Home Blog

0 8

СӨБ-ийн багш нарын сургалт боллоо

 

Нийслэлийн Нийтийн биеийн тамир, спортын хорооноос “Идэвхтэй хөдөлгөөн – Эрүүл мэнд” сэдэвт сургалт семинарыг 2018 оны 01 дүгээр сарын 15 – 18-ны өдрүүдэд онол, практикийн хичээлийг МУБИС-ийн “Сургуулийн өмнөх боловсролын сургууль”-ийн “Урлаг” зааланд зохион байгууллаа.

Энэхүү сургалтын гол зорилго нь Монгол Улсын “Биеийн тамир, спортын тухай” хууль, Засгийн газрын 2009 оны 05, 2017 оны 289 дүгээр тогтоолууд, Нийслэлийн Засаг даргын 2016-2020 оны үйл ажиллагааны хөтөлбөр, нийслэлийн эдийн засаг, нийгмийг 2018 онд хөгжүүлэх үндсэн чиглэлийг тус тус хэрэгжүүлэх, нийслэлийн цэцэрлэгийн багш, арга зүйчдийн ур чадварыг дээшлүүлэх явдал юм.

Онолын хичээлийг Нийслэлийн Нийтийн биеийн тамир, спортын хорооны Нийтийн биеийн тамирын хөгжлийн хэлтсийн дарга, спортын гимнастикийн ОУХМ А.Болдмаа “Нийслэлээс биеийн тамир, спортын талаар хэрэгжүүлж буй үйл ажиллагааны чиглэл”, тус хорооны ААНБ дахь биеийн тамир, чийрэгжүүлэлийн асуудал хариуцсан мэргэжилтэн Б.Түвшинбаяр “Биеийн тамир, спортын хамтлагийн тухай ойлголт”, Налайх дүүргийн Биеийн тамир, спортын хорооны Ахлах мэргэжилтэн С.Баасанжав “Биеийн тамир, спортын хуулийн шинэчилсэн найруулгын талаар” заасан бол иогийн багш Х.Үржинсүрэн, Н.Нанзадсайхан нар “Амьсгал, ус, агаар” иогийн хичээлийг, Монголын Гимнастикийн холбооны Зөвлөх багш А.Болорцэцэг “Цэцэрлэгийн хүүхдүүдийн Уран хөдөлгөөнт гимнастикийн заавал эзэмших дасгалыг заах” зэрэг сэдвүүдээр хичээл заалаа.

Уг сургалт семинарт оролцсон 9 дүүргийн 200 гаруй цэцэрлэгийн 250 багш нарт сургалтын “СЕРТИФИКАТ”, “Цэцэрлэгийн хүүхдүүдийн Уран хөдөлгөөнт гимнастикийн заавал эзэмших дасгал”-ын CD, DVD, гарын авлага, өглөөний дасгалын плакат зэргийг олголоо.

1

Сургалтын үеэр “Тэргүүний Биеийн тамир, спортын хамтлаг” болох Баянзүрх дүүргийн Улсын тэргүүний 129-р цэцэрлэгийн туршлагыг бусад байгууллагуудад сурталчлах, туршлага судлуулах үйл ажиллагаа явагдлаа гэж Нийслэлийн Нийтийн биеийн тамир, спортын хорооноос мэдээллээ.

 

