Home Зурагт мэдээ

0 320

“Улаанбаатар Марафон – 2015″ олон улсын гүйлт өндөрлөлөө

 

Монгол Улсын Засгийн газрын 2014 оны 376 дугаар тогтоол, Нийслэлийн Засаг даргын 2015 оны А/121 дүгээр захирамжаар “Найрсаг Улаанбаатар” хөтөлбөрийн хүрээнд “Улаанбаатар Марафон” олон улсын 2 дахь удаагийн гүйлтийг 2015 оны 06 дугаар сарын 06-ны Бямба гарагт амжилттай зохион байгууллаа. Энэхүү гүйлтэнд ОХУ, БНХАУ, Бутаны Вант улс, Герман, Япон, Белги, Англи, Итали, Швейцарь, Турк, Беларусь зэрэг гадаадын нийт 19 орны 91 тамирчин манай орны гүйгч, сонирхогчидтой нэгдсэн юм.

 

photo 10   Нийслэлийн нутгийн захиргааны байгууллагын ажилтан, албан хаагчдын уламжлалт цасны баяр, биеийн тамир, спортын өвлийн арга хэмжээний нээлтийн арга хэмжээний өдөрлөг 2015 оны 01 дүгээр сарын 24-ний Бямба гарагт Хандгайтын “Янзага” зусланд болно.

Нийслэлийн Засаг дарга бөгөөд Улаанбаатар хотын Захирагчийн 2013 – 2016 оны үйл ажиллагааны хөтөлбөр, нийслэлийн эдийн засаг, нийгмийн 2015 оны зорилтыг хэрэгжүүлэх зорилгоор “Цэнгэг агаар” сэдэвт өвлийн улирлын биеийн тамир, чийрэгжүүлэлтийн үйл ажиллагааны нээлтэнд НИТХ, Нийслэлийн ЗДТГ, Нийслэлийн Захирагчийн ажлын алба, харъяа газар, агентлагууд, Дүүргүүдийн ЗДТГ, харъяа байгууллагууд, Нийслэл, дүүргийн биеийн тамир, спортын газар, хороодын ажилтан, албан хаагчид оролцож, төрөл бүрийн спортын уралдаан тэмцээнд өрсөлдөхөөс гадна байгууллагуудын хооронд “Биеийн тамир, спорт – Нийслэлийн бүтээн байгуулалт” сэдэвт цасан хотхон байгуулах бичил бүтээн байгуулалтын уралдаан зохиогдох юм.

Энэхүү арга хэмжээнд нийслэлийн удирдлагууд оролцож, ажил үйлсээрээ 2014 оны “Нийслэлийн Биеийн тамир, спортын шилдэг хамтлаг”-аар шалгарсан байгууллага, хамт олонд шагнал гардуулна гэж Нийслэлийн Биеийн тамир, спортын газраас мэдээллээ.

Бага насны хүүхдүүдийн бие бялдрын хөгжилд онцгой анхаарна

 

            Монгол Улсын “Биеийн тамир, спортын тухай” хууль, Засгийн газрын 34, 05 дугаар тогтоолууд, Нийслэлийн Засаг даргын мөрийн хөтөлбөрийг хэрэгжүүлэх ажлын хүрээнд Нийслэлийн цэцэрлэгийн багш, арга зүйчдийн ур чадварыг дээшлүүлэх “Хүүхэд – Хөдөлгөөн – Эрүүл мэнд” сэдэвт сургалт семинарыг Нийслэлийн Биеийн тамир, спортын газраас 2015 оны 01 дүгээр сарын 12 – 16-ны өдрүүдэд МУИС-ийн Худалдаа үйлдвэрлэлийн дээд сургуулийн зааланд зохион байгуулна.

           Энэхүү арга хэмжээнд нийслэлийн бүх дүүрэг, цэцэрлэгийн багш, арга зүйчид оролцож, цэцэрлэгийн хүүхдүүдийн заавал хийх дасгалыг шинэчлэн боловсруулан, оролцогчдод бага насны хүүхдийн бие бялдрын хүмүүжлийн ажлыг зохион байгуулах талаар заавар зөвлөгөө өгч, заавал хийх дасгалын CD, гарын авлага, өглөөний дасгалын плакатыг тараалаа.

              Сургалтын үеэр Монгол Улсын их сургууль, “Нийслэлийн 2014 оны шилдэг хамтлаг” зэрэг байгууллагуудаас багш, мэргэжилтнүүд хичээл зааж байна гэж Нийслэлийн биеийн тамир, спортын газраас мэдээллээ.

0 6825

СУРАГЧДЫН БИЕ БЯЛДАР, ЧИЙРЭГЖИЛТИЙН

ТҮВШИН ТОГТООХ СОРИЛЫН ДҮН ГАРЛАА

 

 

Монгол Улсын “Биеийн тамир, спортын тухай” хууль, Ерөнхийлөгчийн 53-р зарлиг, Нийслэлийн Засаг даргын үйл ажиллагааны хөтөлбөр, эдийн засаг нийгмийн зорилтыг хэрэгжүүлэх, ерөнхий боловсролын сургуулийн сурагчдын бие бялдрын хөгжилт чийрэгжилтийн түвшинг тодорхойлж, үнэлэлт дүгнэлт өгөх, өсвөр үеийхний бие бялдрыг чийрэгжүүлэх, биеийн тамир, спортод дур сонирхолтой болгох, хүүхэд залуучуудын чөлөөт цагийг зөв боловсон өнгөрүүлэх, спортыг сурталчилах зорилгоор Нийслэлийн Засаг даргын нэрэмжит Нийслэлийн ерөнхий боловсролын сургуулийн сурагчдын бие бялдрын хөгжилт чийрэгжилтийн түвшин тогтоох 12 дахь удаагийн “Сорил” тэмцээнийг Нийслэлийн Биеийн тамир, спортын газраас 3 үе шаттайгаар 2014 оны 09-р сарын 10-наас 09-р сарын 27-ныг дуусталх хугацаанд зохион байгууллаа.

I шатны буюу Нийслэлийн ерөнхий боловсролын сургуулийн сурагчдын аварга шалгаруулах сорил тэмцээнийг 09-р сарын 15-ны дотор зохион байгуулж, нийт 125 сургуулийн 86072 сурагч хамруулсан.

II шатны буюу Дүүргийн аварга шалгаруулах тэмцээнийг 09-р сарын 22-ны дотор нийслэлийн 9 дүүргийн нутаг дэвсгэрт зохион байгуулж, нийт 91 сургуулийн 4650 сурагч оролцсон.

III шатны буюу Нийслэлийн шигшээ тэмцээнийг 09-р сарын 26-27-ны өдрүүдэд зохион байгуулж нийслэлийн 9 дүүргээс шалгарсан 520 гаруй сурагч өрсөлдсөн.

 

Байгууллагын нэгдсэн дүнгээр:

1-р байранд 3336 оноогоор Сонгинохайрхан дүүрэг

2-р байранд 3313 оноогоор Баянгол дүүрэг

3-р байранд 3196 оноогоор Баянзүрх дүүрэг

4-р байранд 3191 оноогоор Налайх дүүрэг

5-р байранд 3172 оноогоор Чингэлтэй дүүрэг

6-р байранд 3045 оноогоор Сүхбаатар дүүрэг

7-р байранд 2952 оноогоор Хан-Уул дүүрэг

8-р байранд 1954 оноогоор Багануур дүүрэг

9-р байранд 610 оноогоор Багахангай дүүргүүд шалгарлаа.

 

НИЙСЛЭЛИЙН БИЕИЙН ТАМИР,

СПОРТЫН ГАЗАР

Монгол Улсын Биеийн тамир, спортын тухай хуулийн 10 дугаар зүйл, Нийслэлийн Засаг даргын 2013 оны А\333 тоот захирамжаар ”Биеийн тамир, спортыг айл өрх, иргэн бүрт” уриан дор нийслэлийн хүн амыг биеийн тамир, спортын уралдаан тэмцээнд өргөнөөр хамруулах, тэдний идэвхи сонирхлыг дэмжих, хөдөлгөөний хомсдлоос сэргийлэх, спортын амжилтыг ахиулах зорилгоор Нийслэлийн Иргэдийн спортын гуравдугаар наадмыг хэсэг, хороо, бүс, дүүрэг, нийслэл гэсэн 5 үе шаттай зохион байгуулж байна.

Энэ жилийн иргэдийн спортын наадам Улаанбаатар хот үүсч хөгжсөний 375 жилийн ой, “Найрсаг – Улаанбаатар” хөтөлбөрийн хүрээнд явагдаж байгаагаараа онцлогтой.

Наадам 2014 оны 03 дугаар сараас 11 дүгээр саруудад нийслэл, дүүргийн хэмжээнд зохион байгуулж байна. Энэхүү наадмын нэг төрөл болох дугуйн аялалын 5-р шатны шигшээ тэмцээнийг 2014 оны 09 дүгээр сарын 13–нд Хүй долоон худагт амжилттай зохион байгуулагдлаа.

Duguin ayalal-1

Дугуйн аялалын тэмцээнийг Нийслэлийн Биеийн тамир, спортын газраас зохион байгуулж, нийслэлийн 7 дүүргээс 50 гаруй тамирчид оролцохдоо баг тус бүр 6 тамирчин, 1 дасгалжуулагчийн бүрэлдэхүүнтэйгээр туг шүлжих, дугуй угсрах, дартс зэрэг тэмцээнүүдээр хурд хүчээ сорилоо.

Duguin ayalal-2

А.Хоролсүрэн дасгалжуулагчтай, З.Наран ахлагчтай Сүхбаатар дүүргийн баг 18 оноогоор тэргүүллээ. Б.Пүрэвсүрэн дасгалжуулагчтай, Л.Батбаярахлагчтай Баянгол дүүргийн баг 21 оноогоор удаалж, Түмэнжаргал дасгалжуулагчтай, С.Жамбал ахлачтай Баянзүрх дүүргийн баг гутгаар байранд шалгарлаа. 4-р байранд Хан-Уул дүүрэг 29 оноо, 5-р байранд Налайх дүүрэг 30 оноо, 6-р байранд Чингэлтэй 33 оноо, 7-р байранд Сонгинохайрхан дүүрэг тус тус шалгарлаа.

Дугуйн аялалын оноог дараах үзүүлэлтүүдийг харгалзан дүгнэлээ. Үүнд:

- Аялалын явц, цуваанд яваа багийн сахилга, зохион байгуулалт

- Багийн болон хувийн бэлтгэл

- Галын болон отгийн ариун цэвэр, эмийн сан

- Байгаль, газар шороогоо бохирдуулахгүй байх зэрэг үзүүлэлтүүдээр дүгнэлээ гэж Нийслэлийн Биеийн тамир, спортын газраас мэдээллээ.

0 8
СӨБ-ийн багш нарын сургалт боллоо   Нийслэлийн Нийтийн биеийн тамир, спортын хорооноос “Идэвхтэй хөдөлгөөн - Эрүүл мэнд” сэдэвт сургалт семинарыг 2018 оны 01 дүгээр сарын...

Холбоос