвараа сорин өрсөлдөв.
ᠨᠡᠶᠢᠰᠯᠡᠯ ᠦ᠋ᠨ ᠴᠡᠴᠡᠷᠯᠢᢉ ᠦᠨ ᢈᠡᠦᢈᠡᠳ ᠦ᠋ᠳ ᠦ᠋ᠨ ᠤᠷᠠᠨ ᢈᠥᠳᠡᠯᢉᠡᢉᠡᠨᠲᠦ ᢉᠢᠮᠨᠠᠰᠲ᠋ᠢᠭ ᠤ᠋ᠨ ᠠᠪᠤᠷᠭᠤ ᠰᠢᠯᠭᠠᠷᠠᠭᠤᠯᠬᠤ ᠲᠡᠮᠡᠴᠡᢉᠡᠨ ᠪᠣᠯᠵᠤ᠂ ᠰᠢᠯᠢᠳᠡᢉ ᠦᠳ ᠢ᠋ᠶᠡᠨ ᠲᠣᠳᠤᠷᠠᠭᠤᠯᠤᠯᠠ᠃ ᠲᠤᠰ ᠲᠡᠮᠡᠴᠡᢉᠡᠨ ᠨᠢ ᠑᠙᠗᠓ ᠣᠨ ᠠ᠋ᠴᠠ ᠬᠣᠶᠢᠰᠢ ᠲᠠᠰᠤᠷᠠᠯᠲᠠ ᠦ᠋ᢉᠡᠢ ᠔᠘ ᠳᠠᢈᠢ ᠵᠢᠯ ᠳ᠋ᠦ ᠪᠡᠨ ᠵᠣᢈᠢᠶᠠᠨ ᠪᠠᠶᠢᠭᠤᠯᠤᠭᠳᠠᠵᠤ ᠪᠤᠢ᠃
ᠨᠡᠶᠢᠰᠯᠡᠯ ᠦ᠋ᠨ ᠪᠡᠶᠡ ᠶ᠋ᠢᠨ ᠲᠠᠮᠢᠷ᠂ ᠰᠫᠤᠷᠲ᠋ ᠤᠨ ᠭᠠᠵᠠᠷ ᠠ᠋ᠴᠠ ᠴᠡᠴᠡᠷᠯᠢᢉ ᠦᠨ ᢈᠡᠦᢈᠡᠳ ᠦ᠋ᠳ ᠦ᠋ᠨ ᠤᠷᠠᠨ ᢈᠥᠳᠡᠯᢉᠡᢉᠡᠨᠲᠦ ᢉᠢᠮᠨᠠᠰᠲ᠋ᠢᠭ ᠤ᠋ᠨ ᠲᠡᠮᠡᠴᠡᢉᠡᠨ ᠢ᠋ ᠬᠣᠶᠠᠷ ᠦᠶᠡ ᠱᠠᠲᠤ ᠲᠠᠢ ᠵᠣᢈᠢᠶᠠᠨ ᠪᠠᠶᠢᠭᠤᠯᠤᠭᠰᠠᠨ ᠪᠥᢉᠡᠳ ᠒᠐᠒᠓ ᠣᠨ ᠤ᠋ ᠳᠥᠷᠪᠡᠳᠦᢉᠡᠷ ᠰᠠᠷᠠ ᠶ᠋ᠢᠨ ᠓᠐ ᠦᠷᢉᠦᠯᠵᠢᠯᠡᢉᠰᠡᠨ ᠠᠩᠬᠠᠨ ᠱᠠᠲᠤᠨ ᠤ᠋ ᠲᠡᠮᠡᠴᠡᢉᠡᠨ ᠳ᠋ᠦ ᠶᠢᠰᠦᠨ ᠳᠡᢉᠦᠷᢉᠡ ᠶ᠋ᠢᠨ ᠘᠘ ᠴᠡᠴᠡᠷᠯᠢᢉ ᠦᠨ ᠒᠖᠔᠐ ᢈᠡᠦᢈᠡᠳ ᠣᠷᠤᠯᠴᠠᠭᠰᠠᠨ᠃ ᠡᢉᠦᠨ ᠡᠴᠡ ᠬᠣᠶᠠᠳᠤᠭᠠᠷ ᠱᠠᠲᠤᠨ ᠳ᠋ᠤ ᠨᠠᠶᠢᠮᠠᠨ ᠳᠡᢉᠦᠷᢉᠡ ᠶ᠋ᠢᠨ ᠑᠖ ᠴᠡᠴᠡᠷᠯᠢᢉ ᠦᠨ ᠔᠘᠐ ᢉᠢᠮᠨᠠᠰᠲ᠋ᠢᢉᠴᠢ ᠠᠪᠢᠶᠠᠰ ᠴᠢᠳᠠᠪᠤᠷᠢ ᠪᠠᠨ ᠰᠣᠷᠢᠨ ᠥᠷᠢᠰᠦᠯᠳᠦᠪ᠃
Тэмцээнд Сонгинохайрхан дүүргийн 113 дугаар цэцэрлэг тэргүүн байр эзэлж, цом, алтан медаль, өргөмжлөл, үнэ бүхий зүйлээр шагнуулсан юм. Харин хоёрдугаар байранд Баянгол дүүргийн 157 дугаар цэцэрлэг, гуравдугаар байранд Баянзүрх дүүргийн 146, Чингэлтэй дүүргийн 154 дүгээр цэцэрлэг тус тус шалгарлаа. Түүнчлэн тэмцээнд оролцсон хүүхэд багачуудыг өргөмжлөл, үнэ бүхий зүйлээр шагнасан юм.