0 169

ИЖ БҮРЭН ТОХИЖИЛТТОЙ МӨСӨН ГУРГУУРЫН ТАЛБАЙ НЭЭГДЛЭЭ

Нийслэлд мөсөн гулгуурын талбай, цанын баазуудын үйл ажиллагааг өргөжүүлж, иргэдэд үйл ажиллагаа үзүүлэх зорилгоор Нийслэлийн Засаг дарга бөгөөд Улаанбаатар хотын Захирагч С.Батболдын санаачилгаар Нийслэлийн Нийтийн биеийн тамир, спортын хороо, Улаанбаатар хотын Захирагчийн ажлын алба, Нийслэлийн Аялал жуулчлалын газар хамтран Сэлбэ голын дунд хэсэг Скай их дэлгүүрийн баруун талд иж бүрэн тохижуулсан мөсөн гулгуурын талбай /мөсөн хотхон/-г байгуулж 2017 оны 12 дугаар сарын 20-нд нээлт хийж үйл ажиллагааг нь эхлүүллээ. Энэхүү бүтээн байгуулалтын ажил нь жижиг, том 2 мөсөн гулгуурын талбайтай, өвлийн олимпийн төрлүүд, үндэсний аж амьдралыг харуулсан 2 хэсэг мөсөн баримлууд, гулсуур, төөрдөг байшин г.м мөсөөр урласан хүүхдийн тоглоомууд /мөсөөр хийгдсэн бүтээн байгуулалтын ажил гэрэлтдэг/-тай томоохон ажил боллоо.

Д.Цэрэнбат захиралтай “Мөнгөн цой” ХХК болон Ц.Батмөнхөөр ахлуулсан 38 мэргэжлийн уран бүтээлчид 2017.12.02-19-ний хооронд 500 гаруй тонн мөсөөр гайхамшигт сийлбэрүүдийг бүтээн 300 м х 50 м хэмжээний талбай бүхий мөсөн ИЖ БҮРЭН ТОХИЖИЛТТОЙ МӨСӨН ГУЛГУУРЫН ТАЛБАЙ-г байгуулсан.

mosoon (4)mosoon (6)mosoon (3)mosoon (15)mosoon (9)mosoon (10)mosoon (16)mosoon (17)mosoon (11)mosoon (12)mosoon (5)mosoon (2)mosoon (8)mosoon (14)mosoon (13)mosoon (7)mosoon (1)
Нийслэл Улаанбаатар хот нь Өвлийн хотуудын холбоонд 1998 онд элссэн бөгөөд тус холбоо нь эрс тэс цаг ууртай, өвлийн улирал хүйтэн болдог хотууд нэгдэн өвлийн улирлын нөөц бололцоог ашиглан хамтын хүчээр тулгамдаж буй бэрхшээлүүдийг даван туулж хөгжлийн замыг эрэлхийлэх зорилготой юм.
Нийслэлийн Нийтийн биеийн тамир, спортын хорооноос өвлийн улиралд зохиогддог “Мөнгөн Улаанбаатар” өвлийн спортын наадмын хүрээнд 2018 оны нэгдүгээр улиралд олон арга хэмжээ зохион байгуулаахаар төлөвлөж байна гэж Нийслэлийн Нийтийн биеийн тамир, спортын хорооноос мэдээллээ.
 

0 57

Нийслэлийн Иргэдийн спортын VI наадам өндөрлөлөө
Монгол Улсын Биеийн тамир, спортын тухай хуулийн 10 дугаар зүйл, Нийслэлийн Засаг дарга бөгөөд Улаанбаатар хотын Захирагчийн 2016-2020 оны үйл ажиллагааны хөтөлбөр, Нийслэлийн эдийн засаг, нийгмийг 2017 онд хөгжүүлэх үндсэн чиглэлийг хэрэгжүүлэх зорилгоор Нийслэлийн Иргэдийн спортын VI наадмыг 2017 оны 03 дугаар сараас 11 дүгээр сарын 06-ны хооронд спорт явган аялал, ширээний шагайн наадгай, хийн дасгал, аэробик, олс таталт, софт волейбол, волейбол, сагсан бөмбөг гэсэн спортын 8 төрлөөр хэсэг, хороо, бүс, дүүрэг, нийслэл гэсэн 5 үе шаттайгаар амжилттай явагдаж өндөрлөлөө.

