Нийслэлийн Биеийн тамир, спортын газар нь Монголын Гимнастикийн холбоотой хамтран Сургуулийн өмнөх боловсролын байгууллагын биеийн тамирын багш, арга зүйчдэд зориулсан онол, дадлага хосолсон сургалтыг өнөөдрөөс эхлэн 3 өдөр зохион байгуулж байна. ᠨᠡᠶᠢᠰᠯᠡᠯ ᠦ᠋ᠨ ᠪᠡᠶᠡ ᠶ᠋ᠢᠨ ᠲᠠᠮᠢᠷ᠂ ᠰᠫᠣᠷᠲ ᠤ᠋ᠨ ᠭᠠᠵᠠᠷ ᠨᠢ ᠮᠣᠩᠭᠣᠯ ᠤ᠋ᠨ ᢉᠢᠮᠨᠠᠰᠲ᠋ᠢᠭ ᠤ᠋ᠨ ᠬᠣᠯᠪᠤᠭᠠ ᠲᠠᠢ ᠬᠠᠮᠲᠤᠷᠠᠨ ᠰᠤᠷᠭᠠᠭᠤᠯᠢ ᠶ᠋ᠢᠨ ᠡᠮᠦᠨᠡᢈᠢ ᠪᠣᠯᠪᠠᠰᠤᠷᠠᠯ ᠤ᠋ᠨ ᠪᠠᠶᠢᠭᠤᠯᠤᠯᠭᠠ ᠶ᠋ᠢᠨ ᠪᠡᠶᠡ ᠶ᠋ᠢᠨ ᠲᠠᠮᠢᠷ ᠤ᠋ᠨ ᠪᠠᠭᠰᠢ᠂ ᠠᠷᠭᠠ ᠵᠦᠶᠢᠴᠢᠳ ᠲᠦ ᠵᠣᠷᠢᠭᠤᠯᠤᠭᠰᠠᠨ ᠣᠨᠤᠯ᠂ ᠳᠠᠳᠤᠯᠭᠠ ᠬᠣᠣᠰᠯᠠᠭᠰᠠᠨ ᠰᠤᠷᠭᠠᠯᠲᠠ ᠶ᠋ᠢ ᠥᠨᠦᠳᠦᠷ ᠡᠴᠡ ᠡᢈᠢᠯᠡᠨ ᠓ ᠡᠳᠦᠷ ᠵᠣᢈᠢᠶᠠᠨ ᠪᠠᠶᠢᠭᠤᠯᠵᠤ ᠪᠠᠶᠢᠨᠠ᠃
2024 оны 01 дүгээр сарын 29-ний өдрийн үдээс өмнөх онолын хичээлээр Нийслэлийн Биеийн тамир, спортын газраас 2024 онд хэрэгжүүлэх биеийн тамир, спортын арга хэмжээний танилцуулгыг НБТСГ-ын Спорт, нийтийн биеийн тамирын хэлтсийн Ахлах мэргэжилтэн Э.