Мөн оролцсон цэцэрлэгүүдийг “Ур чадвар”, “Өхөөрдөм”, “Хувцаслалт”, “Шилдэг хэмнэл”, “Үзэгчдийн таашаал”, “Хамтач баг” гэсэн зургаан номинацид шалгаруулж, шагнал гардуулдаг уламжлалтай. Тодруулбал, “Ур чадвар” номинацид Сонгинохайрхан дүүргийн 110 дугаар цэцэрлэг, “Өхөөрдөм” номинацид Багануур дүүргийн 138 дугаар цэцэрлэг, “Хувцаслалт” номинацид Хан-Уул дүүргийн 250 дугаар цэцэрлэг, “Шилдэг хэмнэл” номинацид Хан-Уул дүүргийн 223 дугаар цэцэрлэг, “Үзэгчдийн таашаал” номинацид Баянгол дүүргийн 57 дугаар цэцэрлэг, “Хамтач баг” номинацид Чингэлтэй дүүргийн 126 дугаар цэцэрлэг шалгарлаа.
Нийслэлийн Биеийн тамир, спортын газраас цэцэрлэгийн хүүхдүүдийн заавал хийх хөтөлбөрт дасгалыг хоёр жил тутам шинэчлэн боловсруулж, цэцэрлэгийн багш, арга зүйчдэд сургалт явуулан, заах арга зүйн ур чадвар дээшлүүлэх ажлыг тогтмол хийдэг. Түүнчлэн жилээс жилд тэмцээнд оролцож буй цэцэрлэгийн тоо, хүүхдүүдийн дасгалын зохиомж, ур чадварын түвшин болон багш нарын ур чадвар, туршлага өсөн нэмэгдэж байгааг зохион байгуулагчдын зүгээс онцолж байлаа.