23380355_1903762556619001_4300877756427129231_n

Энэхүү наадам нь Нийслэлийн Нийтийн биеийн тамир, спортын хорооноос дэвшүүлсэн “Биеийн тамир, спортыг айл өрх, иргэн бүрт” зорилтын хүрээнд “Өдөр тутмын биеийн тамир – Өнөөгийн нийслэлчүүдийн өнгө төрх” гэсэн уриан дор явагдаж, багийн бүрэлдэхүүн тухайн хорооны иргэн байх, 31-ээс дээш настай нийслэлийн иргэн байх, тухайн төрлийн спортын дэд мастераас дээш цолтой тамирчин 45-аас дээш настай байх, наадмын нэг төрөлд нэг тамирчин орох, шалгарсан баг тамирчид үндсэн бүрэлдэхүүнээрээ шат шатны тэмцээнд оролцох зэрэг нь бие бядрыг чийрэгжүүлэх, хөдөлгөөний хомсдлоос сэргийлэх, хүн амыг биеийн тамир, спортын уралдаан тэмцээнд өргөнөөр хамруулах, иргэдийн идэвх санаачлагыг өрнүүлэх, хөршийн холбоог сайжруулах зэрэг онцлог шинжтэй үйл ажиллагаа боллоо.

Нийслэлийн шигшээ тэмцээнд спортын 8 төрлөөр 9 дүүргийн 152 хорооноос шалгарсан Шилдгийн шилдэг 108 багийн 1638 иргэн хамрагдсан бол Нийслэл, дүүргийн Иргэдийн спортын VI наадмын хэсэг, хороо, бүс, дүүрэг, нийслэлийн шатанд нийлээд 4200 байгууллагын 90000 гаруй иргэн хамрагджээ.

Наадмын шигшээ тэмцээн, нээлт, хаалтын ажиллагаанд:

- Нийслэлийн намын бүлгийн дэд дарга, Нийслэлийн иргэдийн Төлөөлөгчдийн Хурлын тэргүүлэгч С.Мөнхчулуун
- Нийслэлийн иргэдийн Төлөөлөгчдийн Хурлын төлөөлөгч Ё.Цацралтуяа
- Нийслэлийн Засаг даргын Тамгын газрын Нийгмийн бодлогын хэлтсийн дарга М.Эрдэнэжаргал
- Хан-Уул дүүргийн Иргэдийн төлөөлөгчдийн Хурлын дарга Б.Цэрэн
- Баянгол дүүргийн Засаг даргын орлогч Г.Нарангэрэл
- Хан-Уул дүүргийн Засаг даргын зөвлөх Ч.Бат-Оргил
- Нийслэлийн Нийтийн биеийн тамир, спортын хорооны Нийтийн биеийн тамирын хэлтсийн дарга А.Болдмаа
- Нийслэлийн Нийтийн биеийн тамир, спортын хорооны Спортын хөгжлийн дарга С.Саранцэцэг
- Баянгол дүүргийн Биеийн тамир, спортын хорооны дарга Б.Дамба
- Баянзүрх дүүргийн Биеийн тамир, спортын хорооны дарга С.Эрдэнэбат
- Налайх дүүргийн Биеийн тамир, спортын хорооны дарга Д.Мөнхбаяр
- Сонгинохайрхан дүүргийн Биеийн тамир, спортын хорооны дарга Ц.Ганхүү,
- Хан-Уул дүүргийн Биеийн тамир, спортын хорооны дарга Д.Жаргалсайхан
- Монгол Улсын гавьяат дасгалжуулагч, Монголын мастеруудын биеийн тамир, спорт хорооны ерөнхийлөгч Ч.Наранбаатар зэрэг албаны хүмүүс оролцлоо.

Спорт явган аялалын тэмцээн
1-р байр: Баянзүрх дүүргийн 5-р хорооны баг
2-р байр: Баянгол дүүргийн 22-р хорооны баг
3-р байр: Багахангай дүүргийн 1-р хорооны баг

Ширээний шагайн наадгайн тэмцээн
эмэгтэйчүүдийн төрөлд:
1-р байр: Чингэлтэй дүүргийн 17 дугаар хорооны баг
2-р байр: Налайх дүүргийн 5 дугаар хорооны баг
3-р байр: Багануур дүүргийн 5 дугаар хорооны баг
эрэгтэйчүүдийн төрөлд:
1-р байр: Сүхбаатар дүүргийн 19 дүгээр хорооны баг
2-р байр: Налайх дүүргийн 5 дугаар хорооны баг
3-р байр: Баянзүрх дүүргийн 27 дугаар хорооны баг

23244389_1903761239952466_1919929192907232197_n

Олс таталтын тэмцээн
эмэгтэйчүүдийн төрөлд:
1-р байр: Багануур дүүргийн 1 дүгээр хорооны баг
2-р байр: Хан-Уул дүүргийн 16 дугаар хорооны баг
3-р байр: Сонгинохайрхан дүүргийн 23 дугаар хорооны баг

эрэгтэйчүүдийн төрөлд:
1-р байр: Чингэлтэй дүүргийн 16 дугаар хорооны баг
2-р байр: Багануур дүүргийн 1 дүгээр хорооны баг
3-р байр: Хан-Уул дүүргийн 9 дүгээр хорооны баг

Хийн дасгалын тэмцээн
56 ба түүнээс дээш насны ангилалд:
1-р байр: Чингэлтэй дүүргийн 6 дугаар хорооны баг
2-р байр: Баянгол дүүргийн 1 дүгээр хорооны баг
3-р байр: Сонгинохайрхан дүүргийн 12 дугаар хорооны баг
31 – 55 хүртэлх насны ангилалд:
1-р байр: Сонгинохайрхан дүүргийн 14 дүгээр хорооны баг
2-р байр: Сүхбаатар дүүргийн 12 дугаар хорооны баг
3-р байр: Налайх дүүргийн 2 дугаар хорооны баг

Аэробикийн тэмцээн
56 ба түүнээс дээш насны ангилалд:
1-р байр: Баянгол дүүргийн 1 дүгээр хорооны баг
2-р байр: Чингэлтэй дүүргийн 3 дугаар хорооны баг
3-р байр: Налайх дүүргийн 3 дугаар хорооны баг
31-55 хүртэлх насны ангилалд:
1-р байр: Налайх дүүргийн 2 дугаар хорооны баг
2-р байр: Сонгинохайрхан дүүргийн 14 дүгээр хорооны баг
3-р байр: Чингэлтэй дүүргийн 6 дугаар хорооны баг

Софт волейболын тэмцээн
1-р байр: Чингэлтэй дүүргийн 19 дүгээр хорооны баг
2-р байр: Сонгинохайрхан дүүргийн 15 дугаар хорооны баг
3-р байр: Хан-Уул дүүргийн 8 дугаар хорооны баг

Волейболын тэмцээн
эмэгтэйчүүдийн төрөлд:
1-р байр: Баянзүрх дүүргийн 18 дугаар хорооны баг
2-р байр: Баянгол дүүргийн 6 дугаар хорооны баг
3-р байр: Багануур дүүргийн 1 дүгээр хорооны баг
эрэгтэйчүүдийн төрөлд:
1-р байр: Баянгол дүүргийн 4 дүгээр хорооны баг
2-р байр: Сонгинохайрхан дүүргийн 1 дүгээр хорооны баг
3-р байр: Багануур дүүргийн 1 дүгээр хорооны баг

Сагсан бөмбөгийн тэмцээн
эмэгтэйчүүдийн төрөлд:
1-р байр: Хан-Уул дүүргийн 2 дугаар хорооны баг
2-р байр: Налайх дүүргийн 2 дугаар хорооны баг
3-р байр: Баянзүрх дүүргийн 6 дугаар хорооны баг
эрэгтэйчүүдийн төрөлд:
1-р байр: Багануур дүүргийн 1 дүгээр хорооны баг
2-р байр: Баянгол дүүргийн 6 дугаа хорооны баг
3-р байр: Налайх дүүргийн 2 дугаар хорооны баг нар тус тус эхний гурван байрт шалгарч цом, алт, мөнгө, хүрэл медалийн эзэд боллоо.

