Нийслэлийн иргэдийн спортын ХI наадмыг спортын 9 төрлөөр 5 үе шаттайгаар 2023 оны 08-р сараас 12-р сарын 01-ний өдрүүдэд зохион байгуулж байна. ᠨᠡᠶᠢᠰᠯᠡᠯ ᠦ᠋ᠨ ᠢᠷᢉᠡᠳ ᠦ᠋ᠨ ᠰᠫᠤᠷᠲ ᠤ᠋ᠨ ᢈᠥI ᠨᠠᠭᠠᠳᠤᠮ ᠢ᠋ ᠰᠫᠤᠷᠲ ᠤ᠋ᠨ ᠙ ᠲᠥᠷᠦᠯ ᠢ᠋ᠶᠡᠷ ᠕ ᠦᠶᠡ ᠱᠠᠲᠤ ᠲᠠᠢ ᠪᠠᠷ ᠒᠐᠒᠓ ᠣᠨ ᠤ᠋ ᠐᠘᠆ ᠷ ᠰᠠᠷᠠ ᠠ᠋ᠴᠠ ᠑᠒ ᠷ ᠰᠠᠷᠠ ᠶ᠋ᠢᠨ ᠐᠑᠆ ᠶ᠋ᠢᠨ ᠡᠳᠦᠷ ᠦ᠋ᠳ ᠲᠦ ᠵᠣᢈᠢᠶᠠᠨ ᠪᠠᠶᠢᠭᠤᠯᠵᠤ ᠪᠠᠶᠢᠨᠠ᠃
Наадамд Нийслэлийн 9 дүүргийн 171 хорооны давхардсан тоогоор 90000 иргэн оролцсоноос шигшээ тэмцээнд 65 хорооны 124 багийн 1042 иргэн оролцож байна. ᠨᠠᠭᠠᠳᠤᠮ ᠳ᠋ᠤ ᠨᠡᠶᠢᠰᠯᠡᠯ ᠦ᠋ᠨ ᠙ ᠳᠡᢉᠦᠷᢉᠡ ᠶ᠋ᠢᠨ ᠑᠗᠑ ᠬᠣᠷᠢᠶᠠᠨ ᠤ᠋ ᠳᠠᠪᠬᠤᠷᠳᠠᠭᠰᠠᠨ ᠲᠣᠭᠠ ᠪᠠᠷ ᠙᠐᠐᠐᠐ ᠢᠷᢉᠡᠨ ᠣᠷᠤᠯᠴᠠᠭᠰᠠᠨ ᠠ᠋ᠴᠠ ᠰᠢᢉᠰᠢᢉᠡ ᠲᠡᠮᠡᠴᠡᢉᠡᠨ ᠳ᠋ᠦ ᠖᠕ ᠬᠣᠷᠢᠶᠠᠨ ᠤ᠋ ᠑᠒᠔ ᠪᠠᠭ ᠤ᠋ᠨ ᠑᠐᠔᠒ ᠢᠷᢉᠡᠨ ᠣᠷᠤᠯᠴᠠᠵᠤ ᠪᠠᠶᠢᠨᠠ᠃
Энэхүү наадмын шигшээ тэмцээний нэгдсэн нээлтийн үйл ажиллагааг 2023 оны 11-р сарын 21-ний өдөр Баянгол дүүргийн Биеийн тамир, спортын хорооны зааланд зохион байгуулж, Нийслэлийн Биеийн тамир, спортын газрын дарга Ж.Ганболд, 9 дүүргийн Биеийн тамир, спортын хороодын дарга нар оролцлоо. ᠡᠨᠡ ᢈᠦ ᠨᠠᠭᠠᠳᠤᠮ ᠤ᠋ᠨ ᠰᠢᢉᠰᠢᢉᠡ ᠲᠡᠮᠡᠴᠡᢉᠡᠨ ᠦ᠋ ᠨᠢᢉᠡᠳᠦᢉᠰᠡᠨ ᠨᠡᢉᠡᢉᠡᠯᠲᠡ ᠶ᠋ᠢᠨ ᠦᠶᠢᠯᠡ ᠠᠵᠢᠯᠯᠠᠭᠠ ᠶ᠋ᠢ ᠒᠐᠒᠓ ᠣᠨ ᠤ᠋ ᠑᠑᠆ ᠷ ᠰᠠᠷᠠ ᠶ᠋ᠢᠨ ᠒᠑ ᠶ᠋ᠢᠨ ᠡᠳᠦᠷ ᠪᠠᠶᠠᠩᠭᠣᠣᠯ ᠳᠡᢉᠦᠷᢉᠡ ᠶ᠋ᠢᠨ ᠪᠡᠶᠡ ᠶ᠋ᠢᠨ ᠲᠠᠮᠢᠷ᠂ ᠰᠫᠣᠷᠲ ᠤ᠋ᠨ ᠬᠣᠷᠢᠶᠠᠨ ᠤ᠋ ᠽᠠᠯ ᠳ᠋ᠤ ᠵᠣᢈᠢᠶᠠᠨ ᠪᠠᠶᠢᠭᠤᠯᠵᠤ᠂ ᠨᠡᠶᠢᠰᠯᠡᠯ ᠦ᠋ᠨ ᠪᠡᠶᠡ ᠶ᠋ᠢᠨ ᠲᠠᠮᠢᠷ᠂ ᠰᠫᠤᠷᠲ ᠤ᠋ᠨ ᠭᠠᠵᠠᠷ ᠤ᠋ᠨ ᠳᠠᠷᠤᠭᠠ ᠵᠤ᠃ᠭᠠᠩᠪᠣᠯᠤᠳ᠂ ᠙ ᠳᠡᢉᠦᠷᢉᠡ ᠶ᠋ᠢᠨ ᠪᠡᠶᠡ ᠶ᠋ᠢᠨ ᠲᠠᠮᠢᠷ᠂ ᠰᠫᠤᠷᠲ ᠤ᠋ᠨ ᠬᠣᠷᠢᠶᠠᠳ ᠤ᠋ᠨ ᠳᠠᠷᠤᠭᠠ ᠨᠠᠷ ᠣᠷᠤᠯᠴᠠᠯᠠ᠃
Нээлтийн үйл ажиллагааны үеэр Нийслэлийн иргэдийн спортын ХI наадмын шигшээ тэмцээнд оролцогч тамирчдыг төлөөлж Хан-Уул дүүргийн 14 дүгээр хорооны иргэн, Ширээний шагайн наадгайн дүүргийн 11 дэх удаагийн аварга, нийслэлийн 2 удаагийн аварга тамирчин Цэдэвсүрэнгийн Оюунчулуун “Тамирчны тангараг”, шигшээ тэмцээнийг шүүн явуулах шүүгчдийг төлөөлж Нийслэлийн Иргэдийн спортын XI наадмын Волейболын тэмцээний шүүгч Мөнх-Очирын Очир-Эрдэнэ “Шүүгчийн тангараг” өргөлөө. ᠨᠡᢉᠡᢉᠡᠯᠲᠡ ᠶ᠋ᠢᠨ ᠦᠶᠢᠯᠡ ᠠᠵᠢᠯᠯᠠᠭᠠᠨ ᠤ᠋ ᠦᠶᠡ ᠪᠡᠷ ᠨᠡᠶᠢᠰᠯᠡᠯ ᠦ᠋ᠨ ᠢᠷᢉᠡᠳ ᠦ᠋ᠨ ᠰᠫᠤᠷᠲ ᠤ᠋ᠨ ᢈᠥI ᠨᠠᠭᠠᠳᠤᠮ ᠤ᠋ᠨ ᠰᠢᢉᠰᠢᢉᠡ ᠲᠡᠮᠡᠴᠡᢉᠡᠨ ᠳ᠋ᠦ ᠣᠷᠤᠯᠴᠠᠭᠴᠢ ᠲᠠᠮᠢᠷᠴᠢᠳ ᠢ᠋ ᠲᠥᠯᠦᢉᠡᠯᠡᠵᠦ ᠬᠠᠨ ᠆ ᠠᠭᠤᠯᠠ ᠳᠡᢉᠦᠷᢉᠡ ᠶ᠋ᠢᠨ ᠑᠔ ᠳ᠋ᠦᢉᠡᠷ ᠬᠣᠷᠢᠶᠠᠨ ᠤ᠋ ᠢᠷᢉᠡᠨ᠂ ᠰᠢᠷᠡᢉᠡᠨ ᠦ᠋ ᠱᠠᠭᠠ ᠶ᠋ᠢᠨ ᠨᠠᠭᠠᠳᠤᠭᠠᠢ ᠶ᠋ᠢᠨ ᠳᠡᢉᠦᠷᢉᠡ ᠶ᠋ᠢᠨ ᠑᠑ ᠳ᠋ᠡᢈᠢ ᠤᠳᠠᠭᠠ ᠶ᠋ᠢᠨ ᠠᠪᠤᠷᠭᠤ᠂ ᠨᠡᠶᠢᠰᠯᠡᠯ ᠦ᠋ᠨ ᠒ ᠤᠳᠠᠭᠠ ᠶ᠋ᠢᠨ ᠠᠪᠤᠷᠭᠤ ᠲᠠᠮᠢᠷᠴᠢᠨ ᠴᠡᠳᠦᠪᠰᠦ᠋ᠷᠦᠩ ᠦ᠋ᠨ ᠣᠶᠤᠨᠴᠢᠯᠠᠭᠤᠨ “ᠲᠠᠮᠢᠷᠴᠢᠨ ᠤ᠋ ᠲᠠᠩᠭᠠᠷᠢᠭ”᠂ ᠰᠢᢉᠰᠢᢉᠡ ᠲᠡᠮᠡᠴᠡᢉᠡᠨ ᠢ᠋ ᠰᠢᢉᠦᠨ ᠶᠠᠪᠤᠭᠤᠯᠬᠤ ᠰᠢᢉᠦᢉᠴᠢᠳ ᠢ᠋ ᠲᠥᠯᠦᢉᠡᠯᠡᠵᠦ ᠨᠡᠶᠢᠰᠯᠡᠯ ᠦ᠋ᠨ ᠢᠷᢉᠡᠳ ᠦ᠋ᠨ ᠰᠫᠤᠷᠲ ᠤ᠋ᠨ XI ᠨᠠᠭᠠᠳᠤᠮ ᠤ᠋ᠨ ᠸᠣᠯᠧᠶᠢᠪᠤᠯ ᠤ᠋ᠨ ᠲᠡᠮᠡᠴᠡᢉᠡᠨ ᠦ᠋ ᠰᠢᢉᠦᢉᠴᠢ ᠮᠥᠩᢈᠡ ᠸᠴᠢᠷ ᠤ᠋ᠨ ᠸᠴᠢᠷ ᠡᠷᠳᠡᠨᠢ “ᠰᠢᢉᠦᢉᠴᠢ ᠶ᠋ᠢᠨ ᠲᠠᠩᠭᠠᠷᠢᠭ” ᠡᠷᢉᠦᠯᠡᢉᠡ᠃
Шигшээ тэмцээнд оролцогчдод амжилт хүсэж, Монголын Спорт сонирхогч, хөгжөөн дэмжигчдийн холбооны тамирчин охид үзүүлэх тоглолт хийж сонирхууллаа. ᠰᠢᢉᠰᠢᢉᠡ ᠲᠡᠮᠡᠴᠡᢉᠡᠨ ᠳ᠋ᠦ ᠣᠷᠤᠯᠴᠠᠭᠴᠢᠳ ᠲᠤ ᠠᠮᠵᠢᠯᠲᠠ ᢈᠦᠰᠡᠵᠦ᠂ ᠮᠣᠩᠭᠤᠯ ᠤ᠋ᠨ ᠰᠫᠤᠷᠲ ᠰᠣᠨᠢᠷᠬᠠᠭᠴᠢ᠂ ᢈᠥᢉᠵᠢᠶᠡᠨ ᠳᠡᠮᠵᠢᢉᠴᠢᠳ ᠦ᠋ᠨ ᠬᠣᠯᠪᠤᠭᠠᠨ ᠤ᠋ ᠲᠠᠮᠢᠷᠴᠢᠨ ᠥᢈᠢᠳ ᠦᠵᠡᢉᠦᠯᢈᠦ ᠲᠣᠭᠯᠠᠯᠲᠠ ᢈᠢᠵᠦ ᠰᠣᠨᠢᠷᠬᠠᠭᠤᠯᠤᠯᠠ᠃