ᠲᠡᠮᠡᠴᠡᢉᠡᠨ ᠳ᠋ᠦ ᠰᠣᠩᢉᠢᠨᠠᠬᠠᠶᠢᠷᠬᠠᠨ ᠳᠡᢉᠦᠷᢉᠡ ᠶ᠋ᠢᠨ ᠑᠑᠓ ᠳ᠋ᠤᠭᠠᠷ ᠴᠡᠴᠡᠷᠯᠢᢉ ᠲᠡᠷᠢᢉᠦᠨ ᠪᠠᠶᠢᠷᠢ ᠡᠵᠡᠯᠡᠵᠦ᠂ ᠴᠣᠮᠤ᠂ ᠠᠯᠲᠠᠨ ᠮᠧᠳᠠᠯ᠂ ᠡᠷᢉᠦᠮᠵᠢᠯᠡᠯ᠂ ᠦᠨᠡ ᠪᠦᢈᠦᠢ ᠵᠦᠶᠢᠯ ᠢ᠋ᠶᠡᠷ ᠱᠠᠩᠨᠠᠭᠤᠯᠤᠭᠰᠠᠨ ᠶᠠᠭᠤᠮᠠ᠃ ᠬᠠᠷᠢᠨ ᠬᠣᠶᠠᠳᠤᠭᠠᠷ ᠪᠠᠶᠢᠷᠢᠨ ᠳ᠋ᠤ ᠪᠠᠶᠠᠩᠭᠣᠣᠯ ᠳᠡᢉᠦᠷᢉᠡ ᠶ᠋ᠢᠨ ᠑᠕᠗ ᠳ᠋ᠤᠭᠠᠷ ᠴᠡᠴᠡᠷᠯᠢᢉ᠂ ᠭᠤᠷᠪᠠᠳᠤᠭᠠᠷ ᠪᠠᠶᠢᠷᠢᠨ ᠳ᠋ᠤ ᠪᠠᠶᠠᠨᠵᠢᠷᠦᢈᠡ ᠳᠡᢉᠦᠷᢉᠡ ᠶ᠋ᠢᠨ ᠑᠔᠖᠂ ᠴᠢᠩᢉᠢᠯᠲᠡᠢ ᠳᠡᢉᠦᠷᢉᠡ ᠶ᠋ᠢᠨ ᠑᠕᠔ ᠳᠦᢉᠡᠷ ᠴᠡᠴᠡᠷᠯᠢᢉ ᠲᠤᠰ ᠲᠤᠰ ᠰᠢᠯᠭᠠᠷᠠᠯᠠ᠃ ᠲᠡᢉᠦᠨᠴᠢᠯᠡᠨ ᠲᠡᠮᠡᠴᠡᢉᠡᠨ ᠳ᠋ᠦ ᠣᠷᠤᠯᠴᠠᠭᠰᠠᠨ ᢈᠡᠦᢈᠡᠳ ᠪᠠᠭᠠᠴᠤᠳ ᠢ᠋ ᠡᠷᢉᠦᠮᠵᠢᠯᠡᠯ᠂ ᠦᠨᠡ ᠪᠦᢈᠦᠢ ᠵᠦᠶᠢᠯ ᠢ᠋ᠶᠡᠷ ᠱᠠᠩᠨᠠᠭᠰᠠᠨ ᠶᠠᠭᠤᠮᠠ᠃
ᠮᠥᠨ ᠣᠷᠤᠯᠴᠠᠭᠰᠠᠨ ᠴᠡᠴᠡᠷᠯᠢᢉ ᠦ᠋ᠳ ᠢ᠋ “ᠤᠷᠠ ᠴᠢᠳᠠᠪᠤᠷᠢ”᠂ᠹ᠂ “ᠥᢈᠦᢉᠡᠷᠳᠡᠮᠡ”᠂ᠹ᠂ “ᠬᠤᠪᠴᠠᠰᠤᠯᠠᠯᠲᠠ”᠂ᠹ᠂ “ᠰᠢᠯᠢᠳᠡᢉ ᢈᠡᠮᠨᠡᠯ”᠂ᠹ᠂ “ᠦᠵᠡᢉᠴᠢᠳ ᠦ᠋ᠨ ᠲᠠᠭᠠᠰᠢᠶᠠᠯ”᠂ᠹ᠂ “ᠬᠠᠮᠲᠤᠴᠢ ᠪᠠᠭ” ᢉᠡᢉᠰᠡᠨ ᠵᠢᠷᠭᠤᠭᠠᠨ ᠨᠣᠮᠢᠨᠠᠼᠢ ᠳ᠋ᠤ ᠰᠢᠯᠭᠠᠷᠠᠭᠤᠯᠵᠤ᠂ ᠱᠠᠩᠨᠠᠯ ᠭᠠᠷᠳᠠᠭᠤᠯᠳᠠᠭ ᠤᠯᠠᠮᠵᠢᠯᠠᠯ ᠲᠠᠢ᠃ ᠲᠣᠳᠤᠷᠠᠭᠤᠯᠪᠠᠯ᠂ “ᠤᠷᠠ ᠴᠢᠳᠠᠪᠤᠷᠢ” ᠨᠣᠮᠢᠨᠠᠼᠢ ᠳ᠋ᠤ ᠰᠣᠩᢉᠢᠨᠠᠬᠠᠶᠢᠷᠬᠠᠨ ᠳᠡᢉᠦᠷᢉᠡ ᠶ᠋ᠢᠨ ᠑᠑᠐ ᠳ᠋ᠤᠭᠠᠷ ᠴᠡᠴᠡᠷᠯᠢᢉ᠂ “ᠥᢈᠦᢉᠡᠷᠳᠡᠮᠡ” ᠨᠣᠮᠢᠨᠠᠼᠢ ᠳ᠋ᠤ ᠪᠠᠭᠠᠨᠠᠭᠤᠷ ᠳᠡᢉᠦᠷᢉᠡ ᠶ᠋ᠢᠨ ᠑᠓᠘ ᠳ᠋ᠤᠭᠠᠷ ᠴᠡᠴᠡᠷᠯᠢᢉ᠂ “ᠬᠤᠪᠴᠠᠰᠤᠯᠠᠯᠲᠠ” ᠨᠣᠮᠢᠨᠠᠼᠢ ᠳ᠋ᠤ ᠬᠠᠨ ᠆ ᠠᠭᠤᠯᠠ ᠳᠡᢉᠦᠷᢉᠡ ᠶ᠋ᠢᠨ ᠒᠕᠐ ᠳ᠋ᠤᠭᠠᠷ ᠴᠡᠴᠡᠷᠯᠢᢉ᠂ “ᠰᠢᠯᠢᠳᠡᢉ ᢈᠡᠮᠨᠡᠯ” ᠨᠣᠮᠢᠨᠠᠼᠢ ᠳ᠋ᠤ ᠬᠠᠨ ᠠᠭᠤᠯᠠ ᠳᠡᢉᠦᠷᢉᠡ ᠶ᠋ᠢᠨ ᠒᠒᠓ ᠳ᠋ᠤᠭᠠᠷ ᠴᠡᠴᠡᠷᠯᠢᢉ᠂ “ᠦᠵᠡᢉᠴᠢᠳ ᠦ᠋ᠨ ᠲᠠᠭᠠᠰᠢᠶᠠᠯ” ᠨᠣᠮᠢᠨᠠᠼᠢ ᠳ᠋ᠤ ᠪᠠᠶᠠᠩᠭᠣᠣᠯ ᠳᠡᢉᠦᠷᢉᠡ ᠶ᠋ᠢᠨ ᠕᠗ ᠳ᠋ᠤᠭᠠᠷ ᠴᠡᠴᠡᠷᠯᠢᢉ᠂ “ᠬᠠᠮᠲᠤᠴᠢ ᠪᠠᠭ” ᠨᠣᠮᠢᠨᠠᠼᠢ ᠳ᠋ᠤ ᠴᠢᠩᢉᠢᠯᠲᠡᠢ ᠳᠡᢉᠦᠷᢉᠡ ᠶ᠋ᠢᠨ ᠑᠒᠖ ᠳ᠋ᠤᠭᠠᠷ ᠴᠡᠴᠡᠷᠯᠢᢉ ᠰᠢᠯᠭᠠᠷᠠᠯᠤᠭᠠ᠃