Нийслэлийн Иргэдийн спортын VI наадмын бүх үе шатуудад баг тамирчдаа амжилттай зохион байгуулж оролцуулсан хороодыг шалгаруулж, дараах хороодод “Шилдэг хороо” шагнал гардуулсан.
Б.Гэрэлмаа засаг даргатай Багахангай дүүргийн 1 -р хорооны “Хангай” баг
Л.Эрдэнэтуяа засаг даргатай Багануур дүүргийн 1-р хорооны “Нүүрэнтээн золбоо” баг
Д.Дорждулам засаг даргатай Баянгол дүүргийн 4 -р хорооны “Цоглог” баг
Б.Болормаа засаг даргатай Баянзүрх дүүргийн 26 -р хорооны “Уухай” баг
Д.Мөнхбаяр засаг даргатай Налайх дүүргийн 5 -р хорооны “Шонхорууд” баг
Г.Оюунчимэг засаг даргатай Сонгинохайрхан дүүргийн 7-р хорооны “7 бурхан” баг
Ё.Цацралтуяа засаг даргатай Хан-Уул дүүргийн 8-р хорооны “Хан-Уул” баг
Н.Оюунгэрэл засаг даргатай Чингэлтэй дүүргийн 19- р хорооны “Согоот” баг
Шилдгийн шилдэг хороогоор Л.Отгонцэцэг засаг даргатай Сүхбаатар дүүргийн 7-р хорооны “Харцагууд” баг шалгарлаа.

Нийслэлийн шигшээ тэмцээнд нийлбэр дүнгээр:
1-р байр Чингэлтэй дүүрэг
2-р байр Налайх дүүрэг
3-р байр Сонгинохайрхан дүүрэг
4-р байр Баянгол дүүрэг
5-р байр Багануур дүүрэг
6-р байр Баянзүрх дүүрэг
7-р байр Хан-Уул дүүрэг
8-р байр Сүхбаатар дүүрэг
9-р байр Багахангай дүүрэг шалгарсан бөгөөд байгууллагуудыг цом, өргөмжлөл, мөнгөн шагналаар шагнав.

Нийслэлийн Иргэдийн спортын VI наадмын мэдээ мэдээллийгwww.sport.ub.gov.mnwww.news.mnfacebook.comwww.ulaanbaatar.mnсайтад байршуулж, MҮОНTV, TV5 телевизэд ярилцлага, мэдээ өгүүллээ.
Тус арга хэмжээгээр Монголын үндэсний олон нийтийн радио, телевизийн MNB спортын алба 50 минутын нэвтрүүлэг бэлтгэн 2017.11.12-ны 17:30 минутанд “Спорт таны амралтанд” хөтөлбөрөөр олон нийтэд хүргэнэ гэж Нийслэлийн Нийтийн биеийн тамир, спортын хорооноос мэдээллээ.

 

 

 

0 228

“Эрүүл ажлын байр танаас эхэлнэ” сургалт явагдаж байна

 