Мөнх-Эрдэнэ хийлээ. ᠒᠐᠒᠔ ᠣᠨ ᠤ᠋ ᠐᠑ ᠳ᠋ᠦᢉᠡᠷ ᠰᠠᠷᠠ ᠶ᠋ᠢᠨ ᠒᠙ ᠨᠤ ᠡᠳᠦᠷ ᠦ᠋ᠨ ᠦᠳᠡ ᠡᠴᠡ ᠡᠮᠦᠨᠡᢈᠢ ᠣᠨᠤᠯ ᠤ᠋ᠨ ᢈᠢᠴᠢᠶᠡᠯ ᠢ᠋ᠶᠡᠷ ᠨᠡᠶᠢᠰᠯᠡᠯ ᠦ᠋ᠨ ᠪᠡᠶᠡ ᠶ᠋ᠢᠨ ᠲᠠᠮᠢᠷ᠂ ᠰᠫᠤᠷᠲ ᠤ᠋ᠨ ᠭᠠᠵᠠᠷ ᠠ᠋ᠴᠠ ᠒᠐᠒᠔ ᠣᠨ ᠳ᠋ᠤ ᢈᠡᠷᠡᢉᠵᠢᢉᠦᠯᢈᠦ ᠪᠡᠶᠡ ᠶ᠋ᠢᠨ ᠲᠠᠮᠢᠷ᠂ ᠰᠫᠤᠷᠲ ᠤ᠋ᠨ ᠠᠷᠭᠠ ᢈᠡᠮᠵᠢᠶ ᠡᠨ ᠦ᠋ ᠲᠠᠨᠢᠯᠴᠠᠭᠤᠯᠭᠠ ᠶ᠋ᠢ ᠨᠪᠲᠤᠭᠰᠠᠨ ᠤ᠋ᠨ ᠰᠫᠤᠷᠲ᠂ ᠨᠡᠶᠢᠲᠡ ᠶ᠋ᠢᠨ ᠪᠡᠶᠡ ᠶ᠋ᠢᠨ ᠲᠠᠮᠢᠷ ᠤ᠋ᠨ ᢈᠡᠯᠲᠡᠰ ᠦ᠋ᠨ ᠠᠬᠠᠯᠠᠬᠤ ᠮᠡᠷᢉᠡᠵᠢᠯᠲᠡᠨ ᠡ᠃ᠮᠥᠩᢈᠡ ᠡᠷᠳᠡᠨᠢ ᢈᠢᠯᠦᢉᠡ᠃
Дараа нь Хүний нөөцийн хөгжлийн төвийн сургагч багш Б.Аззаяа “Төрийн албан хаагчдын ёс зүй” (Хувь хүний хөгжил) сэдэвт хичээлийг удирдан явууллаа. ᠳᠠᠷᠠᠭᠠ ᠨᠢ ᢈᠦᠮᠦᠨ ᠦ᠋ ᠨᠥᢉᠡᠴᠡ ᠶ᠋ᠢᠨ ᢈᠥᢉᠵᠢᠯ ᠦ᠋ᠨ ᠲᠥᠪ ᠦ᠋ᠨ ᠰᠤᠷᠭᠠᠭᠴᠢ ᠪᠠᠭᠰᠢ ᠪ᠃ᠠᠵᠠᠵᠠᠶᠠᠭᠠ “ᠲᠥᠷᠦ ᠶ᠋ᠢᠨ ᠠᠯᠪᠠᠨ ᠬᠠᠭᠠᠭᠴᠢᠳ ᠤ᠋ᠨ ᠶᠣᠰᠤ ᠵᠦᠢ” (ᠬᠤᠪᠢ ᢈᠦᠮᠦᠨ ᠦ᠋ ᢈᠥᢉᠵᠢᠯ) ᠰᠡᠳᠦᠪᠲᠦ ᢈᠢᠴᠢᠶᠡᠯ ᠢ᠋ ᠤᠳᠤᠷᠢᠳᠤᠨ ᠶᠠᠪᠤᠭᠤᠯᠤᠯᠠ᠃
Онолын хичээлийн төгсгөлд Монголын Гимнастикийн холбоо, Урана сайхны гимнастикийн техникийн хорооны дасгалжуулагч Б.Болормаа “Уран сайхны гимнастикийн хот, улсын аварга шалгаруулах тэмцээний заавал хийх дасгалын танилцуулга”-ыг хийлээ. ᠣᠨᠤᠯ ᠤ᠋ᠨ ᢈᠢᠴᠢᠶᠡᠯ ᠦ᠋ᠨ ᠲᠡᢉᠦᠰᢈᠡᠯ ᠳ᠋ᠦ ᠮᠣᠩᠭᠣᠯ ᠤ᠋ᠨ ᢉᠢᠮᠨᠠᠰᠲ᠋ᠢᠭ ᠤ᠋ᠨ ᠬᠣᠯᠪᠤᠭᠠ᠂ ᠤᠷᠠᠨᠠ ᠰᠠᠶᠢᠬᠠᠨ ᠤ᠋ ᢉᠢᠮᠨᠠᠰᠲ᠋ᠢᠭ ᠤ᠋ᠨ ᠲᠧᢈᠨᠢᢉ ᠦ᠋ᠨ ᠬᠣᠷᠢᠶᠠᠨ ᠤ᠋ ᠳᠠᠰᠬᠠᠯᠵᠢᠭᠤᠯᠤᠭᠴᠢ ᠪ᠃ᠪᠣᠯᠤᠷᠮᠠ “ᠤᠷᠠᠨ ᠰᠠᠶᠢᠬᠠᠨ ᠤ᠋ ᢉᠢᠮᠨᠠᠰᠲ᠋ᠢᠭ ᠤ᠋ᠨ ᠬᠣᠲᠠ᠂ ᠤᠯᠤᠰ ᠤ᠋ᠨ ᠠᠪᠤᠷᠭᠤ ᠰᠢᠯᠭᠠᠷᠠᠭᠤᠯᠬᠤ ᠲᠡᠮᠡᠴᠡᢉᠡᠨ ᠦ᠋ ᠵᠠᠪᠠᠯ ᢈᠢᢈᠦ ᠳᠠᠰᠬᠠᠯ ᠤ᠋ᠨ ᠲᠠᠨᠢᠯᠴᠠᠭᠤᠯᠭᠠ”᠆ ᠶ᠋ᠢ ᢈᠢᠯᠡᢉᠡ᠃
Монголын Гимнастикийн холбоо, Нийтийн гимнастикийн техникийн хорооны дасгалжуулагч Ж.Чулуунцэцэг, Д.Түмэнтөгс нар Цэцэрлэгийн хүүхдүүдийн Уран хөдөлгөөнт гимнастикийн заавал хийх дасгалын дадлага хичээлийг 29-нөөс 31-ний өдрүүдэд нийслэлийн 9 дүүргийн 100 гаруй цэцэрлэгийн 400 гаруй багш нарт заалаа. ᠮᠣᠩᠭᠣᠯ ᠤ᠋ᠨ ᢉᠢᠮᠨᠠᠰᠲ᠋ᠢᠭ ᠤ᠋ᠨ ᠬᠣᠯᠪᠤᠭᠠ᠂ ᠨᠡᠶᠢᠲᠡ ᠶ᠋ᠢᠨ ᢉᠢᠮᠨᠠᠰᠲ᠋ᠢᠭ ᠤ᠋ᠨ ᠲᠧᢈᠨᠢᢉ ᠦ᠋ᠨ ᠬᠣᠷᠢᠶᠠᠨ ᠤ᠋ ᠳᠠᠰᠬᠠᠯᠵᠢᠭᠤᠯᠤᠭᠴᠢ ᠵᠤ᠃ᠴᠢᠯᠠᠭᠤᠨᠴᠡᠴᠡᢉ᠂ ᠳ᠃ᠲᠦᠮᠡᠨᠲᠡᢉᠦᠰ ᠨᠠᠷᠠ ᠴᠡᠴᠡᠷᠯᠢᢉ ᠦ᠋ᠨ ᢈᠡᠦᢈᠡᠳ ᠦ᠋ᠳ ᠦ᠋ᠨ ᠤᠷᠠᠨ ᢈᠥᠳᠡᠯᢉᠡᢉᠡᠨᠲᠦ ᢉᠢᠮᠨᠠᠰᠲ᠋ᠢᠭ ᠤ᠋ᠨ ᠵᠠᠪᠠᠯ ᢈᠢᢈᠦ ᠳᠠᠰᠬᠠᠯ ᠤ᠋ᠨ ᠳᠠᠳᠤᠯᠭᠠ ᢈᠢᠴᠢᠶᠡᠯ ᠢ᠋ ᠒᠙ ᠲᠦᠨ ᠡᠴᠡ ᠓᠑᠆ ᠶ᠋ᠢᠨ ᠡᠳᠦᠷ ᠦ᠋ᠳ ᠲᠦ ᠨᠡᠶᠢᠰᠯᠡᠯ ᠦ᠋ᠨ ᠙ ᠳᠡᢉᠦᠷᢉᠡ ᠶ᠋ᠢᠨ ᠑᠐᠐ ᠭᠠᠷᠤᠢ ᠴᠡᠴᠡᠷᠯᠢᢉ ᠦ᠋ᠨ ᠔᠐᠐ ᠭᠠᠷᠤᠢ ᠪᠠᠭᠰᠢ ᠨᠠᠷᠠᠲᠤ ᠵᠠᠯᠠ᠃