ᠨᠡᠶᠢᠰᠯᠡᠯ ᠦ᠋ᠨ ᠪᠡᠶᠡ ᠶ᠋ᠢᠨ ᠲᠠᠮᠢᠷ᠂ ᠰᠫᠤᠷᠲ ᠤ᠋ᠨ ᠭᠠᠵᠠᠷ ᠠ᠋ᠴᠠ ᠴᠡᠴᠡᠷᠯᠢᢉ ᠦ᠋ᠨ ᢈᠡᠦᢈᠡᠳ ᠦ᠋ᠳ ᠦ᠋ᠨ ᠵᠠᠪᠠᠯ ᢈᠢᢈᠦ ᢈᠥᠲᠦᠯᠪᠦᠷᠢ ᠳ᠋ᠦ ᠳᠠᠰᠬᠠᠯ ᠢ᠋ ᠬᠣᠶᠠᠷ ᠵᠢᠯ ᠲᠤᠲᠤᠮ ᠰᠢᠨᠡᠴᠢᠯᠡᠨ ᠪᠣᠯᠪᠠᠰᠤᠷᠠᠭᠤᠯᠵᠤ᠂ ᠴᠡᠴᠡᠷᠯᠢᢉ ᠦ᠋ᠨ ᠪᠠᠭᠰᠢ᠂ ᠠᠷᠭᠠ ᠵᠦᠶᠢᠴᠢᠳ ᠲᠦ ᠰᠤᠷᠭᠠᠯᠲᠠ ᠶᠠᠪᠤᠭᠤᠯᠤᠨ᠂ ᠵᠢᠭᠠᠬᠤ ᠠᠷᠭᠠ ᠵᠦᠢ ᠶ᠋ᠢᠨ ᠤᠷᠠ ᠴᠢᠳᠠᠪᠤᠷᠢ ᠳᠡᢉᠡᢉᠰᠢᠯᠡᢉᠦᠯᢈᠦ ᠠᠵᠢᠯ ᠢ᠋ ᠲᠣᠭᠲᠠᠮᠠᠯ ᢈᠢᠳᠡᢉ᠃ ᠲᠡᢉᠦᠨᠴᠢᠯᠡᠨ ᠵᠢᠯ ᠡᠴᠡ ᠵᠢᠯ ᠳ᠋ᠦ ᠲᠡᠮᠡᠴᠡᢉᠡᠨ ᠳ᠋ᠦ ᠣᠷᠤᠯᠴᠠᠵᠤ ᠪᠤᠢ ᠴᠡᠴᠡᠷᠯᠢᢉ ᠦ᠋ᠨ ᠲᠣᠭᠠ᠂ ᢈᠡᠦᢈᠡᠳ ᠦ᠋ᠳ ᠦ᠋ᠨ ᠳᠠᠰᠬᠠᠯ ᠤ᠋ᠨ ᠵᠣᢈᠢᠶᠠᠮᠵᠢ᠂ ᠤᠷᠠ ᠴᠢᠳᠠᠪᠤᠷᠢ ᠶ᠋ᠢᠨ ᠲᠦᠪᠰᠢᠨ ᠪᠣᠯᠤᠨ ᠪᠠᠭᠰᠢ ᠨᠠᠷ ᠤ᠋ᠨ ᠤᠷᠠ ᠴᠢᠳᠠᠪᠤᠷᠢ᠂ ᠲᠤᠷᠰᠢᠯᠭᠠ ᠥᠰᠦᠨ ᠨᠡᠮᠡᢉᠳᠡᠵᠦ ᠪᠠᠶᠢᠭᠠ ᠶ᠋ᠢ ᠵᠣᢈᠢᠶᠠᠨ ᠪᠠᠶᠢᠭᠤᠯᠤᠭᠴᠢᠳ ᠤ᠋ᠨ ᠵᠦᢉ ᠡᠴᠡ ᠣᠨᠴᠠᠯᠠᠵᠤ ᠪᠠᠶᠢᠯᠠ᠃