Нийслэлийн Нийтийн биеийн тамир, спортын хорооноос “Хэрэглээний сэтгэл судлалын хүрээлэн” ТББ-тай хамтран “ЭРҮҮЛ АЖЛЫН БАЙР ТАНААС ЭХЛЭНЭ” сэдэвт сургалт семинарыг 2017 оны 9-р сарын 25-аас 10 сарын 03-ныг хүртэл нийт 7 өдөр зохион байгуулж байна. Уг сургалт 3 дахь өдрөө амжилттай үргэлжилж байна. Тус сургалт нь “АЖЛЫН БАЙРАН ДАХЬ СЭТГЭЛ ЗҮЙН БОЛОН БИЕИЙН ЭРҮҮЛ МЭНДИЙГ ДАСГАЛ ХӨДӨЛГӨӨНӨӨР ДЭМЖИХ НЬ” төслийн хүрээнд зохион байгуулагдаж байгаа бөгөөд дасгал хөдөлгөөн, чийрэгжүүлэлтээр ажил мэргэжлээс шалтгаалсан сэтгэл зүйн болон бие физиологийн эрүүл мэнддээ дэмжлэг үзүүлж урьдчилан сэргийлэх сургалт юм.
22091590_950005358470669_788068503_nМанай 2 өдрийн сургалтанд “Нийслэлийн Залуучуудын хөгжлийн газар”, “Нийслэлийн Агаарын бохирдлыг бууруулах газар”, “Нийслэлийн Авто замын хөгжлийн газар”, “Нийслэлийн аялал жуулчлалын газар”, “Нийслэлийн Гэр Хорооллын Дэд Бүтцийн Газар”-ын төрийн албан хаагч нар оролцсон бол 3 дахь өдрийн сургалтад Нийслэлийн Нийтийн биеийн тамир, спортын хороо, Нийслэлийн Нийгмийн халамжийн газар, Нийслэлийн Нийтлэг үйлчилгээний газар, Нийслэлийн Өмчийн харилцааны газар, Нийслэлийн Статистикийн газар, Нийслэлийн Татварын газар, Чингэлтэй дүүргийн Онцгой байдлын хэлтэс, Баянгол дүүргийн Онцгой байдлын хэлтсийн албан хаагчид оролцлоо.

Энэ сургалтад Нийслэлийн Засаг даргын хэрэгжүүлэгч агентлагийн ажилтан, албан хаагчид идэвхтэй хамрагдаж сургалт маань 3 дахь өдрөө амжилтай сайхан үргэлжиллээ.

Сургалт семинарт цаг заваа гарган хүрэлцэн ирсэн албан хаагчиддаа баярлалаа.
Нийт оролцогчиддоо АМЖИЛТ ХҮСЬЕ.

 

0 145

НИЙСЛЭЛИЙН ИРГЭД СПОРТ ЯВГАН АЯЛАЛААР ӨРСӨЛДЛӨӨ

 

 

20170910_161927Нийслэлийн Иргэдийн спортын VI наадмын эхний төрөл болох Спорт явган аялалын тэмцээний V үе шат буюу Шигшээ тэмцээн 2017 оны 09 дүгээр сарын 09-10-ны өдрүүдэд “Улаанбаатар- Баянзүрхийн товчоо- Налайх дүүрэг дэх “Номин” дэлгүүр – Налайх дүүргийн төв талбай – Ургах гаран хороолол- Баянзүрх хайрхан – Хар усан тохой – Улаанбаатар” гэсэн чиглэлээр аялахдаа машинаар 90 км, явганаар 20 км замыг туулж амжилттай явагдлаа.

Энэхүү наадмыг Монгол Улсын Биеийн тамир, спортын тухай хуулийн 10 дугаар зүйл, Засгийн газрын 2014 оны 34 дүгээр тогтоолыг үндэслэн Нийслэлийн Засаг даргын 2013 оны А\333 дугаар захирамжаар жил бүр спортын 8 төрлөөр, хэсэг, хороо, бүс, дүүрэг, нийслэл гэсэн 5 үе шаттайгаар 8 – 9 сарын турш зохион байгуулдаг билээ.

”Биеийн тамир, спортыг айл өрх, иргэн бүрт хүргэх” уриатайгаар Нийслэлийн хүн амыг биеийн тамир, спортын уралдаан тэмцээнд өргөнөөр хамруулах, тэдний идэвхи сонирхлыг дэмжих, Нийслэлийн иргэдийг хөдөлгөөний хомсдлоос сэргийлэх, нийтийн биеийн тамирын хүртээмжийг нэмэгдүүлэх нь Нийслэлийн Иргэдийн спортын наадмын гол  зорилго юм.

Налайх дүүргийн Төв талбайд болсон нээлтийн ажиллагаанд Налайх дүүргийн Засаг даргын Тамгын газрын Нийгмийн хөгжлийн хэлтсийн дарга Баттулга, дүүргийн Биеийн тамир, спортын хорооны  дарга Д.Мөнхбаяр нар оролцлоо.

Нийслэлийн 9 дүүргээс шалгарсан 117 баг тамирчид /баг тус бүр 6 эрэгтэй, 6 эмэгтэй, 1 дасгалжуулагчийн бүрэлдэхүүнтэй/ спорт явган аялалын тэмцээнд оролцохын зэрэгцээ “Газрын зураг дээр зай чиглэл тодорхойлох”, “Байгальд нуувч илрүүлэх”, “Холимог буухиа” /техник тактик, хөгжилтэй буухиа хосолсон/ гэсэн 3 төрлийн тэмцээнээр хурд хүч, авхаалж самбаа, тэсвэр хатуужлаа сорин амжилттай өрсөлдлөө.

Аялалын тэмцээнд ирц, аялах явц, сахилга бат, зохион байгуулалт, багийн бэлтгэл, хувийн бэлтгэл, эмийн сан, аялалын тэмдэглэл, байгаль орчин, отгийн ариун цэвэр, галын наадам, урлагийн тоглолт, бэлэг солилцох гэсэн үзүүлэлтийг харгалзан дүгнэж байр эзлүүллээ.

1-р байрт Ю.Батсайхан дасгалжуулагчтай, Л.Уянга ахлагчтай Баянзүрх дүүргийн 5-р хороо 118 оноогоор тэргүүлж цомын эзэн боллоо.

2-р байрт Б.Пүрэвсүрэн дасгалжуулагчтай, Б.Баттөр ахлагчтай Баянгол дүүргийн 22-р хороо 116 оноогоор удаалав.

3-р байрт Г.Тэмүүлэн дасгалжуулагчтай, Т.Хүдэрчулуун ахлагчтай  Багахангай дүүргийн  1-р хороо 115.5 оноогоор гутгаар байранд шалгарлаа.

4-р байранд Б.Хаштогтох дасгалжуулагчтай, Б.Энхбаяр ахлагчтай Сонгинохайрхан дүүргийн 3-р хороо 115 оноо,

5-р байранд П.Идэрхангай дасгалжуулагчтай, С.Батбилэг ахлагчтай Налайх дүүргийн 2-р хороо 115 оноогоор,

6-р байранд Ч.Болдсайхан дасгалжуулагчтай, Ж.Алтантуул ахлагчтай Чингэлтэй дүүргийн 19-р хороо 111.5 оноогоор,

7-р байранд Б.Угтахбаяр дасгалжуулагчтай, З.Түвшинжаргал ахлагчтай Хан-Уул дүүргийн 8-р хороо 109 оноогоор,

8-р байранд Ж.Болдбаатар дасгалжуулагчтай, Г.Батжаргал ахлагчтай Багануур дүүргийн 3-р хороо 104 оноогоор,

9-р байранд А.Хоролсүрэн дасгалжуулагчтай, Ц.Цогт-Од ахлагчтай Сүхбаатар дүүргийн 18-р хороо 99.5 оноогоор тус тус шалгарлаа.

Тэмцээний ерөнхий шүүгчээр аялалын спортын мастер Ж.Энхтайван, эмч шүүгчээр спортын мастер Р.Энхцэцэг, спортын мастер Д.Далантай зэрэг туршлагатай шүүгчид хамтран ажиллалаа гэж Нийслэлийн Нийтийн биеийн тамир, спортын хорооноос мэдээллээ.

0 8
СӨБ-ийн багш нарын сургалт боллоо   Нийслэлийн Нийтийн биеийн тамир, спортын хорооноос “Идэвхтэй хөдөлгөөн - Эрүүл мэнд” сэдэвт сургалт семинарыг 2018 оны 01 дүгээр сарын...

Холбоос